ନୂଆଦିଲ୍ଲୀ, ୩୦।୩ : ପଞ୍ଜାବୀ ସିଙ୍ଗର ଦିଲଜାନ ମଙ୍ଗଳବାର ସକାଳେ ଏକ ଦୁର୍ଘଟଣାରେ ପ୍ରାଣ ହରାଇଛନ୍ତି। ଯୁବ ସିଙ୍ଗର ଦିଲଜାନଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି ପଞ୍ଜାବର ମୁଖ୍ୟମନ୍ତ୍ରୀ ଅମରିନ୍ଦର ସିଂ। ରାସ୍ତାରେ ଏଭଳି ଯୁବ ଜୀବନ ହରାଇବା ଅତ୍ୟନ୍ତ ଦୁଃଖ ଦାୟକ। ତାଙ୍କ ପରିବାର, ବନ୍ଧୁଗଣ ଓ ପ୍ରଶଂସକଙ୍କ ପ୍ରତି ମୋର ସମବେଦନା ରହିଛି ବୋଲି ମୁଖ୍ୟମନ୍ତ୍ରୀ ଅମରିନ୍ଦର ଟୁଇଟ୍ କରିଛନ୍ତି।
ଅମ୍ରିତସର-ଜଲନ୍ଧର ହାଇଓ୍ବେ ଦେଇ ଏକା ଯାଉଥିବାବେଳେ ଏହି ସିଙ୍ଗରଙ୍କ କାର ରାସ୍ତା କଡ଼ରେ ଛିଡ଼ା ହୋଇଥିବା ଟ୍ରକରେ ପିଟି ହୋଇଥିଲା। ତାଙ୍କୁ ମେଡିକାଲ ନିଆଯିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ୨୦୧୨ ରିଆଲଟି ଶୋ ସୁର କ୍ଷେତ୍ରରେ ପରିଚୟ ପାଇଥିଲେ ଦିଲଜାନ। ମାତ୍ର ଦୁଇ ଦିନ ତଳେ ତାଙ୍କର ଅପ୍କମିଂ ଗୀତ ସମ୍ପର୍କରେ ଇନ୍ଷ୍ଟାଗ୍ରାମ କିଛି ଫଟୋ ଶେୟାର କରି ସେ ସୂଚନା ଦେଇଥିଲେ।
