ବଲିଉଡରୁ ହଲିଉଡ ପର୍ଯ୍ୟନ୍ତ ସବୁଠି ରାଜ କରୁଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ଚର୍ଚ୍ଚାରେ।
ବଲିଉଡରେ ସଫଳତା ହାସଲ କରିବା ପରେ ସେ ଅନେକ ବର୍ଷ ଧରି ହଲିଉଡରେ ସକ୍ରିୟ ଅଛନ୍ତି। ଲଗାତର ଅନ୍ତର୍ଜାତୀୟ ପ୍ରୋଜେକ୍ଟରେ କାମ କରୁଛନ୍ତି। ହଲିଉଡ ଷ୍ଟାରଡମ ସତ୍ତ୍ୱେ ଭାରତ ସହିତ ତାଙ୍କର ସମ୍ପର୍କ ପୂର୍ବ ପରି ଦୃଢ଼ ରହିଛି। ସେ ପ୍ରାୟତଃ ତାଙ୍କ ଝିଅ ମାଳତୀ ମାରିଙ୍କୁ ମନ୍ଦିରକୁ ନେଇଯାଆନ୍ତି। ତାଙ୍କୁ ଛୋଟ ବୟସରୁ ଭାରତୀୟ ସଂସ୍କୃତି ଏବଂ ପରମ୍ପରା ସହିତ ପରିଚିତ କରାନ୍ତି। ତାଙ୍କର ଏକ ଭିଡିଓ ଆଜିକାଲି ଚହଳ ସୃଷ୍ଟି କରୁଛି। ଏଥିରେ ସେ ମାଳତୀଙ୍କୁ ‘ଶ୍ରୀ ଦୁର୍ଗା ସପ୍ତଶତୀ’ ମନ୍ତ୍ର ସର୍ବମଙ୍ଗଳା-ମଙ୍ଗଲ୍ୟେ ଶିବେ ସର୍ବାର୍ଥ-ସାଧିକେ, ଶରଣ୍ୟେ ତ୍ର୍ୟମ୍ବକେ ଗୌରୀ ନାରାୟଣୀ ନମୋ-ସ୍ତୁ-ତେ ଶିଖାଉଥିବା ଦେଖାଯାଉଛି। ଏଥିରୁ ସେ ତାଙ୍କ ବ୍ୟକ୍ତିତ୍ୱର ଦୁଇଟି ଦିଗ ପ୍ରଦର୍ଶନ କରିଛନ୍ତି। ଗୋଟିଏ ହେଉଛି ସେ ଜଣେ ମା’ ଭାବରେ ତାଙ୍କର କର୍ତ୍ତବ୍ୟ ପାଳନ କରୁଛନ୍ତି ଏବଂ ଅନ୍ୟଟି ହେଉଛି ସେ ଉତ୍ସାହର ସହିତ ପାର୍ଟି କରୁଥିବାର ଦେଖାଯାଉଛି।
ପ୍ରିୟଙ୍କା ୮ ବର୍ଷ ପରେ ଭାରତୀୟ ସିନେମାକୁ ଫେରିବାକୁ ଯାଉଛନ୍ତି। ଫିଲ୍ମ ‘ବାରାଣସୀ’ ସହିତ ୨୦୨୭ରେ ମୁକ୍ତିଲାଭ କରିବାକୁ ସ୍ଥିର ହୋଇଛି। ପ୍ରିୟଙ୍କା ଝିଅ ମାଳତୀ ଏବଂ ସ୍ବାମୀ ନିକ ଜୋନାସଙ୍କ ସହିତ ‘ବାରାଣସୀ’ର ଶୁଟିଂ ପାଇଁ ହାଇଦ୍ରାବାଦରେ ପହଞ୍ଚିଛନ୍ତି। ଏହି ଫିଲ୍ମଟି ଏସ.ଏସ. ରାଜମୌଲିଙ୍କ ଦ୍ୱାରା ନିର୍ଦ୍ଦେଶିତ। ମହେଶ ବାବୁ ମୁଖ୍ୟ ଭୂମିକାରେ ଅଭିନୟ କରିଛନ୍ତି, ପ୍ରିୟଙ୍କା ଚୋପ୍ରା ଏବଂ ପୃଥ୍ବୀରାଜ ସୁକୁମାରନ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଫିଲ୍ମର ଅଧିକାଂଶ ଅଂଶ ପୂର୍ବରୁ ଶୁଟିଂ ହୋଇସାରିଛି ଏବଂ କେବଳ କିଛି ଛୋଟ ଛୋଟ ଦୃଶ୍ୟ ଶୁଟିଂ ହେବାକୁ ବାକି ଅଛି।
Dharitri – Odisha’s No.1 Odia Daily
