ଟାର୍ଗେଟ୍‌ରେ ବାହାର ରାଜ୍ୟ ଟ୍ରକ୍‌

ଅନୁଗୋଳ ଅଫିସ,୯ା୧୦

କୋଭିଡ୍‌ ସ୍ଥିତି ସୁଧୁରୁଥିବାରୁ ଜୋର୍‌ ଧରିଲାଣି ବ୍ୟବସାୟ। ଦୀର୍ଘଦିନ ଧରି ବନ୍ଦ ପଡ଼ିଥିବା ବିଭିନ୍ନ କାରଖାନାରୁ ଆରମ୍ଭ ହେଲାଣି ଉତ୍ପାଦନ। ଫଳରେ ଶିଳ୍ପବହୁଳ ଅନୁଗୋଳ ଜିଲାକୁ ଦୈନିକ ଆତଯାତ କରୁଛି ରାଜ୍ୟ ବାହାରର ସହସ୍ରାଧିକ ଟ୍ରକ୍‌। ଆଉ ରାତି ହେଲେ ଏସବୁ ଟ୍ରକ୍‌କୁ ଟାର୍ଗେଟ୍‌ କରୁଛନ୍ତି ରାଜପଥ ଲୁଟେରା। ଜିଲା ଦେଇ ଯାଇଥିବା ରାଜପଥଗୁଡ଼ିକର ବିଭିନ୍ନ ସ୍ଥାନରେ ଜଗିରହି ଚାଳକଙ୍କୁ ବନ୍ଧୁକ ଦେଖାଇ କରୁଛନ୍ତି ଲୁଟ୍‌। ରାଜପଥରେ ପୋଲିସ ପକ୍ଷରୁ ଠିକ୍‌ ଭାବେ ପାଟ୍ରୋଲିଂ କରାଯାଉ ନ ଥିବାରୁ ଏପରି ଆପରାଧିକ କାର୍ଯ୍ୟ ବଢ଼ିଚାଲିଥିବା ଜିଲାବାସୀ ଅଭିଯୋଗ କରୁଛନ୍ତି।
ଅନୁଗୋଳ ଜିଲା ଦେଇ କଟକରୁ ୫୫ ନଂ. ଜାତୀୟ ରାଜପଥ ସମ୍ବଲପୁରକୁ ସଂଯୋଗ କରୁଛି। ସେହିପରି ବଅଁରପାଳରୁ ୧୫୩ ନଂ. ରାଜପଥ ଦେବଗଡ଼ ଜିଲାକୁ ଲମ୍ବିଛି। ମୁଖ୍ୟତଃ ରାତିରେ ହିଁ ମାଲ ପରିବହନକୁ ଗୁରୁତ୍ୱ ଦିଆଯାଉଥିବାରୁ ଅଧିକ ସଂଖ୍ୟକ ଟ୍ରକ୍‌ ରାଜପଥରେ ଗଡ଼ୁଛି। ତେଣୁ ଏହାକୁ ସୁଯୋଗ ଭାବେ ନେଇ ଲୁଟେରାମାନେ ଟ୍ରକ୍‌ ଚାଳକଙ୍କୁ ଟାର୍ଗେଟ୍‌ କରୁଛନ୍ତି। ଗତ ମଙ୍ଗଳବାର ଭୋର ସମୟରେ ଏକ ସିମେଣ୍ଟ ବୋଝେଇ ଟ୍ରକ୍‌ ଚାଳକଙ୍କ ଠାରୁ ଟଙ୍କା ଲୁଟ୍‌ ହୋଇଥିବା ସଦର ଥାନାରେ ଅଭିଯୋଗ ହୋଇଛି। ଦୈନିକ ଏକାଧିକ ଟ୍ରକ୍‌ ଚାଳକ ଏପରି ଲୁଟ୍‌ର ଶିକାର ହେଉଥିଲେ ମଧ୍ୟ ପୋଲିସ ଉପରେ ସେମାନେ ସମ୍ପୂର୍ଣ୍ଣ ଭରସା କରିପାରୁ ନାହାନ୍ତି। ଗତ ବୁଧବାର ରାତିରେ ପାଟ୍ରୋଲିଂ ଦାୟିତ୍ୱରେ ଥିବା କେତେଜଣ ପୋଲିସ କର୍ମଚାରୀ ଦୁଇ ଯୁବକଙ୍କୁ ମାଡ଼ ମାରି ୨୮ ହଜାର ଟଙ୍କା ନେଇଯାଇଥିବା ଅଭିଯୋଗ ହୋଇଛି। ତେଣୁ ଲୁଟ୍‌ ପରେ ମଧ୍ୟ ଟ୍ରକ୍‌ ଚାଳକମାନେ ବାଧ୍ୟ ହୋଇ ଚୁପ୍‌ ରହୁଛନ୍ତି। ସେହିପରି ଏସବୁ ରାଜପଥ ସହ ମହୀଧରପୁର-ବଡ଼କେରା ଦେଇ ଯାଇଥିବା ରାସ୍ତାରେ ରାତିରେ ଲୁଟ୍‌ପାଟ ବଢ଼ିଚାଲିଛି। ବାଇକ୍‌ ଓ କାର୍‌ ଚାଳକ ବାଦ୍‌ ପଡ଼ୁ ନ ଥିବାରୁ ବିଳମ୍ବିତ ରାତିରେ ଯାତ୍ରୀମାନେ ଯାତାୟାତକୁ ଭୟ କଲେଣି। ଏ ନେଇ ଅନୁଗୋଳ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି, ରାଜପଥ ଉପରେ ପୋଲିସ କଡ଼ା ନଜର ରଖିଛି। କେତେଜଣ ଲୁଟେରାଙ୍କୁ ଗିରଫ କରାଯାଇଛି। ପାଟ୍ରୋଲିଂ ବ୍ୟବସ୍ଥାକୁ ଅଧିକ ସୁଦୃଢ଼ କରାଯିବ।
ପାଟ୍ରୋଲିଂରେ ସୁଧାର ଲୋଡ଼ା
ରାତିରେ ପାଟ୍ରୋଲିଂ ଗାଡ଼ି ଦେଖିବାକୁ ମିଳୁନି। ଫଳରେ ନାନା ଆଶଙ୍କା ମଧ୍ୟରେ ଯାତ୍ରୀ ନେଇ ଯାତାୟାତ କରୁଛୁ। ହୁଗୁଳା ପୋଲିସ ବ୍ୟବସ୍ଥାରେ ସରକାର ସୁଧାର ଆଣିବା ଦରକାର। ନଚେତ ସମସ୍ୟା ବଢ଼ିବ।
-ସନ୍ତୋଷ ସାହୁ, ସମ୍ପାଦକ, ଡ୍ରାଇଭର ସଂଘ, ପାଲଲହଡ଼ା

ଜୀବନ ପ୍ରତି ବିପଦ ରହୁଛି
ବିଳମ୍ବିତ ରାତିରେ ବନ୍ଧୁକ, ଭୁଜାଲି ଦେଖାଉଛନ୍ତି। ଟଙ୍କା ନ ଦେଲେ ଆକ୍ରମଣ କରିବାକୁ ପଛାଉ ନାହାନ୍ତି। ଫଳରେ ରାତିରେ ଯାତାୟାତ ବେଳେ ଜୀବନ ପ୍ରତି ବିପଦ ଆଶଙ୍କା ରହୁଛି।
-ଭାବଗ୍ରାହୀ ପୁଢ, ସଭାପତି, ଆଞ୍ଚଳିକ ଡ୍ରାଇଭର ସଂଘ

ନାମକୁ ମାତ୍ର ସୁରକ୍ଷା
ରାଜପଥରେ ଯାତ୍ରୀ ଓ ଗାଡ଼ି ଚାଳକଙ୍କୁ ପୋଲିସ ହିଁ ରାତିରେ ସୁରକ୍ଷା ଦେଇପାରିବ। ହେଲେ ଅନୁଗୋଳ ଜିଲାର ରାଜପଥଗୁଡ଼ିକରେ ପାଟ୍ରୋଲିଂ କେବଳ ନାମକୁ ମାତ୍ର। ସେଥିପାଇଁ ରାତିରେ ଯାତାୟାତ ଏଠାରେ ଅସୁରକ୍ଷିତ।
-ଅଶୋକ କୁମାର ସାହୁ, ବୁଦ୍ଧିଜୀବୀ


Enter your email to get our daily news in your inbox.

All Right Reserved By Dharitri.Com

ଧାନ କିଣାରେ ଅବ୍ୟବସ୍ଥା, ଲ୍ୟାମ୍ପସ୍‌ କାର୍ଯ୍ୟାଳୟରେ ତାଲା ପକାଇଲେ ଚାଷୀ

ଖୁଣ୍ଟା,୨୦ା୮(ଡି.ଏନ୍‌.ଏ)-ଧାନ କିଣାରେ ଅବ୍ୟବସ୍ଥାକୁ ନେଇ ସୋମବାର ମୟୂରଭଞ୍ଜ ଜିଲା ଖୁଣ୍ଟା ବ୍ଲକ ଅଧୀନ ବାହାନଡା ଲ୍ୟାମ୍ପସ କାର୍ଯ୍ୟାଳୟରେ ଚାଷୀମାନେ ତାଲା ପକାଇ ଦେଇଥିଲେ। ଚାଷୀମାନେ ନିଜ...

ଲୟୋଲାରେ ସିନର୍ଜୀ -୨୦୨୨

ଭୁବନେଶ୍ୱର, ୭।୮(ବ୍ୟୁରୋ): ଲୟୋଲା ସ୍କୁଲ ପରିସରରେ ଶନିବାର ଷଷ୍ଠ ବାର୍ଷିକ ପ୍ରଦର୍ଶନୀ ସିନର୍ଜୀ -୨୦୨୨ ଅନୁଷ୍ଠିତ ହୋଇଯାଇଛି। ଦୁଇ ବର୍ଷ ପରେ ନିଜ ଲୁକ୍‌କାୟିତ ପ୍ରତିଭାର...

ଟଙ୍କାଏ ନ କମାଇବାରୁ ପିଟି ମାରିଦେଲେ

ରୂପ୍‌ସା/ବସ୍ତା,୧୪।୨(ଡି.ଏନ.ଏ./ସ୍ବ.ପ୍ର.):ବାଲେଶ୍ୱର ସଦର ବ୍ଲକ ଅନ୍ତର୍ଗତ ସାର୍ଥା ଅଞ୍ଚଳରେ ସାମାନ୍ୟ ସିଗାରେଟ କିଣାକୁ କେନ୍ଦ୍ରକରି ବୁଧବାର ରାତିରେ ଏକ ହତ୍ୟାକାଣ୍ଡ ଘଟିଛି। ନିଶାଗ୍ରସ୍ତ ଯୁବକମାନେ ପିଟି ପିଟି...

ଅସରାଏ ବର୍ଷାରେ ତାରପୁର ବାଇପାସ ରାସ୍ତା ବେହାଲ

ରଘୁନାଥପୁର,୨୪ା୬(ଡି.ଏନ୍‌.ଏ.): ଅସରାଏ ବର୍ଷାରେ ରଘୁନାଥପୁର ବ୍ଲକ ତାରପୁର ବାଇପାସ ରାସ୍ତାର ଅବସ୍ଥା ବେହାଲ ହୋଇଯାଉଛି। କିଛି ବ୍ୟବସାୟୀ ସରକାରୀ ଜମିକୁ ମାଡିବସି ଜଳ ନିଷ୍କାସନ ପଥକୁ...

ଥମୁନି ସଂକ୍ରମଣ: ରାଜଧାନୀରୁ ଆଜି ଚିହ୍ନଟ ହେଲେ ୩୪୯ କରୋନା ଆକ୍ରାନ୍ତ, ଜାଣନ୍ତୁ କେଉଁଠୁ କେତେ

ଭୁବନେଶ୍ୱର,୨୪।୯(ବ୍ୟୁରୋ): ରାଜଧାନୀରେ ଥମିବାର ନାଁ ନେଉନାହିଁ କରୋନା ସଂକ୍ରମଣ। ଗୁରୁବାର ସହରରୁ ପୁଣି ୩୪୯ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ମୋଟ କରୋନା...

ବ୍ୟବଚ୍ଛେଦ ପରେ ପୋତାଗଲା ହାତୀ ମୃତଦେହ

କେନ୍ଦୁଝର/ଆନନ୍ଦପୁର,୧୧ା୬(ସ୍ବ.ପ୍ର.): ଆନନ୍ଦପୁର ବନ୍ୟପ୍ରାଣୀ ଡିଭିଜନ ଅନ୍ତର୍ଗତ ହଦଗଡ଼ ହସ୍ତୀ ଅଭୟାରଣ୍ୟରୁ ବନ ବିଭାଗ ଏକ ଗଳିତ ଦନ୍ତାହାତୀ ମୃତଦେହ ଶନିବାର ସକାଳେ ଜବତ କରିଥିଲା। ହାତୀଟି...

ମହମ୍ମଦ ବାଜିଙ୍କ ବିୟୋଗରେ ଶୋକପ୍ରକାଶ କଲେ ମୁଖ୍ୟମନ୍ତ୍ରୀ, କହିଲେ ‘ଦେଶ ଜଣେ ସଚ୍ଚା ଗାନ୍ଧୀବାଦୀଙ୍କୁ ହରାଇଲା’

ଭୁବନେଶ୍ୱର,୨୭।୬(ବ୍ୟୁରୋ): ବିଶିଷ୍ଟ ସ୍ବାଧୀନତା ସଂଗ୍ରାମୀ ମହମ୍ମଦ ବାଜିଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକପ୍ରକାଶ କରିଛନ୍ତି। ଏହି ଉପଲକ୍ଷେ ଶୋକବାର୍ତ୍ତାରେ ମୁଖ୍ୟମନ୍ତ୍ରୀ କହିଛନ୍ତି, ସ୍ବର୍ଗତ...

୧୦୦ କୋଟି ତ ପଛ କଥା, ୧୦୦ ଟଙ୍କାର ପ୍ରମାଣ ଦେଲେ ରାଜନୀତି ଛାଡ଼ିଦେବି: ମହାରଥୀ

ଭୁବନେଶ୍ୱର,୨୬।୧୧(ବ୍ୟୁରୋ): ପୂର୍ବତନ ମନ୍ତ୍ରୀ ତଥା ପିପିଲି ବିଧାୟକ ପ୍ରଦୀପ ମହାରଥୀ ୧୦୦ କୋଟି ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ସରକାରୀ ଜମିକୁ ହଡ଼ପ କରିଥିବା ଭାଜପା ଅଭିଯୋଗ...

Advertisement
Archives

Model This Week