ବଲିଉଡରୁ ହଲିଉଡ୍କୁ ଜମ୍ପ୍ ମାରିଥିବା ପ୍ରିୟଙ୍କା ଚୋପ୍ରା ଏବେ କେବଳ ଭାରତରେ ନୁହେଁ, ସମଗ୍ର ବିଶ୍ୱରେ ଏକ ଜଣାଶୁଣା ନାମ। ପ୍ରିୟଙ୍କା ନିଜ କାର୍ଯ୍ୟ ଦ୍ୱାରା ସାରା ବିଶ୍ୱରେ ନିଜର ପରିଚୟ ସୃଷ୍ଟି କରିଛନ୍ତ। ତାଙ୍କ ଚଳଚ୍ଚିତ୍ର ଏବଂ ବିଜ୍ଞାପନ ସହିତ ପ୍ରିୟଙ୍କା ସୋସିଆଲ ମିଡିଆ ପ୍ଲାଟଫର୍ମ ମାଧ୍ୟମରେ ମଧ୍ୟ ବହୁତ ରୋଜଗାର କରନ୍ତି। ସମ୍ପ୍ରତି ଇନଷ୍ଟାଗ୍ରାମର ରିଚ ଲିଷ୍ଟ ୨୦୨୧ ରିଲିଜ ହୋଇଛି। ଏହି ତାଲିକାରେ ୨ ଭାରତୀୟ ତାରକା ସ୍ଥାନ ପାଇଛନ୍ତି। ଏହି ଦୁଇ ତାରକାଙ୍କ ମଧ୍ୟରେ ବଲିଉଡ ଏବଂ ହଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ ଏବଂ କ୍ରିକେଟର ବିରାଟ କୋହଲିଙ୍କ ନାମ ରହିଛି। ମନୋରଞ୍ଜନ ଜଗତରୁ ଏହି ତାଲିକାରେ କେବଳ ପ୍ରିୟଙ୍କା ଚୋପ୍ରା ସ୍ଥାନ ପାଇଛନ୍ତି। ହପର୍ ଇନଷ୍ଟାଗ୍ରାମ ରିଚ ଲିଷ୍ଟ ୨୦୨୧ ଅନୁଯାୟୀ ପ୍ରିୟଙ୍କା ୨୭ତମ ସ୍ଥାନ ହାସଲ କରିଛନ୍ତ। ଏଥି ସହିତ ବିରାଟ କୋହଲି ଏହି ତାଲିକାରେ ପ୍ରିୟଙ୍କା ଚୋପ୍ରାଙ୍କଠାରୁ ଆଗରେ ରହିଛନ୍ତି। ପ୍ରିୟଙ୍କାଙ୍କର ଇନଷ୍ଟାଗ୍ରାମରେ୬୪ ମିଲିୟନ ଅନୁସରଣକାରୀ ଅଛନ୍ତି । ଖବର ଅନୁଯାୟୀ, ସେ ତାଙ୍କର ଗୋଟିଏ ପୋଷ୍ଟ ପାଇଁ ତିନି କୋଟି ଟଙ୍କା ଆଦାୟ କରନ୍ତି।
ଏଥି ସହିତ ପ୍ରିୟଙ୍କା ଚୋପ୍ରାଙ୍କୁ ଛାଡି ବିରାଟ କୋହଲି ତାଲିକାରେ ୧୯ ତମ ସ୍ଥାନ ଅଧିକାର କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ବିରାଟ କୋହଲିଙ୍କ ୧୩୨ ନିୟୁତ ଅନୁସରଣକାରୀ ଅଛନ୍ତି ଏବଂ ଗୋଟିଏ ପୋଷ୍ଟ ପାଇଁ ୫ କୋଟି ଟଙ୍କା ରୋଜଗାର କରୁଛନ୍ତି।
