ନୂଆଦିଲ୍ଲୀ,୨୩।୬: ସମଗ୍ର ଦେଶରେ ରାସନ ବ୍ୟବସ୍ଥାର ସୁପରିଚାଳନା ପାଇଁ ସରକାର ବହୁ ପଦକ୍ଷେପ ଗ୍ରହଣ କରୁଛନ୍ତି । ତେବେ ନିକଟରେ ସରକାର କିଛି ଏମିତି ସୁବିଧା ଲାଗୁ କରିଛନ୍ତି ଯାହା ପରେ ଏଣିକି ରାସନ କାର୍ଡ ଧାରି ମାନେ ଆଉ ଦୋକାନରେ ଧାଡ଼ି ଲଗେଇ ରାସନ ଆଣିବାର ଆବଶ୍ୟକତା ନାହିଁ । ସମସ୍ତ ରାସକାର୍ଡ ଧାରୀମାନେ ଏବେଠୁ ଦେଶର ଯେକୈଣସି ସ୍ଥାନରୁ ନିଜର ରାସନ ସାମଗ୍ରୀ ଉଠାଇ ପାରିବେ । ଏମିତିକି ଆପଣ ନିଜ ଇଚ୍ଛା ମୁତାବକ ଅଲଗା ଅଲଗା ରାସନ ପଏଣ୍ଟରୁ ନିଜନିଜ ହିସାବରେ ଗହମ କିମ୍ୱା ଚାଉଳ ଉଠେଇପାରିବେ ।
ଏହି ପରିବର୍ତ୍ତନର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ହେଉଛି ଯେ ଆପଣଙ୍କୁ ଆଉ ରାସନ ପାଇବା ପାଇଁ ଲମ୍ବା ଧାଡ଼ିରେ ଠିଆ ହେବା, ମେସିନରେ ଆପଣଙ୍କ ଅଙ୍ଗୁଠି ଚିହ୍ନ କାର୍ଯ୍ୟକାରୀ ନହେବା କିମ୍ବା ଦୋକାନରେ ଶସ୍ୟ ଅଭାବ ଯୋଗୁଁ ଆପଣଙ୍କର ପୂର୍ଣ୍ଣ ରାସନ ନ ପାଇବା ଭଳି ସମସ୍ୟାର ସମ୍ମୁଖୀନ ହେବାକୁ ପଡ଼ିବ ନାହିଁ । ଏବେ, ଆପଣଙ୍କ ଆବଶ୍ୟକତା ଅନୁସାରେ, ଆପଣ ଗୋଟିଏ ଦୋକାନରୁ ଗହମ ଏବଂ ଅନ୍ୟ ଦୋକାନରୁ ଚାଉଳ କିଣିପାରିବେ । ଆଉ ଏହି ସୂଚନା କେନ୍ଦ୍ର ରାଷ୍ଟ୍ରମନ୍ତ୍ରୀ ବିଏଲ ବର୍ମା ଦେଇଛନ୍ତି ।
କେନ୍ଦ୍ର ରାଷ୍ଟ୍ରମନ୍ତ୍ରୀ ବିଏଲ ବର୍ମା ତାଙ୍କ ପୋଷ୍ଟରେ କହିଛନ୍ତି ଯେ ସରକାର ଗୋଟିଏ ରାଷ୍ଟ୍ର, ଗୋଟିଏ ରାସନ କାର୍ଡ (ONORC) ଯୋଜନା ଅଧୀନରେ ରାସନ ବଣ୍ଟନକୁ ସରଳ କରିବା ପାଇଁ କାମ କରୁଛନ୍ତି । ଏହି ଯୋଜନା ମାଧ୍ୟମରେ, ରାସନ କାର୍ଡ ଧାରକମାନେ ସେମାନଙ୍କ ସୁବିଧା ଅନୁସାରେ ବିଭିନ୍ନ ସ୍ଥାନରୁ ସେମାନଙ୍କର ରାସନର ବିଭିନ୍ନ ଅଂଶ ସଂଗ୍ରହ କରିପାରିବେ । ଆପଣ ଦେଶର ଯେକୌଣସି ସ୍ଥାନରୁ ଏହି ସୁବିଧାର ଲାଭ ଉଠାଇପାରିବେ ।
ଏହି ସୁବିଧାଟି ଏକ ATM ପରି କାମ କରେ । ଯେପରି ଆପଣ ଆବଶ୍ୟକ ହେଲେ ଯେକୌଣସି ATMରୁ ଟଙ୍କା ଉଠାଇପାରିବେ, ସେହିପରି ଆପଣ ଦେଶର ଯେକୌଣସି କୋଣରୁ ଆପଣଙ୍କର ରାସନ ପାଇପାରିବେ ।
