କେସିଙ୍ଗା,୫।୭(ତୁମେଶ୍ୱର ସାହୁ): ସମ୍ବଲପୁର ରେଲୱେ ଡିଭିଜନ ଅନ୍ତର୍ଗତ କେସିଙ୍ଗା ରେଲୱେ ଷ୍ଟେଶନକୁ ଗତ ମାସ ୨୬ ତାରିଖରେ ଜେନେରାଲ ମେନେଜର ପରମେଶ୍ବର ଫୁଙ୍କାୱାଲଙ୍କ ସମେତ ଡି ଆର ଏମ ସୁବାସ ଚନ୍ଦ୍ର ଚୌଧୁରୀ ଏବଂ ସମସ୍ତ ବିଭାଗ ଉଚ୍ଚ ପଦାଧିକାରୀ ଗଣ ଶୁକ୍ରବାର ପୂର୍ବାହ୍ନ ସାଢେ଼ ଦଶଟ ରେ ପରିଦର୍ଶନ କରିଥିଲେ। କେସିଙ୍ଗା ରେଳ ଷ୍ଟେଶନର ୧,୨,୩,୪ନମ୍ୱର ପ୍ଲାଟଫର୍ମକୁ ପରିଦର୍ଶନ କରି ଟିକିନିଖି ଯାଞ୍ଚ କରିଥିଲେ।୪ନମ୍ୱର୍ ରେ ଥିବା ଟିକେଟ କାଉଣ୍ଟର, ଅପର କ୍ଲାସ, ବୁକିଂ କାଉଣ୍ଟର, ଅତିଥି ଗୃହ, ବିଶ୍ରାମ ଗୃହ, ସମେତ ସିଡି, ଲିଫ୍ଟ, ବିଦ୍ୟୁତ୍ କରଣକୁ ଦେଖିଥିଲେ। କିନ୍ତୁ ବର୍ତ୍ତମାନ ଅଧିକାରୀ ଗଣ ପରିଦର୍ଶନ କରି ୧୦ ଦିନ ପରେ ପ୍ଲାଟଫର୍ମ ନଂ ୧ରେ ବିଭିନ୍ନ ଜାଗାରେ ଛାତରୁ ବର୍ଷା ପାଣି ଗଳୁଛି।
ଯାତ୍ରୀମାନେ ଟ୍ରେନରୁ ଓହ୍ଲାଇ ଯିବା ବେଳେ ପ୍ଲାଟଫର୍ମ ଭିତରେ ବର୍ଷା ଜଳରେ ଘୋର ଅସୁବିଧା ର ସମ୍ମୁଖୀନ ହେଉଛନ୍ତି । ବର୍ତ୍ତମାନ ଦୁଇ ଦିନ ହେଲା ପ୍ରବଳ ବର୍ଷା ଲାଗି ରହିଥିବାରୁ ଯାତ୍ରୀମାନେ ବହୁତ ଅସୁବିଧାର ସମ୍ମୁଖିନ ହେଉଛନ୍ତି । ଏ ନେଇ ଜେନେରାଲ ମ୍ୟାନେଜର ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ସେ କହିଛନ୍ତି ଯେ ତାଙ୍କ ଗସ୍ତର ଉଦ୍ଦେଶ୍ୟ ହେଉଛି ଅମୃତ ଭାରତ ଷ୍ଟେସନ ପ୍ରକଳ୍ପ ଅଧୀନରେ ବିକଶିତ ଯାତ୍ରୀ ସୁବିଧାର ଗୁଣବତ୍ତା ମୂଲ୍ୟାଙ୍କନ କରିବା ଏବଂ ସେଗୁଡ଼ିକୁ ଆହୁରି ଉନ୍ନତ କରିବା। ସେ ଦାବି କରିଛନ୍ତି ଯେ ଷ୍ଟେସନରେ ଗୁରୁତ୍ୱପୂର୍ଣ୍ଣ ବିକାଶ ହୋଇଛି ।
ଯାତ୍ରୀଙ୍କ ଆଶା ପୂରଣ କରିବା ପାଇଁ ୧୨ମିଟର ଚଉଡା ଫୁଟ ଓଭରବ୍ରିଜ୍, ଲିଫ୍ଟ, ଆଧୁନିକ ପ୍ରତୀକ୍ଷା କକ୍ଷ, ନୂତନ ଶୌଚାଳୟ, ସର୍କୁଲେଟିଂ ଏରିଆ, ପ୍ରବେଶ ପଥ ଏବଂ ବୁକିଂ ଅଫିସ ଭଳି ସୁବିଧା ବିକଶିତ କରାଯାଇଛି। ଯେକୌଣସି ତ୍ରୁଟି ତାଙ୍କ ଦୃଷ୍ଟିକୁ ଆଣିବାକୁ ସେ ଅନୁରୋଧ କରିଛନ୍ତି । କିନ୍ତୁ ଶେଡ଼ରୁ ବିଭିନ୍ନ ଜାଗାରେ ବର୍ଷା ପାଣି ଗଲୁଥିବାରୁ ଯାତ୍ରୀମାନେ ବହୁତ ହଇରାଣ ହେଉଛନ୍ତି। ତେଣୁ ଯଥାଶୀଘ୍ର ଶେଡ଼ରୁ ଗଳୁଥିବା ପାଣି ବନ୍ଦ କରିବା ପାଇଁ କଳାହାଣ୍ଡି ରେଲବାଇ ଯାତ୍ରୀ ସଂଘର ସଭାପତି ସୁବାଷ ଜୈନ ଡ଼ି ଆର ଏମ୍ ଦାବି କରିଛନ୍ତି ।
