ପୁରୁଷୋତ୍ତମପୁର,୩୧ା୩(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ଆଛୁଲିରେ ଏକ ପୋଷ୍ଟ ଅଫିସ ପ୍ରତିଷ୍ଠା ଲାଗି ଦୀର୍ଘଦିନ ଧରି ଅଞ୍ଚଳବାସୀ ଦାବି କରି ଆସୁଥିଲେ। ଏନେଇ ପୂର୍ବତନ ଜିଲା ପରିଷଦ ଉପାଧ୍ୟକ୍ଷା ସ୍ନେହଲତା ପଣ୍ଡା କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ, ଧର୍ମେନ୍ଦ୍ର ପ୍ରଧାନଙ୍କୁ ପୋଷ୍ଟ ଅଫିସ ପ୍ରତିଷ୍ଠା ଲାଗି ଅନୁରୋଧ କରିଥିଲେ। ପୁରୁଷୋତ୍ତମପୁର ଏନ୍ଏସିର କଲେଜ ଛକ ନିକଟରେ ରହିଥିବା ବ୍ରାଞ୍ଚ ପୋଷ୍ଟ ଅଫିସଟି ଠିକ୍ ଭାବରେ କାର୍ଯ୍ୟକ୍ଷମ ହୋଇ ନ ପାରିବାରୁ ଏହି ପୋଷ୍ଟ ଅଫିସଟିକୁ ଆଛୁଲି ଗ୍ରାମକୁ ସ୍ଥାନାନ୍ତର କରାଯାଇ ଉଦ୍ଘାଟନ କରାଯାଇଛି। ଚିଫ୍ ପୋଷ୍ଟ ମାଷ୍ଟର ଜେନେରାଲ ଭୁବନେଶ୍ବର ଶୁଭେନ୍ଦୁ କୁମାର ସ୍ବାଇଁଙ୍କ ତତ୍ତ୍ୱାବଧାନରେ ବ୍ରହ୍ମପୁର ପୋଷ୍ଟାଲ ସୁପରିଟେଣ୍ଡେଣ୍ଟ ତାରିଣୀ ଚରଣ ପାଢୀ ଉଦ୍ଘାଟନ କରିଥିବା ବେଳେ ଅତିଥି ଭାବେ ସରପଞ୍ଚ ସୁଧାକର ଗୌଡ଼, ପୂର୍ବତନ ଜିଲା ପରିଷଦ ଉପାଧ୍ୟକ୍ଷା ସ୍ନେହଲତା ପଣ୍ଡା, ଅରୁଣ କୁମାର ପଣ୍ଡା, ସହକାରୀ ଡାକ ଅଧୀକ୍ଷକ ଚକ୍ରଧର ନାୟକ, ଓଭରସିୟର ଯୁଧିଷ୍ଠିର ବିଷୋୟୀ, ରଜନୀ କୁମାର ପାଢ଼ୀ ଯୋଗଦେଇଥିଲେ। ଏହି ବ୍ରାଞ୍ଚ ପୋଷ୍ଟ ଅଫିସର ପୋଷ୍ଟ ମାଷ୍ଟର ଗୀତାଞ୍ଜଳି ବେହେରା ଉପସ୍ଥିତ ରହି କାର୍ଯ୍ୟ ଆରମ୍ଭ କରିଥିଲେ।
