କୋଲକାତା, ୧୦।୮ : ପଶ୍ଚିମବଙ୍ଗରେ ଭାଜପା ନେତା ଶୁଭେନ୍ଦୁ ଅଧିକାରୀ ଏକ ବଡ ଦାବି କରିଛନ୍ତି ଯେ ରାଜ୍ୟର ତୃଣମୂଳ କଂଗ୍ରେସର ମମତା ବାନାର୍ଜୀ ସରକାର ଡିସେମ୍ବର ସୁଦ୍ଧା ପତନ ହେବ। ରାଜ୍ୟରେ ୨୦୨୪ ରେ ହେବାକୁ ଥିବା ଲୋକ ସଭା ନିର୍ବାଚନ ସହିତ ରାଜ୍ୟରେ ବିଧାନସଭା ନିର୍ବାଚନ ମଧ୍ୟ ଅନୁଷ୍ଠିତ ହେବ ବୋଲି ସେ ଦାବି କରିଛନ୍ତି।
ଶୁଭେନ୍ଦୁଙ୍କ ଏହି ବିବୃତ୍ତି ଉପରେ ରାଜ୍ୟରେ କଳ୍ପନାଜଳ୍ପନା ଜାରି ରହିଛି। ଯଦିଓ ଏହା ପ୍ରଥମ ଥର ନୁହେଁ ଯେ ଶୁଭେନ୍ଦୁ ଏଭଳି ଦାବି କରୁଛନ୍ତି, କିନ୍ତୁ ଏଥର ସେ ନିଦ୍ଦିଷ୍ଟ ସମୟ ସୀମା କହିଥିବାରୁ ରାଜ୍ୟରେ ରାଜନୈତିକ ଉଷ୍ଣତା ବଢ଼ିବାରେ ଲାଗିଛି। ଶୁଭେନ୍ଦୁ କହିଛନ୍ତି କିଛି ମାସ ଅପେକ୍ଷା କର ଏବଂ ଚଳିତ ବର୍ଷ ଡିସେମ୍ବର ପର୍ଯ୍ୟନ୍ତ ପଶ୍ଚିମବଙ୍ଗରେ ମମତା କ୍ଷମତାଚ୍ୟୁତ ହେବେ।
ତେବେ ତାଙ୍କ ଦାବି ପରେ ତୃଣମୂଳ କଂଗ୍ରେସର ଉତ୍ତର ମଧ୍ୟ ସାମ୍ନାକୁ ଆସିଛି। ଏହାର ଏକ ରିପୋର୍ଟରେ ଇକୋନୋମିକ ଟାଇମ୍ସ ରିପୋର୍ଟ କରିଛି ଯେ ଶୁଭେନ୍ଦୁଙ୍କ ଏଭଳି ମନ୍ତବ୍ୟ ଉପରେ ତୃଣମୂଳର ଜାତୀୟ ମୁଖପାତ୍ର ସୁଖେନ୍ଦୁ ଶେଖର କହିଛନ୍ତି ଯେ ରାଜ୍ୟ ସରକାରଙ୍କୁ ହଟାଇବା ପାଇଁ ଭାଜପା କୋଟି କୋଟି ଟଙ୍କା ଖର୍ଚ୍ଚ କରୁଛି। କିନ୍ତୁ ଖୁବ ଶୀଘ୍ର ସମୟ ଆସିବ ଯେତେବେଳେ ଭାଜପା ଦେଶରୁ ମୂଳପୋଛ ହୋଇଯିବ।
ନିକଟରେ ଶୁଭେନ୍ଦୁ ଆଡିକାରୀ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ୧୦୦ ଜଣ ଟିଏମସି ନେତାଙ୍କ ତାଲିକା ଦାଖଲ କରିଥିଲେ। ଶୁଭେନ୍ଦ ବାରମ୍ବାର ଦାବି କରୁଛନ୍ତି ଯେ ଝାଡଖଣ୍ଡ, ରାଜସ୍ଥାନ ଏବଂ ପଶ୍ଚିମବଙ୍ଗରେ ମହାରାଷ୍ଟ୍ର ଭଳି ପରିସ୍ଥିତି ସୃଷ୍ଟି ହେବ।
