Posted inଖେଳ

ମିଠା ପ୍ୟାକେଟ୍‌ ଖୋଳ ତିଆରି କରୁଛନ୍ତି ବାପା: ଦେଶ ପାଇଁ ସ୍ବର୍ଣ୍ଣ ଆଣିଲେ ଝିଅ

ନୂଆଦିଲ୍ଲୀ,୨।୧୦: ଏସିଆନ ଗେମ୍ସ ୨୦୨୬ରେ ଭାରତୀୟ ମହିଳା ରିକର୍ଭ ତୀରନ୍ଦାଜୀ ଦଳ ଇତିହାସ ରଚିଛି। ଅଙ୍କିତା ଭକତ, କୀର୍ତ୍ତି ଓ କୁମକୁମ ମୋହୋଦଙ୍କୁ ନେଇ ଗଠିତ ଭାରତୀୟ ଦଳ ଫାଇନାଲରେ ଶକ୍ତିଶାଳୀ ଦକ୍ଷିଣ କୋରିଆକୁ ପରାସ୍ତ କରି ସ୍ବର୍ଣ୍ଣ ପଦକ ହାତେଇଛି। ଏହି ବିଜୟରେ ୧୭ ବର୍ଷୀୟା କୁମକୁମଙ୍କ ପ୍ରଦର୍ଶନ ବିଶେଷ ଚର୍ଚ୍ଚାରେ ରହିଛି।

ଦକ୍ଷିଣ କୋରିଆ ୧୦ ଥରର ଅଲିମ୍ପିକ ଚାମ୍ପିଅନ ଦଳ ହୋଇଥିବା ବେଳେ ୧୯୭୮ ପରଠାରୁ ଏସିଆନ ଗେମ୍ସରେ କୋରିଆ ଦଳର ଦବଦବା ରହିଆସିଛି। ଏଭଳି ଏକ ଶକ୍ତିଶାଳୀ ପ୍ରତିପକ୍ଷକୁ ହରାଇ ଭାରତୀୟ ମହିଳା ରିକର୍ଭ ଦଳର ସ୍ବର୍ଣ୍ଣ ବିଜୟକୁ ବଡ଼ ସଫଳତା ଭାବେ ଦେଖାଯାଉଛି। ଫାଇନାଲର ନିର୍ଣ୍ଣାୟକ ମୁହୂର୍ତ୍ତରେ କୁମକୁମ ନିଜକୁ ଶାନ୍ତ ରଖି ଅତ୍ୟନ୍ତ ସଠିକ ନିଶାନା ଲଗାଇଥିଲେ। ତାଙ୍କ ଏହି ନିର୍ଣ୍ଣାୟକ ପ୍ରଦର୍ଶନ ଭାରତକୁ ସ୍ବର୍ଣ୍ଣ ପଦକ ଦେଇଥିଲା।

ମହାରାଷ୍ଟ୍ରର ୧୭ ବର୍ଷୀୟା କୁମକୁମ ମୋହୋଦ ଅଳ୍ପ ବୟସରେ ହିଁ ଭାରତୀୟ ରିକର୍ଭ ତୀରନ୍ଦାଜୀରେ ନିଜ ପରିଚୟ ସୃଷ୍ଟି କରିଛନ୍ତି। ପ୍ରତିଯୋଗିତା ସମୟରେ ତାଙ୍କ ଧ୍ୟାନ କେବଳ ଧନୁ ଓ ଟାର୍ଗେଟ ଉପରେ ରହିଥାଏ। ଚାପପୂର୍ଣ୍ଣ ପରିସ୍ଥିତିରେ ମଧ୍ୟ ଶାନ୍ତ ରହିବା ତାଙ୍କ ବଡ଼ ଶକ୍ତି ବୋଲି ତାଙ୍କ କୋଚ ଓ ସହଖେଳାଳିମାନେ କହିଛନ୍ତି।

କୁମକୁମଙ୍କ ସଫଳତା ପଛରେ ରହିଛି ଅନେକ ସଂଘର୍ଷ। ଆର୍ଥିକ ସମସ୍ୟା ଯୋଗୁ ସେ ଦୀର୍ଘ ସମୟ ଧରି ସେକେଣ୍ଡହ୍ୟାଣ୍ଡ ଉପକରଣରେ ଅଭ୍ୟାସ କରିଥିଲେ। ତାଙ୍କ ବାପା ଅନିଲ ମନୋହର ମୋହୋଦ ଅମରାବତିରେ କାର୍ଡବୋର୍ଡର ମିଠା ପ୍ୟାକେଟ୍‌ ତିଆରି କରି ପରିବାର ଚଳାଇବା ସହ ଝିଅର ତୀରନ୍ଦାଜୀ ସ୍ବପ୍ନକୁ ସାକାର କରିବାରେ ସହଯୋଗ କରିଥିଲେ।

କୁମକୁମ ୨୦୨୫ରେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିଥିଲେ। ଏହାପରେ ସେ ଆର୍ଚେରୀ ୱାଲର୍‌ଡ କପ ଷ୍ଟେଜ ଏବଂ ବିଭିନ୍ନ କଣ୍ଟିନେଣ୍ଟାଲ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିଛନ୍ତି। ତାଙ୍କ ନାଁରେ ଏପର୍ଯ୍ୟନ୍ତ ୨ଟି ଅନ୍ତର୍ଜାତୀୟ ପଦକ ରହିଛି ଏବଂ ଦୁଇଟି ଯାକ ସ୍ବର୍ଣ୍ଣ। ଶାଂଘାଇରେ ଆୟୋଜିତ ଆର୍ଚେରୀ ୱାଲର୍‌ଡ କପ ଷ୍ଟେଜ-୨ରେ ଭାରତୀୟ ମହିଳା ଦଳ ସ୍ବର୍ଣ୍ଣ ଜିତିଥିବାବେଳେ କୁମକୁମ ସେହି ଦଳର ଅଂଶ ଥିଲେ। ସେଠାରେ ଭାରତ ଦକ୍ଷିଣ କୋରିଆ ଓ ଆୟୋଜକ ଚାଇନା ଭଳି ଦଳକୁ ପରାସ୍ତ କରିଥିଲା। ଏହାପରେ ସୋନିପତରେ ହୋଇଥିବା ଚୟନ ପରୀକ୍ଷାରେ କୁମକୁମ ନିଜ ଦଳର ଅଭିଜ୍ଞ ତୀରନ୍ଦାଜ ଦୀପିକା କୁମାରୀଙ୍କୁ ପରାସ୍ତ କରି ୨୦୨୬ ଏସିଆନ ଗେମ୍ସ ପାଇଁ ଭାରତୀୟ ଦଳରେ ସ୍ଥାନ ପକ୍କା କରିଥିଲେ।

କୁମକୁମଙ୍କ ତୀରନ୍ଦାଜୀ ଯାତ୍ରା ୨୦୧୮ରେ ଆରମ୍ଭ ହୋଇଥିଲା। ତାଙ୍କ ମାଆଙ୍କ ପରାମର୍ଶରେ ସେ ଏହି କ୍ରୀଡ଼ା ସହ ଯୋଡ଼ି ହୋଇଥିଲେ। ଖୁବ କମ ସମୟ ମଧ୍ୟରେ ସେ ଭଲ ପ୍ରଦର୍ଶନ କରି ଜାତୀୟସ୍ତରରେ ପଦକ ଜିତିଥିଲେ। ସେହି ସଫଳତା ତାଙ୍କ ମନରେ ତୀରନ୍ଦାଜୀ ପ୍ରତି ଆଗ୍ରହକୁ ଆହୁରି ବଢ଼ାଇଥିଲା।

କୁମକୁମଙ୍କ କୋଚ ଡାଙ୍ଗେଙ୍କ ଅନୁଯାୟୀ, ସେ ଛୋଟବେଳେ ତାଙ୍କ ଏକାଡେମୀକୁ ଆସିଥିଲେ। ପ୍ରାୟ ୬ ମାସ ମଧ୍ୟରେ ବିଜୟୱାଡ଼ାରେ ଆୟୋଜିତ ଏକ ଜାତୀୟ ସ୍ତରର ଶିଶୁ ପ୍ରତିଯୋଗିତାରେ ପଦକ ଜିତିଥିଲେ। ଏହି ସଫଳତା ତାଙ୍କ ଆତ୍ମବିଶ୍ୱାସକୁ ନୂଆ ଦିଗ ଦେଇଥିଲା। ତୀରନ୍ଦାଜୀ ସହ ପାଠପଢ଼ାରେ ମଧ୍ୟ କୁମକୁମଙ୍କ ଯାତ୍ରା ଆହ୍ବାନପୂର୍ଣ୍ଣ ରହିଛି। ଅନ୍ତର୍ଜାତୀୟ ପ୍ରତିଯୋଗିତା ଯୋଗୁ ତାଙ୍କ ଏସଏସ୍‌ସି ବୋର୍ଡ ପରୀକ୍ଷାର ଏକ ପେପର୍‌ ଦେବାରେ ସମସ୍ୟା ହୋଇଥିଲା। ମରାଠୀ ପରୀକ୍ଷା ପାଇଁ ସେ ସମୟରେ ପହଞ୍ଚିପାରି ନ ଥିଲେ।

ପରେ ଫଳାଫଳ ପ୍ରକାଶ ପାଇବା ପରେ ସମସ୍ତେ ଆଶ୍ଚର୍ଯ୍ୟ ହୋଇଥିଲେ। ଗୋଟିଏ ବିଷୟର ପରୀକ୍ଷା ଦେଇ ନ ଥିଲେ ମଧ୍ୟ ସେ ୭୨ ପ୍ରତିଶତ ମାର୍କ ହାସଲ କରିଥିଲେ। ଜାତୀୟ ପଦକ ପାଇଁ ମିଳିଥିବା ୨୦ ମାର୍କ ଏବଂ ସ୍କୁଲର ପ୍ରାକ୍ଟିକାଲ୍‌କୁ ମିଳିଥିବା ୧୫ ମାର୍କ ତାଙ୍କୁ ପାସ କରିବାରେ ସହାୟତା କରିଥିଲା।

ସାଧାରଣ ପରିବାରରୁ ଆସି ସୀମିତ ସମ୍ବଳରେ ଅଭ୍ୟାସ କରିବା ସତ୍ତ୍ୱେ କୁମକୁମ ମୋହୋଦ ଆଜି ଭାରତୀୟ ତୀରନ୍ଦାଜୀର ଏକ ଚର୍ଚ୍ଚିତ ନାଁ। ଏସିଆନ ଗେମ୍ସରେ ଐତିହାସିକ ସ୍ବର୍ଣ୍ଣ ବିଜୟ ତାଙ୍କ ସଂଘର୍ଷମୟ ଯାତ୍ରାରେ ଆଉ ଏକ ବଡ଼ ଅଧ୍ୟାୟ ଯୋଡ଼ିଛି।

 

Dharitri – Odisha’s No.1 Odia Daily

 


Enter your email to get our daily news in your inbox.

All Right Reserved By Dharitri.Com

BSNL ର ଧମାକା ଅଫର୍‌: ୩୮୦ ଦିନର ବୈଧତା ସହ ମିଳୁଛି ୧ ଲକ୍ଷ ଟଙ୍କାର ମାଗଣା ବୀମା କଭର

ନୂଆଦିଲ୍ଲୀ,୨୦।୧୧: ଅନେକ ସମୟରେ ଲୋକମାନେ ବାରମ୍ୱାର ରିଚାର୍ଜ କରିବାକୁ ନେଇ ଚିନ୍ତିତ ରହିଥାନ୍ତି। ଯଦି ଆପଣ ମଧ୍ୟ ଏହି ଲୋକମାନଙ୍କ ମଧ୍ୟରେ ସାମିଲ ଅଛନ୍ତି, ତେବେ ଏହି…

ବିବାହ ଋତୁ ବଜାରରେ ଆଣିବ ଚର୍ଚ୍ଚା: ଦେଶରେ ୨୫ ଦିନରେ ୫୨ ଲକ୍ଷ ବିବାହ ହେବ, ଯାହାର ଆନୁମାନିକ କାରବାର ୭.୫ ଲକ୍ଷ କୋଟି ଟଙ୍କା ହେବ

ନୂଆଦିଲ୍ଲୀ,୨୦।୧୧: ଶୁଭ ସମୟ ଆରମ୍ଭ ହେବା ମାତ୍ରେ ଦେଶରେ ବିବାହ ଋତୁ ଆରମ୍ଭ ହୋଇଯିବ। ଏହି ସମୟ ମଧ୍ୟରେ ଦେଶରେ ପ୍ରାୟ ୫୨ ଲକ୍ଷ ବିବାହ ଅନୁଷ୍ଠିତ…

ଛାତ୍ରୀଛାତ୍ରଙ୍କୁ ମୁଖ୍ୟମନ୍ତ୍ରୀଙ୍କ ବଡ଼ ଉପହାର, ବାଣ୍ଟିଲେ ୫୦ ହଜାର ଟାବ୍‌ଲେଟ୍‌

ଲକ୍ଷ୍ନୌ,୨୦।୧୧: ଉତ୍ତରପ୍ରଦେଶର ଗୋରଖପୁର ମଣ୍ଡଳର ୫୦ ହଜାର ଛାତ୍ରୀଛାତ୍ରଙ୍କୁ ଟାବ୍‌ଲେଟ୍‌ ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ସ୍ୱାମୀ ବିବେକାନନ୍ଦ ଯୁବ ସଶକ୍ତୀକରଣ ଯୋଜନା ଅଧୀନରେ ଏହି…

ଟିମ୍‌ଇଣ୍ଡିଆର ଜବରଦସ୍ତ ପ୍ରତ୍ୟାବର୍ତ୍ତନ: ୧୦ ବର୍ଷ ପରେ ନ୍ୟୁଜିଲାଣ୍ଡକୁ ଦେଖିବାକୁ ପଡ଼ିଲା ଏମିତି ଦିନ

ୱେଲିଂଟନ,୨୦।୧୧:ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ପ୍ରଥମ ଟେଷ୍ଟର ଦ୍ୱିତୀୟ ଦିନରେ ଭାରତୀୟ ବ୍ୟାଟରମାନେ ଦୃଢ଼ ଓ ଆକ୍ରମଣାତ୍ମକ ଆରମ୍ଭ କରିଛନ୍ତି। ନ୍ୟୁଜିଲାଣ୍ଡର ପ୍ରଥମ ଇନିଂସର ୩୬୮ ରନ୍‌ର ଜବାବରେ…

ବାତ୍ୟା ସ୍ଥଳଭାଗ ଅତିକ୍ରମ କରିଥିଲେ ବି ୨୪ ଘଣ୍ଟା ସତର୍କ ରହିବାକୁ ଜିଳାପାଳଙ୍କ ନିର୍ଦ୍ଦେଶ

ଛତ୍ରପୁର,୨୦ା୧୧(ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତିକୁ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚାଯାଇଛି। ଭାରତୀୟ ପାଣିପାଗ ବିଭାଗର ଆକଳନ ଅନୁଯାୟୀ, ଆସନ୍ତା…

ମୁଖ୍ୟମନ୍ତ୍ରୀ ଯୋଗୀଙ୍କ ମା’ ସାବିତ୍ରୀ ଦେବୀଙ୍କ ପରଲୋକ, ୯୧ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କଲେ

ଲକ୍ଷ୍ନୌ,୨୦।୧୧: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମାଆ ସାବିତ୍ରୀ ଦେବୀଙ୍କର ୯୧ ବର୍ଷ ବୟସରେ ଦେହାନ୍ତ ହୋଇଛି। ସେ ଉତ୍ତରାଖଣ୍ଡରେ ଶେଷ ନିଶ୍ୱାସ ତ୍ୟାଗ କରିଛନ୍ତି।…

ବଢୁଛି ସାଳିଆ ଜଳଭଣ୍ଡାର ଜଳସ୍ତର, ପ୍ରତି ସେକେଣ୍ଡ୍‌ରେ…

ଖୋର୍ଦ୍ଧା,୨୦ା୧୧(ପ୍ରଭାତ ପାଣିଗ୍ରାହୀ): ବାତ୍ୟା ‘ଅକ୍ୱାନ’ ପ୍ରଭାବରେ ଖୋର୍ଦ୍ଧା ଜିଲାରେ ବର୍ଷା ଜାରି ରହିଥିବା ବେଳେ ସାଳିଆ ଜଳସେଚନ ପ୍ରକଳ୍ପର ଜଳସ୍ତର ବୃଦ୍ଧି ପାଇଛି। ନଭେମ୍ବର ୨୦ ତାରିଖ…

ଯେଉଁ ରେକର୍ଡ ଦିନେ ସେହ୍ବାଗ କରିପାରି ନ ଥିଲେ ତାହା କରିଦେଖାଇଲେ ରାହୁଲ: ହାସଲ କଲେ ଐତିହାସିକ କୀର୍ତ୍ତିମାନ

ଓ୍ବେଲିଂଟନ୍‌,୨୦।୧୧:ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟରେ ଭାରତୀୟ ବ୍ୟାଟର୍‌ କେଏଲ ରାହୁଲ ଏକ ବଡ଼ ଉପଲବ୍ଧି ହାସଲ କରିଛନ୍ତି। ଦ୍ୱିତୀୟ ଦିନର ଖେଳ ଶେଷ ସୁଦ୍ଧା ସେ ଅର୍ଦ୍ଧଶତକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?