Posted inଭଦ୍ରକ

ପୁରାତନ ହୋଇ ବି ଅବହେଳିତ

ପଦ୍ମପୁର,୧୪।୧୨(ଡି.ଏନ.ଏ.) – ଭଦ୍ରକ ଜିଲା ବାସୁଦେବପୁର ବ୍ଲକଠାରୁ ୧୪ କି.ମି. ଦୂରରେ ପଢ଼ୁଆଁରେ ଅବସ୍ଥିତ ବାବା କ୍ଷୀରେଶ୍ୱରଙ୍କ ମନ୍ଦିର। କାହିଁ କେଉଁ କାଳରୁ ଏହି ମନ୍ଦିର ବିରାଜମାନ। ଏହି ମନ୍ଦିରର ପୌରାଣିକ ଉପଖ୍ୟାନ ମଧ୍ୟ ରହିଛି। ମନ୍ଦିରର ମାହାତ୍ମ୍ୟ ଥାଇ ମଧ୍ୟ ଏହା ଆଜି ଅବହେଳିତ ଅବସ୍ଥାରେ। ମନ୍ଦିରରେ ମହାଦେବଙ୍କ ସହ ସପ୍ତଠାକୁରାଣୀ ସପ୍ତମାତୃକା, ଦୁର୍ଗା, କାଳୀ, ଦୈଚଣ୍ଡି, ମଙ୍ଗଳା, ବାସୁଳୀ, ପଶ୍ଚିମାଙ୍କର ମୁଗୁନି ପ୍ରସ୍ତର ନିର୍ମିତ ମୂର୍ତ୍ତି ପୂଜା ପାଉଛି। ପ୍ରତ୍ୟେହ ଏଠାରେ ପାରମ୍ପାରିକ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଉଥିବା ଏକ ଦଶନ୍ଧିରୁ ଊର୍ଦ୍ଧ୍ୱ ପୂଜା କରୁଥିବା ପୂଜକ ଶରତ କୁମାର କର କହିଛନ୍ତି। ପ୍ରତିବର୍ଷ ଜାଗରରେ ଏଠାରେ ହଜାର ହଜାର ଭକ୍ତ ଜଗନ୍ନାଥପୁର ପଢ଼ୁଆଁ, ଅଢ଼ୁଆଁ, ଇରମ, କୁମାରପୁର, ନୂଆଗାଁ ଅଞ୍ଚଳରୁ ଆସି ପୂଜାର୍ଚ୍ଚନା କରିଥାନ୍ତି। ମନ୍ଦିର ପରିସରରେ ଯାତ୍ରୀମାନଙ୍କ ପାଇଁ ପାନୀୟଜଳ, ବିଶ୍ରାମାଗାର କିମ୍ବା ଶୌଚାଳୟ ବ୍ୟବସ୍ଥା ନାହିଁ। ଫଳରେ ଏଠାକୁ ଆସୁଥିବା ଶ୍ରଦ୍ଧାଳୁମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି। ସପ୍ତଦେବୀ ମନ୍ଦିର ନ ଥିବାରୁ ଖୋଲାସ୍ଥାନରେ ପୂଜା ପାଉଛନ୍ତି। ରକ୍ଷଣାବେକ୍ଷଣ ଠିକ୍‌ ଭାବେ ହୋଇପାରୁ ନ ଥିବା ଯୋଗୁ ପୁରାତନ ମନ୍ଦିରର ସୌନ୍ଦର୍ଯ୍ୟ ହାନି ହେବା ସହ ନଷ୍ଟ ହୋଇଯିବାର ସମ୍ଭାବନା ସୃଷ୍ଟି ହୋଇଛି।
ଭାରତ ସ୍ବାଧୀନତା ପୂର୍ବରୁ ଜମିଦାରୀ ଶାସନ ଥିବାବେଳେ ଏଠାରେ ପଢ଼ୁଆଁ କଚେରି ବସୁଥିଲା। ଗ୍ରାମବାସୀଙ୍କର କହିବା ଅନୁଯାୟୀ ପଲେଇସାହିରୁ ପ୍ରତିଦିନ ଗୋଟିଏ କାଳୀ ଗାଈ ନିକଟସ୍ଥ କଚେରି ବାଡ଼ିରେ ଥିବା ଜଙ୍ଗଲକୁ ଚରିବାକୁ ଯାଉଥିଲା। ସେଠାରୁ ଆସିଲା ପରେ ସେ ଗାଈ ଆଉ କ୍ଷୀର ଦେଉ ନ ଥିଲା। ଲୋକଙ୍କର ସନ୍ଦେହ ହେବାରୁ କେତେଜଣ ଗାଈ ପଛେ ପଛେ ଯାଇ ଦେଖିଲେ ଏକ ନିର୍ଦ୍ଦିଷ୍ଟ ଜାଗାରେ ଗାଈ ଛିଡ଼ା ହେବା ପରେ ତା ପହ୍ନାରୁ ଆପେ ଆପେ କ୍ଷୀର ଝରି ଯାଉଛି। ଲୋକେ ଗଛ ବୁଦା ସଫା କରି ସେହି ସ୍ଥାନରେ ଖୋଳିବାରୁ ୪ ଫୁଟ ଗଭୀରରେ ଶିବଲିଙ୍ଗ ଥିବାର ଦେଖିଥିଲେ। ଏହାପରେ ସେମାନେ ସେଠାରେ ପୂଜାର୍ଚ୍ଚନା ଆରମ୍ଭ କରିଥିଲେ। ତତ୍କାଳୀନ ଜମିଦାର ନୀଳମାଧବ ପାଢ଼ୀ ଓ ତାଙ୍କର ବଂଶଧରମାନେ ସେଠାରେ ମନ୍ଦିର ତିଆରି କରିଥିଲେ। ପରେ ସ୍ଥାନୀୟ ଲୋକେ କ୍ଷୀରେଶ୍ୱର ମନ୍ଦିର ନାମରେ ନାମିତ କରିଥିଲେ। ତେବେ ସ୍ଥାନୀୟ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ପଦକ୍ଷେପ ନେବାକୁ ପୂଜା କମିଟିର ସଭାପତି ରମେଶ ଚନ୍ଦ୍ର ମଲ୍ଲିକ ଓ ସମ୍ପାଦକ ରାମଚନ୍ଦ୍ର ନାୟକ ଦାବି କରିଛନ୍ତି। ଏ ସମ୍ପର୍କରେ ପଢ଼ୁଆଁ ସରପଞ୍ଚ ଦୀନବନ୍ଧୁ ଦାସଙ୍କୁ ପଚାରିବାରୁ ଚଳିତବର୍ଷ ମନ୍ଦିରର ସୌନ୍ଦର୍ଯ୍ୟକରଣ, ପାନୀୟଜଳ, ଶୌଚାଳୟ ଓ ଯାତ୍ରୀ ବିଶ୍ରାମାଗାର ପାଇଁ ନୂତନ ପ୍ରକଳ୍ପ ଦିଆଯାଇ ବିଧାୟକଙ୍କ ଅନୁମୋଦନ ଲାଗି ପଞ୍ଚାୟତ ପକ୍ଷରୁ ପ୍ରସ୍ତାବ ଦିଆଯିବ। ଏଥିସହ ଏଠାରେ ପାର୍କିଂ ବ୍ୟବସ୍ଥା ପାଇଁ ସ୍ଥାନ ନିରୂପଣ କରାଯିବ ବୋଲି ସେ ତାଙ୍କ ପ୍ରତିକ୍ରିୟାରେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୋଖରୀରେ ପଶିଲା ଟ୍ରକ୍‌, ଡ୍ରାଇଭରଙ୍କୁ ଉଦ୍ଧାର ପାଇଁ ଉଦ୍ୟମ ଜାରି

ଭଣ୍ଡାରିପୋଖରୀ,୨୩।୧(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ଥାନା ୧୬ନଂ ଜାତୀୟ ରାଜପଥ ତୋରତ ନିକଟରେ ଗୁରୁବାର ପୂର୍ବାହ୍ନରେ ଏକ ଆଇରନ୍‌ ବୋଝେଇ ଟ୍ରକ୍‌ ପୋଖରୀରେ ପଶିଯାଇଛି। ଟ୍ରକ୍‌ଟି...

ଓଲଟିଲା ସିମେଣ୍ଟ ବୋଝେଇ ଟ୍ରକ

ଚାନ୍ଦବାଲି,୨୬ା୧୦(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ମତୋ-ଚୌଧୁରୀଘାଟ ରାସ୍ତାର ମଉସୁଧା ବଜାର ନିକଟରେ ଶନିବାର ଏକ ସିମେଣ୍ଟ ବୋଝେଇ ଟ୍ରକ୍‌ ଭାରସାମ୍ୟ ହରାଇ ରାସ୍ତା...

ଗୋଟିଏ ରାତିରେ ୪ ମନ୍ଦିରରୁ ଚୋରି

ଭଣ୍ଡାରିପୋଖରୀ,୮।୯(ଡି.ଏନ୍‌.ଏ.) : ଭଦ୍ରକ ଜିଲା ଭଣ୍ଡାରିପୋଖରୀ ଅଞ୍ଚଳରେ ଦିନକୁ ଦିନ ଚୋରି ବଢ଼ିଚାଲିଛି। କିଛିଦିନ ତଳେ ଭଣ୍ଡାରିପୋଖରୀ ବଜାରର ବିଭିନ୍ନ ଦୋକାନରୁ ଚୋରି ହୋଇଥିବାବେଳେ ଶନିବାର...

ବୈତରଣୀରେ ବୃଦ୍ଧି ପାଉଛି ଜଳସ୍ତର

ଭଣ୍ଡାରିପୋଖରୀ, ୧୪ା୮(ଡି.ଏନ୍‌.ଏ.)- ଲଘୁଚାପ ଜନିତ ବର୍ଷା ଯୋଗୁ ବୈତରଣୀ ନଦୀ ଫୁଲିବା ଆରମ୍ଭ କରିଛି। ନଦୀର ଜଳସ୍ତର ଆଖୁଆପଦା ଆନିକଟ ଠାରେ ମଙ୍ଗଳବାର ସକାଳ ୬ଟାରୁ...

ରାସ୍ତାକଡ଼କୁ ଓଲଟିଲା ସ୍କୁଲ ବସ୍‌

ବାସୁଦେବପୁର,୩।୧(ଡି.ଏନ.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ଜଗନ୍ନାଥପୁର-ବାଲିଛନ୍ଦା ଘାଟ ରାସ୍ତା କଣ୍ଟିଆ ନାଳୀପୋଲ ନିକଟରେ ଶୁକ୍ରବାର ସନ୍ଧ୍ୟାରେ ବାଲେଶ୍ୱର ଜିଲା ସୋର ଅଞ୍ଚଳର ଏକ ସ୍କୁଲ...

ହଜିଥିବା ଅର୍ଥ ଫେରିପାଇଲେ ଯୁବକ

ଆରଡି, ୧୦ା୪(ଡି.ଏନ.ଏ.)-ଭଦ୍ରକ ଜିଲା ଧୁଷୁରୀ ଥାନା ଅନ୍ତର୍ଗତ ପାୟାସାହି ଗ୍ରାମର ରାଜେଶ ଖାଁ ଏକ ଘରୋଇ ବ୍ୟାଙ୍କରୁ ୨୫ ହଜାର ଟଙ୍କା ଉଠାଇ ନିଜ ଘରକୁ...

କମୁଛି ବୈତରଣୀ, ବଢୁଛି ଦୁର୍ଦ୍ଦଶା

ଭଦ୍ରକ ଅଫିସ,୨୮ା୮: ଭଦ୍ରକର ତଳିଆ ଅଞ୍ଚଳ ଏବେ ସମ୍ପୂର୍ଣ୍ଣ ଜଳମଗ୍ନ। ପ୍ରାଥମିକ ଆକଳନ ଅନୁଯାୟୀ, ଧାମନଗର ଓ ଭଣ୍ଡାରିପୋଖରୀ ବ୍ଲକର ୧୩୦ ଗାଁ ବନ୍ୟାରେ ପ୍ରଭାବିତ...

ଭଦ୍ରକରେ ନକଲି ଜର୍ଦ୍ଦା କାରଖାନା ଠାବ

ଭଦ୍ରକ ଅଫିସ, ୨୪ା୧୦-ଭଦ୍ରକ ପୁରୁଣା ବଜାର ଅଧୀନ ହେଲା ସାହିଠାରେ ଶନିବାର ନକଲି ଜର୍ଦ୍ଦା କାରଖାନା ଠାବ ହୋଇଛି। ଭଦ୍ରକ ଟାଉନ ପୋଲିସ ଓ ପୁରୁଣା...

Advertisement

BGU

Archives

Model This Week

Why Dharitri