ବମ୍ବେ: ଦିନକୁ ଦିନ ନୂଆ ମୋଡ଼ ନେଉଛି ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା। ଏବେ କଥିତ ପ୍ରେମିକା ରିୟା ଚର୍କବର୍ତ୍ତୀଙ୍କ ନାମରେ ସୁଶାନ୍ତଙ୍କ ବାପା କେ.କେ ସିଂହ ପାଟଣାର ରାଜୀବନଗର ଥାନାରେ ଏତଲା ଦାୟର କରିଛନ୍ତି। ରିୟା ସୁଶାନ୍ତଙ୍କଠାରୁ ଟଙ୍କା ନେଇଛନ୍ତି ଏବଂ ତାଙ୍କୁ ସୁଇସାଇଡ୍ ପାଇଁ ଉସୁକାଇଛନ୍ତି। ଏହାଛଡ଼ା ବମ୍ବେ ପୋଲିସ କରୁଥିବା ଯାଞ୍ଚ ଉପରେ ତାଙ୍କୁ ଭରସା ନ ଥିବା ସେ ଦର୍ଶାଇଛନ୍ତି।
କେ.କେ. ସିଂହ ରିୟା ଓ ତାଙ୍କ ପରିବାର ଉପରେ ଆହୁରୀ ଗମ୍ଭୀର ଆରୋପ ଲଗାଇଛନ୍ତି। ରିୟା ସୁଶାନ୍ତଙ୍କୁ ପ୍ରତାରଣା କରିଥିଲେ। ତାଙ୍କ ପଇସା ନେଇଯିବା ସହ ପରିବାର ସହ ସମ୍ପର୍କ ତୁଟାଇ ଦେଇଥିଲେ ବୋଲି ସେ କହିଛନ୍ତି।
ଅଭିଯୋଗ ପରେ ମାମଲାର ଯାଞ୍ଚ ପାଇଁ ପାଟଣାର ୪ଜଣିଆ ଟିମ୍ ବମ୍ବେ ଆସିଛି। ବମ୍ବେ ପୋଲିସଠାରୁ ସୁଶାନ୍ତଙ୍କ ହତ୍ୟା ସହ ଜଡ଼ିତ କାଗଜପତ୍ର ସେମାନେ ନେବେ। ଏହାଛଡ଼ା ରିୟାଙ୍କୁ ପଚରାଉଚରା କରିପାରେ ବୋଲି କୁହାଯାଉଛି।
