ଭବାନୀପାଟଣା,୧୨।୧୧(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣା ସଦର ଥାନା ଅଞ୍ଚଳରେ ମଙ୍ଗଳବାର ଅପରାହ୍ନରେ ଏକ ଦୁଃଖଦ ଘଟଣା ସାମ୍ନାକୁ ଆସିଛି। କଣ୍ଟେନର ଚାପାରେ ଉଭୟ ମା ଓ ପୁଅଙ୍କ ମୃତ୍ୟୁ ହୋଇଛି। ଭବାନୀପାଟଣା ସଦର ଥାନା ଅନ୍ତର୍ଗତ କର୍ଲାଗୁଡା ଛକ ନିକଟରେ ଏହି ଦୁର୍ଘଟଣା ହୋଇଛି। ଏଥିରେ ବୋର୍ଡା ଗ୍ରାମର ସୁମନ୍ତ ପ୍ରଧାନ(୩୮) ଓ ତାଙ୍କ ମା ମଞ୍ଜୁଳା ପ୍ରଧାନ(୫୩) ମୃତ୍ୟୁ ହୋଇଛି।
ଭବାନୀପାଟଣାରୁ ଉଭୟେ ବାଇକରେ ଫେରୁଥିବାବେଳେ ବାଟରେ କର୍ଲାଗୁଡା ଛକ ନିକଟରେ ଏକ
କଣ୍ଟେନର ନଂ(ଏଚଆର ୫୫ କ୍ୟୁ -୮୨୦୫) ତାଙ୍କୁ ଚାପିଦେଇଥିଲା। ଫଳରେ ଘଟଣା ସ୍ଥଳରେ ୨ ଜଣକର ମୃତ୍ୟୁ ହୋଇଥିଲା। ମୃତ ସୁମନ୍ତ ସ୍ଥାନୀୟ ବିଦ୍ୟୁତ ବିଭାଗରେ କାର୍ଯ୍ୟ କରୁଥିଲେ। ଖବର ପାଇ ଘଟଣା ସ୍ଥାନୀୟ ପୋଲିସ ପହଞ୍ଚି ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ଡ଼ାକ୍ତର ଖାନା ପଠାଇଥିବା ଜଣାପଡିଛି।
