ବଲିଉଡ୍ରୁ ହଲିଉଡ୍କୁ ଜମ୍ପ୍ ମାରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ନିକଟରେ ନ୍ୟୁୟର୍କରେ ପ୍ରାଇଡ ପ୍ୟାରେଡରେ ଅଂଶଗ୍ରହଣ କରିଥିଲେ। ଏହି ଅବସରରେ ପ୍ରିୟଙ୍କା ଏକ ଧଳା ରଙ୍ଗର ପୋଷାକରେ ବହୁତ ସୁନ୍ଦର ଦେଖାଯାଉଥିଲେ। ପ୍ରିୟଙ୍କା ଇନଷ୍ଟାଗ୍ରାମରେ ଏକ ଫଟୋ ଶେୟାର କରି ପ୍ୟାରେଡରେ ଅଂଶଗ୍ରହଣ ବିଷୟରେ ସୂଚନା ଦେଇଥିଲେ। ପ୍ରିୟଙ୍କା ଏହି ଫଟୋ ଶେୟାର କରି କ୍ୟାପସନରେ ଲେଖିଛନ୍ତି, ଖୁସି ଅନୁଭବ କରୁଛି। ପ୍ରାଇଡ ପ୍ୟାରେଡରେ ଯୋଗଦେବା ପାଇଁ ଏକ ପୁରା ସ୍ଲିଭ ଟପ ଏବଂ ହାଇ ସ୍ଲିଟ ସ୍କର୍ଟ ପିନ୍ଧିଥିଲେ ପ୍ରିୟଙ୍କା। ସେ ଏହି ସୁନ୍ଦର ଧଳା ପୋଷାକ ସହିତ ମେଳ ଖାଉଥିବା ପିଭିସି ହିଲ ପିନ୍ଧିଥିଲେ। ତେବେ ତାଙ୍କ ଏହି ଟପ୍ ଆରୋନ ଇଣ୍ଟରନ୍ୟାସନାଲ ବ୍ରାଣ୍ଡର ଅଟେ ଏବଂ ଏହାର ମୂଲ୍ୟ ୧୭ ହଜାର ୨୫୬ ଟଙ୍କା ଥିବାବେଳେ ସ୍କର୍ଟ ୨୦ ହଜାର ୨୬୩ ଟଙ୍କା। ପ୍ରିୟଙ୍କା ଏକ ସୁନା ଘଣ୍ଟା, ସୁନ୍ଦର ସୁନା ବ୍ରେସଲେଟ ଏବଂ ହାତରେ ମୁଦି ପିନ୍ଧି ବହୁତ ସୁନ୍ଦର ଦେଖାଯାଉଥିଲେ। ହଲିଉଡ ବ୍ରାଣ୍ଡର ଅନେକ ଡିଜାଇନର୍ ଏବଂ ସେଲିବ୍ରିଟି ପ୍ରିୟଙ୍କା ଚୋପ୍ରାଙ୍କ ଲୁକ୍ସକୁ ପ୍ରଶଂସା କରୁଛନ୍ତି।
