ସାଉଥ ସୁପରଷ୍ଟାର ପ୍ରଭାସ ଏବଂ ଅଭିନେତ୍ରୀ କ୍ରିତି ସାନନ୍ ତାଙ୍କ ଅପକମିଙ୍ଗ୍ ଫିଲ୍ମ‘ଆଦିପୁରୁଷ’କୁ ନେଇ ଏବେ ଚର୍ଚ୍ଚାରେ ଅଛନ୍ତି। ତାଙ୍କର ଏହି ଫିଲ୍ମଟି ଆସନ୍ତା ବର୍ଷ ଜାନୁୟାରୀରେ ରିଲିଜ୍ ହେବାକୁ ଯାଉଛି। ଏହାରି ମଧ୍ୟରେ ଏକ ଖବର ସାମ୍ନାକୁ ଆସିଛି ଯେ, କ୍ରିତି ପ୍ରଭାସଙ୍କୁ ଡେଟ୍ କରୁଛନ୍ତି। ଯାହାକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ଚାଲିଛି। ଅନେକ ସମୟରେ ଦୁହେଁ ଏକାଠି ନଜର ଆସନ୍ତି। ଏହା ଛଡା ଶୁଟିଂ ସମୟରେ ମଧ୍ୟ ଦୁହେଁ ଦୁହିଁଙ୍କ ସହ ସମୟ ବିତାଉଥିବାର ଜଣାପଡିଛି। ନିକଟରେ କଫି ୱିଥ କରଣ ଶୋ’ରେ କ୍ରିତି ପ୍ରଭାସଙ୍କୁ ଫୋନ୍ କରିଥିଲେ ଯାହା ପରେ ଉଭୟଙ୍କ ମଧ୍ୟରେ ଥିବା ଖାସ ବନ୍ଧୁତାକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା। ଦୁହିଁଙ୍କୁ ପ୍ରଥମ ଥର ପାଇଁ ଫିଲ୍ମ‘ଆଦିପୁରୁଷ’ରେ ଦର୍ଶକ ଦେଖିବାକୁ ପାଇବେ। ଯାହା ୨୧ ଜାନୁଆରୀ ୨୦୨୩ରେ ରିଲିଜ୍ ହେବା ପାଇ ଯାଉଛି । ଏହି ଫିଲ୍ମରେ ଅଭିନେତ୍ରୀ କ୍ରିତି ସୀତା ଭୂମିକାରେ ନଜର ଆସିବେ। ଏହାସହ ସୈଫ ଅଲ୍ଲୀ ଖାନ ମଧ୍ୟ ନଜର ଆସିବେ ।
