କେସିଙ୍ଗା,୮।୭(ତୁମେଶ୍ୱର ସାହୁ): କଳାହାଣ୍ଡି ଜିଲା ଓ ବଲାଙ୍ଗୀର ଜିଲାକୁ ସଂଯୋଗ କରୁଥିବା ମୁଖ୍ୟ ରାସ୍ତା ପାର୍ଶ୍ଵରେ ନିଶାନ୍ତ ବାର ଖୋଲିବାକୁ ୱାର୍ଡବାସୀ ବିରୋଧ କରି ଜିଲାପାଳ, ଜିଲା ଅବକାରୀ ଅଧିକ୍ଷକଙ୍କ ନିକଟରେ ଅଭିଯୋଗ କରିଛନ୍ତି।
କେସିଙ୍ଗା-ଟିଟିଲାଗଡ଼କୁ ସଂଯୋଗ କରୁଥିବା ମୁଖ୍ୟ ରାସ୍ତା ପାର୍ଶ୍ଵରେ ନିଶାନ୍ତ ବାର (ବିଦେଶୀମଦ ଦୋକାନ)କୁ ସହରବାସୀ ଦୃଢ଼ ବିରୋଧ କରି କେସିଙ୍ଗା ଥାନା ଓ ଅବକାରୀ ଥାନାରେ ବୁଧବାର ଲିଖିତ ଅଭିଯୋଗ କରିଛନ୍ତି। କେସିଙ୍ଗା -ଟିଟିଲାଗଡ ସହରକୁ ସଂଯୋଗ ହୋଇ ଥିବା ମୁଖ୍ୟ ରାସ୍ତା ପାର୍ଶ୍ଵରେ ଓମ୍ ନଗର ଏବଂ ଗାୟତ୍ରୀ ନଗର ରହିଛି। କିନ୍ତୁ ନିଶାନ୍ତ ବାର ସହରରୁ ତେଲନଦୀ ପାର୍ଶ୍ଵରେ ଖୋଲା ଯାଇଛି। ସେଠୁ ସ୍ଥାନାନ୍ତରିତ କରି ଓଁମ ନଗର ଓ ଗାୟତ୍ରୀ ନଗରରେ ଖୋଲିବାପାଇଁ ଦୋକାନ ସାଜସଜା କରୁଥିବା ଦେଖି ୱାର୍ଡବାସୀ ଙ୍ ସମେତ ଏନଏସି କାଉନସିଲରଙ୍କ ମିଳିତ ଉଦ୍ୟମରେ ଦୃଢ଼ ବିରୋଧ କରି ଅବକାରୀ ବିଭାଗ ଓ ଥାନାରେ ଅଭିଯୋଗ କରିଛନ୍ତି । ଏହାସହ ଜିଲାପାଳ, ଏସପି, ଜିଲା ଅବକାରୀ ଅଧିକ୍ଷକ, ମୁଖ୍ୟମନ୍ତ୍ରୀ ଓ ଅବକାରୀ ମନ୍ତ୍ରୀଙ୍କୁ ମଧ୍ୟ ଅଭିଯୋଗ କରିଥିବାର ଜଣାପଡିଛି। କେସିଙ୍ଗାର ବାସିନ୍ଦା ଏବଂ ନାଗରିକମାନେ ଏକ ଗମ୍ଭୀର ଜନକ ଭାବେ ଚିନ୍ତାକରି ଏ ବିଷୟ ପ୍ରତି ଦୃଷ୍ଟି ଆକର୍ଷଣ କରିବାକୁ ଜିଲାପାଳଙ୍କୁ ଦାବି କରିଛନ୍ତି ।
ଏହି ଅଞ୍ଚଳରେ ସହରର ଜନବହୁଳ ଆବାସିକ ଅଞ୍ଚଳ ଓମ୍ ନଗର ଏବଂ ଗାୟତ୍ରୀ ନଗର ରହିଛି। କେସିଙ୍ଗା-ଟିଟିଲାଗଡ଼ ରାସ୍ତାରେ ନିଶାନ୍ତ ବାର ନାମକ ଏକ ମଦ ବାର ଖୋଲିବାକୁ ନିଷ୍ପତ୍ତି ହୋଇଛି। ପ୍ରସ୍ତାବିତ ସ୍ଥାନଟି ଏହି ଅଞ୍ଚଳର ସବୁଠାରୁ ବ୍ୟସ୍ତବହୁଳ ରାସ୍ତା ରହିଛି । ଏହି ରାସ୍ତା କଳାହାଣ୍ଡି ଏବଂ ବଲାଙ୍ଗୀର ଜିଲ୍ଲାକୁ ସଂଯୋଗ କରୁଛି ଏବଂ ଦିନସାରା ଯାତ୍ରୀଙ୍କ ପ୍ରବଳ ଯାତାୟାତ ଦେଖାଯାଉଛି।
ପ୍ରତିଦିନ ବହୁ ସଂଖ୍ୟକ ଛାତ୍ରୀଛାତ୍ର, ଯୁବତୀଯୁବକ, ମହିଳା କର୍ମଚାରୀ, ଶ୍ରମିକ ଏବଂ ଅନ୍ୟାନ୍ୟ ନାଗରିକ ଏହି ରାସ୍ତା ଦେଇ ଯିବା ଆସିବା କରି ଥାଆନ୍ତି। ଏହି ସ୍ଥାନରେ ଏକ ମଦ ବାର୍ ଖୋଲିଲେ ଜନ ସାଧାରଣ ଶାନ୍ତି ପରିବେଶ ଉପରେ ଅଶାନ୍ତି ସୃଷ୍ଟି ହେବାର ବହୁ ସମ୍ଭାବନା ରହିଛି। ବିଶେଷକରି ମହିଳା, ଯୁବତୀ ଏବଂ ଯୁବକମାନଙ୍କ ପ୍ରତି ବହୁ ଅସୁରକ୍ଷିତ ହେବାର ସମ୍ଭାବନା ରହିଛି । ଏହି ଦୁଇଟି ୱାର୍ଡରେ ଅସାମାଜିକ କାର୍ଯ୍ୟକଳାପ ବୃଦ୍ଧି ହେବା ସହ ଅସାମାଜିକଙ୍କ ପ୍ରାଦୁର୍ଭାବ ବଢିବ । ଏହି ଓମ୍ ନଗର, ଗାୟତ୍ରୀ ନଗର ଏବଂ ଆଖପାଖ ଅଞ୍ଚଳର ବାସିନ୍ଦାମାନେ ଏହି ସ୍ଥାନରେ ପ୍ରସ୍ତାବିତ ହୋଇ ଥିବାରୁ ନିଶାନ୍ତ ବାରକୁୱାର୍ଡ ବାସୀ ଦୃଢ଼ ବିରୋଧ କରୁଛନ୍ତି। ।
ନିଶାନ୍ତ ବାର ଖୋଲିଲେ ଜିଲା ପ୍ରଶାସନ ଏବଂ ସମସ୍ତ ବିଭାଗୀୟ ଅଧିକାରୀଙ୍କୁ ଓ୍ବାର୍ଡବାସୀ ଚେତାବନୀ ଦେଇ କହିଛନ୍ତି ଯେ , ପ୍ରସ୍ତାବିତ ବାର୍ ବିରୁଦ୍ଧରେ ପ୍ରବଳ ଜନ ଆନ୍ଦୋଳନ ହେବ। ବିଭାଗୀୟ କର୍ତ୍ତୃପକ୍ଷ ଏବଂ ନିଶାନୁ ବାରର ମାଲିକଙ୍କୁ ତୁରନ୍ତ ଜାଗା ସ୍ଥାନାନ୍ତରିତ କରିବାକୁ ୱାର୍ଡବାସୀ ଚେତାବନୀ ଦେଇଛନ୍ତି। କାଉନସିଲର ରୋହିତ ଜୈନ, ଧର ଣୀଧର ନାଏକ, ରମାକାନ୍ତ ଜେନା, ପୂର୍ବତନ ଟାଉନ ସଭାପତି ରମେଶ ପଟ୍ଟନାୟକ, ବିଜେଡ଼ି ଯୁବ ନେତା ନଳିନୀ ପଟ୍ଟନାୟକ, ପ୍ରମୁଖ ୱାର୍ଡ ବାସୀ ଅବକାରୀ ଓ କେସିଙ୍ଗା ଥାନାରେ ଅଭିଯୋଗ କରିଛନ୍ତି।
Dharitri – Odisha’s No.1 Odia Daily
