ପାପଡାହାଣ୍ଡି,୧୫।୮(ଡି.ଏନ୍.ଏ.):ଲଘୁଚାପଜନିତ ଲଗାଣ ବର୍ଷା ଯୋଗୁ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ସଦର ମହକୁମାର ବହୁ ଦୋକାନ ଓ ଘରେ ପାଣି ପଶିିଯାଇଛି। ଏହାସହ ବସଷ୍ଟାଣ୍ଡ, ହାଟପଦା ଓ ପାଇକ ସାହି ଅଞ୍ଚଳରେ ପାଣି ପଶିଥିବାରୁ ଲୋକେ ହନ୍ତସନ୍ତ ହୋଇଛନ୍ତି । ସଦର ମହକୁମାର ୫ଟି ଘର ଭାଙ୍ଗି ଯାଇଥିବା ସୂଚନା ମିଳିଛି। ଗଣେଶ ଶୁକ୍ରୀ, ସଦାଶିବ ପାଇକ, ଦଶରଥ ଜାନୀ, ଶଙ୍କର ପଟ୍ଟନାୟକ ଓ ଖଗ ଭତରାଙ୍କ ଘର ଭାଙ୍ଗିଛି। ଉମରକୋଟ ଓ ଭବାନୀପାଟଣା ରାସ୍ତାରେ ଥିବା ବହୁ ଦୋକାନରେ ପାଣି ପଶିି ଆସବାବପତ୍ର ନଷ୍ଟ ହୋଇଯାଇଛି । ୟୁଜିଏମ୍ଇ ସ୍କୁଲ ଓ ବ୍ଲକ କଲୋନୀ ସ୍କୁଲ ଭିତରେ ପାଣି ଜମି ରହିଛି । ଗ୍ରାମର ମୁଖ୍ୟ ଟୁରୀ ନଦୀରେ ଜଳସ୍ତର ବୃଦ୍ଧି ପାଇ ବନ୍ୟା ସ୍ଥିତି ଉପୁଜିଛି। ଚଳିତ ବର୍ଷ ଦୁଇ ଦୁଇଥର ଏଭଳି ହେବାରୁ ଏହାର ସ୍ଥାୟୀ ସମାଧାନ ପାଇଁ ଲୋକେ ଦାବି କରିଛନ୍ତି।
