ଭୁବନେଶ୍ୱର, ୮।୧ (ତପନ ସ୍ବାଇଁ): ଜାପାନ କରାଟେ ଆସୋସିଏଶନ ଇଣ୍ଡିଆ (ଜେକେଏଆଇ)ର ୮ମ ଜାତୀୟ ଚାମ୍ପିୟନଶିପ ମୁମ୍ବାଇସ୍ଥିତ ଜିସିସି କ୍ଲବରେ ରବିବାର ଉଦ୍ଯାପିତ ହୋଇଛି। ଜେକେଏଆଇ ଓଡ଼ିଶା ମୁଖ୍ୟ ସନ୍ତୋଷ ମହାପାତ୍ରଙ୍କ ତତ୍ତ୍ୱାବଧାନରେ ରାଜ୍ୟରୁ ୬ ଜଣିଆ ଦଳ ଭାଗ ନେଇଥିଲା। ଏଥିରେ ଓଡ଼ିଶା ଦଳ ୨ ସ୍ବର୍ଣ୍ଣ, ୪ ରୌପ୍ୟ ଓ ୨ ବ୍ରୋଞ୍ଜ ପଦକ ହାସଲ କରିଛି। ସନ୍ତୋଷ ମହାପାତ୍ର ଫାଇଟ୍ରେ ୧ ସ୍ବର୍ଣ୍ଣ ଓ କାଟାରେ ୧ ବ୍ରୋଞ୍ଜ, ଆଦିତ୍ୟ ସାମନ୍ତ ୨ ରୌପ୍ୟ, ରଶ୍ମିରଞ୍ଜନ ୧ ରୌପ୍ୟ, ଶ୍ରେୟାଂଶ ଦାସ ଗୋଟିଏ ଲେଖାଏ ସ୍ବର୍ଣ୍ଣ ଓ ରୌପ୍ୟ ଏବଂ ଅଭିକ୍ ନନ୍ଦ ୨ଟି ବ୍ରୋଞ୍ଜ ପାଇଛନ୍ତି ।
ଚାମ୍ପିୟନଶିପ ଜାପାନର ସେନସାଇ କୁରୀ ହାରା କାଜୁଆକି ଓ ଭାରତର ସେନସାଇ ମିଲେନ ତ୍ରିବେଦୀଙ୍କ ତତ୍ତ୍ୱାବଧାନରେ ହୋଇଥିଲା। ସନ୍ତୋଷ ମହାପାତ୍ର ୪ର୍ଥ ଡିଗ୍ରୀ ବ୍ଲାକ ବେଲ୍ଟ ଏବଂ ଆଦିତ୍ୟ, ରଶ୍ମିରଞ୍ଜନ ଓ ଅଭିକ୍ ୧ମ ଡିଗ୍ରୀ ବ୍ଲାକ ବେଲ୍ଟ ଜାପାନ ପରୀକ୍ଷାରେ ସଫଳ ହୋଇଛନ୍ତି।
