ବଲିଉଡରେ ଏକ ସମୟ ଥିଲା ଯେତେବେଳେ ଲୋକେ ମାଧୁରୀ ଦୀକ୍ଷିତ ଏବଂ ଜୁହି ଚାୱଲାଙ୍କ ପାଇଁ ପାଗଳ ଥିଲେ। ସେହି ସମୟରେ ଏହି ଦୁଇ ଅଭିନେତ୍ରୀ ମଧ୍ୟ ନିଜ ମଧ୍ୟରେ କଠୋର ପ୍ରତିଯୋଗିତା କରୁଥିଲେ। ଉଭୟ ମାଧୁରୀ ଏବଂ ଜୁହି ସେମାନଙ୍କ ସମୟର ଶ୍ରେଷ୍ଠ ହିରୋଇନ ଥିଲେ। ଦର୍ଶକଙ୍କୁ ସେମାନଙ୍କ ସୌନ୍ଦର୍ଯ୍ୟ ଓ ଅଭିନୟରେ ବାନ୍ଧି ରଖିଥିଲେ। ଆଜି ବି ସେମାନଙ୍କ ପାଇଁ ଲୋକଙ୍କ କ୍ରେଜ କମିନାହିଁ।
କେବଳ ଏତିକି ନୁହେଁ ଇଣ୍ଡଷ୍ଟ୍ରିର ଅନେକ ହିରୋ ଏ ଦୁହିଁଙ୍କ ପଛରେ ପଡ଼ିଥିଲେ। ମାତ୍ର ଏ ଦୁହେଁ କୌଣସି ହିରୋଙ୍କୁ ବିବାହ କରି ନ ଥିଲେ। ମାଧୁରୀ ଡାକ୍ତର ଶ୍ରୀରାମ ନେନେଙ୍କୁ ବିବାହ କରିଥିବାବେଳେ ଜୁହି ବ୍ୟବସାୟୀ ଜୟ ମେହେଟ୍ଟାଙ୍କୁ ବିବାହ କରିଥିଲେ। କେବଳ ଏତିକି ନୁହେଁ, ସେ କାହିଁକି ହ୍ୟାଣ୍ଡସମ ହିରୋଙ୍କୁ ତାଙ୍କ ସ୍ବାମୀ ଭାବେ ବାଛି ନାହାନ୍ତି ଜାଣନ୍ତୁ।
ମାଧୁରୀ ଏବଂ ଜୁହି କରଣ ଜୋହରଙ୍କ ଚାଟ ଶୋ କଫି ଉଇଥ୍ କରଣଙ୍କ ସହ ୨୦୧୪ରେ ପହଞ୍ଚିଥିଲେ। ଏଠାରେ କରଣ ଜୋହର ମାଧୁରୀ ଏବଂ ଜୁହିଙ୍କୁ ଅନେକ ମଜାଦାର ପ୍ରଶ୍ନର ପଚାରିଥିଲେ। ଏହି ସମୟ ମଧ୍ୟରେ ଉଭୟ ଅଭିନେତ୍ରୀ ସେମାନଙ୍କର ବ୍ୟକ୍ତିଗତ ଜୀବନ ସହିତ ଜଡିତ ଅନେକ କଥା କହିଥିଲେ।
ତେବେ କରଣ ତାଙ୍କୁ ପଚାରିଥିଲେ, ‘ତୁମେ ଏତେ ବଡ ତାରକାଙ୍କ ସହ ଇଣ୍ଡଷ୍ଟ୍ରିରେ କାମ କରିଥିଲ, କିନ୍ତୁ କେଉଁ ତାରକାଙ୍କ ସହ ବିବାହ କାହିଁକି କଲ ନାହିଁ।
ଏହାର ଉତ୍ତରରେ ମାଧୁରୀ ପ୍ରଥମେ କହିଥିଲେ, ‘ମୁଁ ଶାହାରୁଖ ଖାନଙ୍କ ସହ ବହୁତ ଶୁଟିଂ କରିଥିଲି। ମୁଁ ମଧ୍ୟ ସଲମାନ ଖାନଙ୍କ ସହ କାମ କରିଥିଲି।ମୁଁ ଅମିରଙ୍କ ସହିତ କେବଳ ଦୁଇଟି ଚଳଚ୍ଚିତ୍ର କରିସାରିଛି ବୋଧହୁଏ ମୁଁ ଏହି ତାରକାମାନଙ୍କୁ ଏତେ ପସନ୍ଦ କରି ନ ଥିଲି ଏବଂ ବିବାହ କରିବାକୁ ଚିନ୍ତା କରି ନ ଥିଲି। ମୋ ସ୍ବାମୀ ମୋର ହିରୋ ’। ପରେ କରଣ କହିଥିଲେ, ‘ସେ ତୁମକୁ ଭେଟିବା ପରେ ହିଁ ହିରୋ ହୋଇସାରିଛନ୍ତି। କାରଣ ପୂର୍ବରୁ ତାଙ୍କୁ ସେହି ହିସାବରେ କେହି ଦେଖି ନଥିବେ’ ।
ତେବେ ଏହି ପ୍ରଶ୍ନର ଉତ୍ତର ଦେବାବେଳେ ଜୁହି କହିଥିଲେ, ‘ମୁଁ ଜୟଙ୍କୁ ବହୁତ ପସନ୍ଦ କରୁଥିଲି। ସେ ମୋର ମୋର ହୃଦୟ ଜିତି ନେଲେ।
