ମୁଣ୍ଡପିଛା ଋଣ ୨୨,୮୨୭ ଟଙ୍କା

ଭୁବନେଶ୍ୱର,୨୯ା୩(ବ୍ୟୁରୋ):ରାଜ୍ୟରେ ଋଣଭାର ୧ ଲକ୍ଷ ୪ ହଜାର ୩୧୨ କୋଟି ରହିଛି। ୨୦୨୧-୨୨ରେ ମୁଣ୍ଡପିଛା ଋଣଭାର ୨୨ ହଜାର ୮୨୭ ଟଙ୍କା ୫୪ ପଇସା। ରାଜ୍ୟ ସରକାର ୨୦୧୦-୧୧ରେ ୩୪୯୦.୪୬ କୋଟି ଟଙ୍କା ଋଣ କରିଥିବାବେଳେ ୨୦୧୧-୧୨ରେ ୧୭୮୦.୨୩ କୋଟି, ୨୦୧୨-୧୩ରେ ୨୫୭୦.୬୨ କୋଟି, ୨୦୧୩-୧୪ରେ ୨୯୭୯.୩୨ କୋଟି, ୨୦୧୪-୧୫ରେ ୭୬୩୬.୫୩ କୋଟି, ୨୦୧୫-୧୬ରେ ୧୧,୬୨୫.୩୨ କୋଟି, ୨୦୧୬-୧୭ରେ ୧୩,୦୮୦.୧୭ କୋଟି, ୨୦୧୭-୧୮ରେ ୧୪,୪୧୯.୪୧ କୋଟି, ୨୦୧୮-୧୯ରେ ୧୧,୭୫୦.୩୫ କୋଟି, ୨୦୧୯-୨୦ରେ ୧୫,୫୯୩.୬୨ କୋଟି, ୨୦୨୦-୨୧ରେ ୨୧,୩୧୭.୬୪ କୋଟି ଏବଂ ୨୦୨୧-୨୨ ଜାନୁୟାରୀ ସୁଦ୍ଧା ରାଜ୍ୟ ସରକାର ୧୦,୮୩୪.୨୯ କୋଟି ଟଙ୍କା ଋଣ କରିଛନ୍ତି। କର୍ନାଟକ ପରେ ଓଡ଼ିଶା ଦେଶରେ କମ୍‌ ଋଣ କରିବାରେ ଦ୍ୱିତୀୟ ରାଜ୍ୟ। ଆସନ୍ତା ବର୍ଷ ଓଡ଼ିଶା ସବୁଠାରୁ କମ୍‌ ଋଣ କରିବା ରାଜ୍ୟରେ ପରିଣତ ହେବ ବୋଲି ସୋମବାର ବିଧାନସଭାରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କହିଛନ୍ତି।
ରାଜ୍ୟରେ ବଢ଼ୁଥିବା ଋଣଭାରକୁ ନେଇ ବିଧାନସଭାରେ ବିରୋଧୀ ସଦସ୍ୟ ଉଦ୍‌ବେଗ ପ୍ରକାଶ କରିଛନ୍ତି। ସୋମବାର ପ୍ରଶ୍ନୋତ୍ତର ବେଳେ ୩୨ ନମ୍ବର ପ୍ରଶ୍ନରେ କଂଗ୍ରେସ ସଭ୍ୟ ସୁରେଶ କୁମାର ରାଉତରାୟ ଜାଣିବାକୁ ଚାହିଁଥିଲେ ଯେ, ୨୦୧୦ରୁ ଏ ପର୍ଯ୍ୟନ୍ତ ରାଜ୍ୟ ସରକାର କେଉଁ ଆର୍ଥିକ ବର୍ଷରେ କେତେ ଋଣ କରିଛନ୍ତି। କେତେ ଋଣ ଓ ସୁଧ ଶୁଝିଛନ୍ତି। ରାଜ୍ୟ ଦିନକୁଦିନ ଋଣଭାରରେ ବୁଡ଼ିବା କାରଣ କ’ଣ। ରାଜ୍ୟ ସରକାର ଋଣ କରି ସରକାରୀ କର୍ମଚାରୀଙ୍କୁ ଦରମା ଦେଉଛନ୍ତି। କାଳିଆ, ବଳିଆ, ଛତା, ଜୋତା ଭଳି କେତେ କ’ଣ ଯୋଜନା କରାଯାଉଛି। ରାଜ୍ୟ ଋଣଭାରରେ ବୁଡ଼ିଲାଣି। ରାଜ୍ୟ ସରକାର କେତେ ଋଣ ଶୁଝିଛନ୍ତି। ଏହାର ଉତ୍ତରରେ ମନ୍ତ୍ରୀ କହିଛନ୍ତି ଯେ, ରାଜ୍ୟ ସରକାର ଋଣ କରି କର୍ମଚାରୀଙ୍କୁ ଦରମା ଦେଉନାହାନ୍ତି। ୨୦୨୧-୨୨ରେ ଅଣଟିକସ ଓ ନିଜସ୍ବ ଟିକସ ୨% ବୃଦ୍ଧି ପାଇଛି। ୨୦୦୪-୫ରୁ ରାଜ୍ୟ ସରକାର ଯାହା ଋଣ କରିଥିଲେ, ତାହା ବିକାଶମୂଳକ କାର୍ଯ୍ୟରେ ଲାଗିଛି। ଘରୋଇ ଉତ୍ପାଦନର ୨୫% ଯାଏ ଋଣ କରିବାକୁ ଏଫ୍‌ଆରବିଏମ୍‌ ଅନୁମତି ଦେଇଛି। ରାଜ୍ୟରେ ଋଣହାର ଏହାଠାରୁ କମ୍‌ ରହିଛି। କର୍ନାଟକକୁ ଛାଡ଼ିଦେଲେ ଓଡ଼ିଶା ସମସ୍ତ ରାଜ୍ୟଠାରୁ କମ୍‌ ଋଣ କରିଛି। ଆଗାମୀ ଦିନରେ କମ୍‌ ଋଣ କରିବାରେ ଆମ ରାଜ୍ୟ ସମସ୍ତଙ୍କ ଆଗରେ ରହିବ।
ବିଜେଡି ସଭ୍ୟ ପ୍ରଦୀପ ଅମାତ ପଚାରିଥିଲେ ଯେ, ରାଜ୍ୟ ସରକାର କେଉଁ ବର୍ଷ କେତେ ଋଣ କରିଛନ୍ତି। ସେଥିରୁ କେତେ ଶୁଝିଛନ୍ତି। ଖୋଲା ବଜାରରୁ କେତେ ଋଣ କରାଯାଇଛି। ମନ୍ତ୍ରୀ କହିଛନ୍ତି ଯେ, ରାଜ୍ୟ ସରକାର ଚଳିତବର୍ଷ ଖୋଲା ବଜାରରୁ କୌଣସି ଋଣ କରିନାହାନ୍ତି।
କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଲେ, ରାଜ୍ୟ ସରକାର ସଞ୍ଜୀବ ହୋତା କମିଶନ ସୁପାରିସକୁ କାହିଁକି ଲାଗୁ କରିନାହାନ୍ତି। ମନ୍ତ୍ରୀ କହିଛନ୍ତି ଯେ, ସଞ୍ଜୀବ ହୋତା କମିଶନଙ୍କ ରିପୋର୍ଟକୁ ରାଜ୍ୟ ସରକାର ତର୍ଜମା କରୁଛନ୍ତି। ୨୦୨୧-୨୨ ଆର୍ଥିକ ବର୍ଷ ପାଇଁ ରାଜ୍ୟ ସରକାର ଅଣରାଜସ୍ବ ଟିକସ ବାବଦରେ ୨୦ ହଜାର କୋଟି ଟଙ୍କା ରାଜସ୍ବ ଲକ୍ଷ୍ୟ ଧାର୍ଯ୍ୟ କରିଥିଲେ। ୨୦୨୨ ଜାନୁୟାରୀ ସୁଦ୍ଧା ୩୮,୭୭୨ କୋଟି ଟଙ୍କା ରାଜସ୍ବ ଆଦାୟ ହୋଇଛି। ଏଥିସହିତ ନିଜସ୍ବ ଟିକସ ଓ ଅଣଟିକସ ମଧ୍ୟ ବୃଦ୍ଧି ପାଇଛି ବୋଲି ମନ୍ତ୍ରୀ କହିଛନ୍ତି। ବିଜେଡି ସଭ୍ୟ ଅମର ଶତପଥୀ ରାଜ୍ୟ ସରକାର କେତେ ଋଣ ଶୁଝିଛନ୍ତି ବୋଲି ପଚାରିଥିଲେ। କଂଗ୍ରେସ ସଭ୍ୟ ତାରା ପ୍ରସାଦ ବାହିନୀପତି ୧୯୯୯-୨୦୦୦ରୁ ୨୦୨୧-୨୨ ସୁଦ୍ଧା ରାଜ୍ୟର ଋଣଭାର କେତେ ଅଛି। କେତେ ସୁଧ ଓ ଋଣ ଶୁଝାଯାଇଛି। ମୁଣ୍ଡ ପିଛା ଋଣ କେତେ ବୋଲି ପଚାରିଥିଲେ। ମନ୍ତ୍ରୀ କହିଛନ୍ତି, ରାଜ୍ୟରେ ମୋଟ ଋଣ ୧ ଲକ୍ଷ ୪ ହଜାର ୩୧୨ କୋଟି ଟଙ୍କା ରହିଛି। ଠିକ୍‌ ସମୟରେ ଋଣ ଶୁଝାଯାଉଥିବାରୁ ଇନ୍‌ସେନ୍‌ଟିଭ ମିଳୁଛି। ୨୦୧୧-୧୨ରୁ ୨୦୨୦-୨୧ ମଧ୍ୟରେ ୧୩୯.୨୫ କୋଟି ଟଙ୍କା ଇନ୍‌ସେନ୍‌ଟିଭ ମିଳିଛି ବୋଲି ମନ୍ତ୍ରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଳମ୍ବିତ ରାତି ପର୍ଯ୍ୟନ୍ତ ଚାଲିଲା ଭାଜପା କୋର କମିଟି ବୈଠକ, ଖୁବଶୀଘ୍ର ଘୋଷଣା ହେବ ଲୋକ ସଭା-ବିଧାନସଭା ପ୍ରାର୍ଥୀ ତାଲିକା

ଭୁବନେଶ୍ୱର,୨୯ା୩: ଆଗାମୀ ବିଧାନସଭା ପାଇଁ ଭାଜପାର ପ୍ରାର୍ଥୀ ତାଲିକା ଏବଂ ଓଡିଶାରେ ଅବଶିଷ୍ଟ ଲୋକସଭା ଆସନ ଖୁବ ଶୀଘ୍ର ପ୍ରକାଶ ପାଇବ। ସୂତ୍ରରୁ ପ୍ରକାଶ ଯେ...

ଶ୍ୱଶୁରଙ୍କୁ ଛୁରି ଭୁସି ହତ୍ୟା କଲେ ଜ୍ୱାଇଁ

କୋରାପୁଟ,୨୯ା୩: ଶ୍ୱଶୁରଙ୍କୁ ଛୁରି ଭୁସି ଜ୍ୱାଇଁ  ହତ୍ୟା କରିଥିବା ଅଭିଯୋଗ ହୋଇଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କୋରାପୁଟ ଜିଲା ନାରାୟଣପାଟଣା ଥାନା...

ଭାଜପା ଆଶାୟୀ ପ୍ରାର୍ଥୀଙ୍କ ନିଦ ଗାଏବ

ଅନୁଗୋଳ,୨୯ା୩(ଅମିତ କୁମାର ସାମଲ): ବିଜେଡି-ଭାଜପା ମଧ୍ୟରେ ମେଣ୍ଟ ହେବ ବୋଲି ପ୍ରଥମେ ଶୁଣାଗଲା। ଏହାକୁ ନେଇ ଉଭୟ ଦଳ ପକ୍ଷରୁ ଘନ ଘନ ବୈଠକ ହେଲା।...

କେନ୍ଦୁଝର ବଳଦେବଜୀଉ ମନ୍ଦିର ହୁଣ୍ଡି ଟେକିନେଲେ ଦୁର୍ବୃତ୍ତ

କେନ୍ଦୁଝର,୨୯ା୩: କେନ୍ଦୁଝରର ଆରାଧ୍ୟ ଦେବତା ପ୍ରଭୁ ବଳଦେବଜୀଉଙ୍କ ମନ୍ଦିର ହୁଣ୍ଡିରୁ ଚୋରି ଅଭିଯୋଗ ଆସିଛି। ଗୁରୁବାର ମଧ୍ୟରାତ୍ରରେ ହୁଣ୍ଡି ଭାଙ୍ଗି ସେଥିରେ ଥିବା ଟଙ୍କା ଏବଂ...

ଭାଜପାରେ ଯୋଗ ଦେଲେ ଭର୍ତ୍ତୃହରି, ଇସ୍ତଫା ଦେଲେ ଜିଲା ସଭାପତି ପ୍ରକାଶ ବେହେରା

କଟକ,୨୯।୩: ସାଧାରଣ ନିର୍ବାଚନ ଆଗରୁ କଟକ ରାଜନୀତିରେ ଜାରି ରହିଛି ଦଳ ବଦଳ ପର୍ବ। ଅରିନ୍ଦମ ରାୟଙ୍କ ପଛେ ପଛେ ଏମପି ଭର୍ତ୍ତୃହରି ମହତାବ ଗୁରୁବାର...

ପ୍ରାର୍ଥୀ ଘୋଷଣା ନେଇ ବିଜେଡିରେ ହୋଇପାରୁନି ନିଷ୍ପତ୍ତି

ଢେଙ୍କାନାଳ,୨୯ା୩(ରତନ ନାୟାର): ଢେଙ୍କାନାଳ ଲୋକ ସଭା କ୍ଷେତ୍ର ଅଧୀନରେ ଆସୁଥିବା ଢେଙ୍କାନାଳ ଓ ଅନୁଗୋଳ ଜିଲାର ୭ ବିଧାନସଭା ନିର୍ବାଚନମଣ୍ଡଳୀରୁ ଢେଙ୍କାନାଳ ଜିଲାରେ ରହିଛି ୪ଟି...

ସଡ଼କ ଦୁର୍ଘଟଣା ହ୍ରାସ କରିବ ଆଇଇଏମ୍‌ଏସ୍‌

ଭୁବନେଶ୍ୱର,୨୯ା୩(ଅନିଲ ଦାସ):ରାଜ୍ୟରେ ସଡ଼କ ଦୁର୍ଘଟଣା ଚିନ୍ତାଜନକ ରହିଛି। ଏହାକୁ ହ୍ରାସ କରିବା ପାଇଁ ରାଜ୍ୟ ସରକାର ରାଜ୍ୟର ନୂତନ ନିର୍ମାଣାଧୀନ ରାସ୍ତା, ଏନ୍‌ଏଚ୍‌ ସମେତ ପୂର୍ତ୍ତ...

ପୋଲିସ କବ୍‌ଜାରେ ୫ ଜଣିଆ ଡକାୟତି ଗ୍ୟାଙ୍ଗ

ଭୁବନେଶ୍ୱର (ସତ୍ୟଜିତ୍‌ ରାଉତ)/ଜଟଣୀ(ରବୀନ୍ଦ୍ରନାଥ ମହାକୁଡ଼),୨୯।୩:କମିଶନରେଟ୍‌ ପୋଲିସ ହାତରେ ଧରାପଡିଛନ୍ତି ୫ ଜଣିଆ ଡକାୟତି ଗ୍ୟାଙ୍ଗ। ବୁଧବାର ବିଳମ୍ବିତ ରାତିରେ ଡକାୟତି ଯୋଜନା ବେଳେ ଜଟଣୀ ପୋଲିସ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri