ଦୁବାଇ, ୧୭ା୧୦ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) କମେଣ୍ଟ୍ରି ପ୍ୟାନେଲର ଅନ୍ୟତମ ସଦସ୍ୟ ତଥା ପୂର୍ବତନ ଇଂଲଣ୍ଡ ଅଧିନାୟକ ଶୁକ୍ରବାର ଘରବାହୁଡ଼ା କରିଛନ୍ତି। ବର୍ତ୍ତମାନ ସେ ତାଙ୍କ ପିଲାମାନଙ୍କ ସହ ସମୟ ଅତିବାହିତ କରିବାକୁ ଚାହୁଁଛନ୍ତି। କମେଣ୍ଟେଟର ହେବା ପୂର୍ବରୁ ପିଟରସନ ଆଗରୁ ୪ଟି ପୃଥକ୍ ପୃଥକ୍ ଟିମ୍ରୁ ଖେଳିଛନ୍ତି। ବର୍ତ୍ତମାନ ସେ ଲଣ୍ଡନରେ ପହଞ୍ଚତ୍ସାରିଛନ୍ତି। ଚଳିତବର୍ଷ ଏକ ଅଦ୍ଭୁତ ବର୍ଷ। କୋଭିଡ୍ ଯୋଗୁ ସ୍କୁଲ ବନ୍ଦ ଥିବାରୁ ପିଲାମାନଙ୍କୁ ପୂରା ସମୟ ଘରେ ଅତିବାହିତ କରିବାକୁ ହେଉଛି। ତେଣୁ ସେ ତାଙ୍କୁ ସମୟ ଦେବାକୁ ଚାହୁଁଛନ୍ତି। ପିଟରସନଙ୍କ ସ୍ତ୍ରୀ ଜେସିକା ଟେଲର ଜଣେ କଣ୍ଠଶିଳ୍ପୀ। ସେମାନଙ୍କର ଦୁଇଟି ସନ୍ତାନ ଅଛନ୍ତି। ଦୁବାଇରୁ ଲଣ୍ଡନ ଯାତ୍ରାର ଏକ ସଂକ୍ଷିପ୍ତ ଭିଡିଓ କ୍ଲିପ ସେ ତାଙ୍କ ଟୁଇଟରରେ ପୋଷ୍ଟ କରିଛନ୍ତି। ଗୁରୁବାର କିଙ୍ଗ୍ସ ଇଲେଭେନ ପଞ୍ଜାବ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଆଇପିଏଲ୍ ମ୍ୟାଚ ଖେଳାଯାଇଥିଲା। କମେଣ୍ଟେଟର ଭାବେ ଚଳିତ ସିଜନରେ ଏହାଥିଲା ତାଙ୍କର ଅନ୍ତିମ ମ୍ୟାଚ୍।
