ନାଁକୁ ଇକୋ ଭିଲେଜ: ଭିତ୍ତିଭୂମିର ବିକାଶ ଫାଇଲରେ

ନୟାଗଡ଼ ଅଫିସ/ଗଣିଆ,୩୧।୧ (ଡି.ଏନ.ଏ.):ନୟାଗଡ଼ ଜିଲା ଗଣିଆ ବ୍ଲକ ଛାମୁଣ୍ଡିଆ ପଞ୍ଚାୟତ ମୁଦୁଲିଗାଡ଼ିଆ ଇକୋ ଭିଲେଜ ମାନ୍ୟତା ପାଇବାର ୫ ବର୍ଷ ବିତିବାକୁ ବସିଛି। ହେଲେ ଇକୋ ଭିଲେଜରେ ଲାଗି ରହିଥିବା ସମସ୍ୟାର ସମାଧାନ କରାଯାଉ ନ ଥିବାରୁ ପର୍ଯ୍ୟଟକଙ୍କୁ ଏହି ଗଁା ଆଉ ଆକର୍ଷଣ କରିପାରୁନାହିଁ। ଏଠାରେ କେବଳ ସାଉଥ୍‌ ବରମୂଳର ମଙ୍ଗାନାସି ସ୍ୟାଣ୍ଡ ରିସୋଟକୁ କେନ୍ଦ୍ରକୁ ଛାଡ଼ି ଦେଲେ ଆଉ କିଛି ବିକାଶର ପଦଚିହ୍ନ ଦେଖିବାକୁ ମିଳୁନାହିଁ। ଅନ୍ୟପକ୍ଷେ ମହାନଦୀ ପାଖରେ ଥାଇ ବି ମୁଦୁଲିଗାଡ଼ିଆରେ ପାନୀୟ ଜଳ ସମସ୍ୟା ଲାଗି ରହିଛି। ପୁଣି ମହାନଦୀରେ ବନ୍ୟା ଆସିଲେ ଗଁା ବିଚ୍ଛିନ୍ନ ହୋଇ ପଡ଼େ। ମାଳବନ୍ଧ ଗଁା ପାଇଁ ନିହାତି ଆବଶ୍ୟକତା ଥିବାବେଳେ ଏଥିପ୍ରତି ଅଣଦେଖା କରାଯାଉଥିବା ଅଭିଯୋଗ ହେଉଛି।
ମୁଦୁଲିଗାଡ଼ିଆରେ ୨୫ ପରିବାର ୨୮୯ ଲୋକ ବାସ କରନ୍ତି। ଏଠାକାର ବାସିନ୍ଦାଙ୍କର ଜୀବନଜୀବିକା ଉନ୍ନତ ନୁହେଁ। ମହାନଦୀ ପାଖରେ ଥାଇବି ଜଳସେଚନର ସୁବିଧା ନାହିଁ। ପୁଣି ପାନୀୟଜଳ ସମସ୍ୟା ଲାଗି ରହିଛି। ୧୩ବର୍ଷ ତଳେ ଏଠାରେ ଏକ ବୋର୍‌ ପଏଣ୍ଟ କରାଯାଇଥିଲା। ତେବେ ଠିକାଦାର ବିଲ୍‌ ନେଇ କାମ ଅଧାପନ୍ତରିଆ କରି ଛାଡ଼ି ଚାଲି ଯାଇଛନ୍ତି। ଏହା ପରଠାରୁ ଏଠାରେ ପାନୀୟ ଜଳ ସମସ୍ୟାକୁ ସମାଧାନ କରିବାକୁ କେହି ଅଗ୍ରହ ପ୍ରକାଶ କରୁନାହାନ୍ତି। ଗଁା ଲୋକେ ବର୍ଷତମାମ ପାନୀୟ ଜଳ ପାଇଁ ହଇରାଣ ହେଉଛନ୍ତି। ସେହିଭଳି ଗଁାରେ ଅଙ୍ଗନୱାଡି କେନ୍ଦ୍ର, ପ୍ରାଥମିକ ବିଦ୍ୟାଳୟ ନାହିଁ। ଏଠାର ପିଲାମାନେ ଦେଢ଼ କି.ମି. ଦୂର ବେଠିିଆସାହି ଗଁାକୁ ଯିବାକୁ ପଡୁଛି। ୨୦୧୮ରେ ଏହି ଗଁା ଇକୋ ଭିଲେଜର ମାନ୍ୟତା ପାଇବା ପରେ ସ୍ଥାନୀୟ ଲୋକେ ଆଶା କରିଥିଲେ ବିକାଶ ହେବ। ହେଲେ ଇକୋ ଭିଲେଜ ଘୋଷଣାର ୫ ବର୍ଷ ବିତିବାକୁ ବସିଥିବାବେଳେ କିଛି ପରିବର୍ତ୍ତନ ଘଟୁନାହିଁ। ଗଁା ଲୋକଙ୍କର ଘରଗୁଡ଼ିକ ରଙ୍ଗଦେବା ଦ୍ୱାରା କେବଳ ସୁନ୍ଦର ଦେଖାଯାଉଥିଲା। ପରିବେଶ ବଦଳିଯାଇଥିଲା। ଲୋକଙ୍କ ମନରେ ଏକତା ଭାବ ଆସିଥିଲା। ହେଲେ ଗଁାର ପରିବେଶକୁ ମେଣ୍ଟେନ ଠିକ୍‌ରେ କରାଯାଉ ନ ଥିବାରୁ ଘରଗୁଡିକରୁ ରଙ୍ଗ ଧୀରେ ଧୀରେ ଛାଡ଼ି ଆସିଲାଣି। ଗଁା ଲୋକଙ୍କର ମନ ମଧ୍ୟ ଭାଙ୍ଗି ପଡ଼ିଲାଣି।
ମଙ୍ଗାନାସିରେ ପର୍ଯ୍ୟଟକଙ୍କ ଭିଡ଼
ସାଉଥ୍‌ ବରମୂଳର ମଙ୍ଗାନାସି ସ୍ୟାଣ୍ଡ ରିସୋର୍ଟ କେନ୍ଦ୍ରରେ ପର୍ଯ୍ୟଟକଙ୍କ ଭିଡ଼ ଜମୁଛି। କିନ୍ତୁ ମଙ୍ଗାନାସିଠାରୁ ୧ କି.ମି. ଦୂରରେ ଥିବା ଇକୋ ଭିଲେଜ ମୁଦୁଲିଗାଡ଼ିଆକୁ ପର୍ଯ୍ୟଟକ ମୁହଁ ମୋଡୁଛନ୍ତି। ପୂର୍ବରୁ ୨ ସ୍ଥାନରେ ପର୍ଯ୍ୟଟକ ଆସୁଥିବାବେଳେ ଏବେ କାହିଁକି ଆସୁନାହାନ୍ତି, ଏହାର କାରଣ ପ୍ରଶାସନ ଖୋଜୁନାହିଁ। ସାଉଥ୍‌ ବରମୂଳର ମଙ୍ଗାନାସି ସ୍ୟାଣ୍ଡ ରିସୋର୍ଟ କେନ୍ଦ୍ର ପରିଚାଳନା କରି ମୁଦୁଲିଗାଡ଼ିଆର ବାସିନ୍ଦା କେବଳ ନିଜର ଲୋକପ୍ରିୟତା ବଢ଼ାଇ ପାରିଛନ୍ତି। ହେଲେ ନିଜ ଗଁା ପାଇଁ କିଛି କରିପାରୁନାହାନ୍ତି।
ଟଙ୍କା ଥାଇ ବିକାଶ ନାହିଁ
ମା’ ସାତଭଉଣୀ ପରିବେଶ ବିକାଶ ସମିତିରେ ଟଙ୍କା ଥାଇ ବି ମୁଦୁଲିଗାଡ଼ିଆ ଇକୋ ଭିଲେଜର ଉନ୍ନୟନ ହୋଇପାରୁନାହିଁ। ସାଉଥ୍‌ ବରମୂଳର ମଙ୍ଗାନାସି ସ୍ୟାଣ୍ଡ ରିସୋର୍ଟ ସରକାରଙ୍କୁ ବର୍ଷକୁ ଲକ୍ଷାଧିକ ଟଙ୍କାର ରାଜସ୍ବ ଦେଉଛି। ସେହିପରି ପର୍ଯ୍ୟଟନ କେନ୍ଦ୍ରରେ ଯାହା ପର୍ଯ୍ୟଟକଙ୍କଠାରୁ ଆଦାୟ ହେବ ସେଥିରୁ ୧୦ପ୍ରତିଶତ ମା’ ସାତଭଉଣୀ ପରିବେଶ ବିକାଶ ସମିତିର ପାଣ୍ଠିକୁ ଯାଉଛି। ହେଲେ ଇକୋ ଭିଲେଜର କାହିଁକି ବିକାଶ ହେଉନାହିଁ ସେନେଇ ସାଧାରଣରେ ପ୍ରଶ୍ନ ଉଠିଛି। ଏହାର ବିକାଶ ପାଇଁ ଅନ୍ତରାୟ କିଏ ସୃଷ୍ଟି କରୁଛି ଜିଲାପାଳ ପଦକ୍ଷେପ ନେବା ଜରୁରୀ ବୋଲି କୁହାଯାଉଛି। ସାଉଥ୍‌ ବରମୂଳର ମଙ୍ଗାନାସି ସ୍ୟାଣ୍ଡ ରିସୋର୍ଟ ପରିଚାଳନା କମିଟିର ସଭ୍ୟ ପ୍ରକାଶ ବେହେରା କୁହନ୍ତି, ମୁଦୁଲିଗାଡ଼ିଆରେ ପାନୀୟ ଜଳ, ଶିକ୍ଷା, ମାଳବନ୍ଧ ପରି ସମସ୍ୟା ଅଛି। ଏଗୁଡ଼ିକର ସମାଧାନ ଦରକାର। ଆମ ଗଁା ପରିବେଶ ବିକାଶ ପାଣ୍ଠିରେ ଟଙ୍କା ଥାଇ ବି ଲୋକଙ୍କର ଜୀବନଜୀବିକାରେ ଉନ୍ନତି ହୋଇପାରୁନାହିଁ। ଏଣୁ ଗଁାର ବିକାଶକୁ ଅଣଦେଖା କରିବା ଅନୁଚିତ। ମହାନଦୀ ବନ୍ୟପ୍ରାଣୀ ବନଖଣ୍ଡ ଅଧିକାରୀ କ୍ଷମା ଷଡ଼ଙ୍ଗୀଙ୍କୁ ପଚାରିବାରେ ମୁଦୁଲିଗାଡ଼ିଆ ଇକୋ ଭିଲେଜର ବିକାଶ ପାଇଁ ମା’ ସାତଭଉଣୀ ପରିବେଶ ବିକାଶ ସମିତି ରିଜୋଲ୍ୟୁଶନ କରି ଡିଏଫ୍‌ଓଙ୍କ ଅନୁମତି ନେଇ ବିକାଶ କରିପାରିବେ। ମା’ ସାତଭଉଣୀ ପରିବେଶ ବିକାଶ ସମିତିରେ କେତେ ଅନୁଦାନ ଅଛି ସେ ନେଇ ପିସିସିଏଫ୍‌ ରିପୋର୍ଟ ମାଗିଥିବାରୁ ନୟାଗଡ଼ ବନଖଣ୍ଡ ପକ୍ଷରୁ ରିପୋର୍ଟ ଦିଆସରିଛି। ପିସିସିଏଫ୍‌ଙ୍କ ଅନୁମତି ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?