ନୂଆଦିଲ୍ଲୀ,୧।୧୦: ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କ ବିରୋଧରେ ଶୁକ୍ରବାର (୨ ଅକ୍ଟୋବର) ମୁମ୍ବାଇରେ ବିକ୍ଷୋଭ ପ୍ରଦର୍ଶନ କରିବାକୁ ଯାଉଛି କକରୋଚ୍ ଜନତା ପାର୍ଟି (CJP) । ଏହି ବିକ୍ଷୋଭ ପୂର୍ବରୁ ପରିବେଶ କର୍ମୀ ସୋନମ ୱାଙ୍ଗଚୁକଙ୍କ ବୟାନ ଚର୍ଚ୍ଚାରେ ରହିଛି ।
ଏକ ସାକ୍ଷାତକାରରେ ୱାଙ୍ଗଚୁକଙ୍କୁ ପଚରାଯାଇଥିଲା ଯେ, CJPର ପ୍ରତିଷ୍ଠାତା ଅଭିଜିତ ଦୀପକେ କ’ଣ ଏକାକୀ ଜ୍ଞାନେଶ କୁମାରଙ୍କ ଇସ୍ତଫା ଦାବି କରିପାରିବେ ? ଏହାର ଉତ୍ତରରେ ୱାଙ୍ଗଚୁକ କହିଥିଲେ, ଏଭଳି ପ୍ରଶ୍ନ ହେବା ଉଚିତ ନୁହେଁ ଯେକୌଣସି ବ୍ୟକ୍ତି ଏକାକୀ କିଛି କରିବେ କି ନାହିଁ। ୱାଙ୍ଗଚୁକଙ୍କ କହିବା ଅନୁସାରେ, ଯଦି କୌଣସି ବିଷୟରେ ନୈତିକ ଶକ୍ତି ରହିଛି, ତେବେ ସମସ୍ତେ ମିଳିତ ଭାବେ ଆଗକୁ ଆସିବା ଉଚିତ । କିଏ ଆସିବେ ଓ କିଏ ଆସିବେ ନାହିଁ, ଏହା ପ୍ରଶ୍ନ ହେବା ଉଚିତ ନୁହେଁ ବୋଲି ସେ ମତ ଦେଇଥିଲେ।
ସେ ଆହୁରି କହିଥିଲେ, ଯେତେବେଳେ କିଛି ଭୁଲ ଘଟେ, ସେତେବେଳେ ଠିକ୍ ଚିନ୍ତାଧାରା ରଖୁଥିବା ଲୋକମାନେ ଏକାଠି ହୋଇ ସେଥିରେ ସୁଧାର ଆଣିବା ପାଇଁ ଆଗକୁ ଆସିବା ଦରକାର । CJPର ଆନ୍ଦୋଳନ ସହ ଜଡ଼ିତ ପ୍ରସଙ୍ଗ ଏବଂ ବିରୋଧୀ ଦଳଗୁଡ଼ିକର ଭୂମିକାକୁ ନେଇ ମଧ୍ୟ ସୋନମ ୱାଙ୍ଗଚୁକ ଆଲୋଚନା କରିଛନ୍ତି ।
