ଝଡ଼ାଫୁଙ୍କାରୁ ଝଡୁଛି ଜୀବନ

ଅନୁଗୋଳ ଅଫିସ, ୮ା୭:  ଗୁଣିଆ ନୁହେଁ, ଡାକ୍ତରଙ୍କୁ ଜଣା ସର୍ପ ବିଷ ଖସାଇବାର ବିଦ୍ୟା। ହେଲେ ସଚେତନତା ଅଭାବରୁ ଆଜି ବି ଅନେକ ଲୋକ ଝଡ଼ାଫୁଙ୍କା ଉପରେ ଅଗାଧ ବିଶ୍ୱାସ ରଖିଛନ୍ତି। ସାପକାମୁଡ଼ା ରୋଗୀଙ୍କୁ ମେଡିକାଲ ନ ଆଣି ଗୁଣିଆଙ୍କ ନିକଟକୁ ନେଉଛନ୍ତି। ସେଠାରେ ବିଫଳ ହେଲେ ସଂକଟାପନ୍ନ ଅବସ୍ଥାରେ ଡାକ୍ତରଖାନାରେ ପହଞ୍ଚାଉଛନ୍ତି। ଏହି କାରଣରୁ ଅନେକଙ୍କ ଜୀବନ ଅକାଳରେ ଝଡ଼ିଯାଉଛି। ଗତ ୫ ବର୍ଷ ମଧ୍ୟରେ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ୫ ଶହ ସାପକାମୁଡ଼ା ରୋଗୀଙ୍କୁ ଗୁରୁତର ଅବସ୍ଥାରେ ଅଣାଯାଇଛି। ସେମାନଙ୍କ ମଧ୍ୟରୁ ୫୦ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି।
ଅନୁଗୋଳ ଜିଲାରେ ପ୍ରତିବର୍ଷ ସାପ କାମୁଡ଼ାରେ ବହୁ ଲୋକଙ୍କ ଜୀବନ ଯାଉଛି। ବିଶେଷକରି ଜଙ୍ଗଲ, ପାହାଡ଼ ଆଖପାଖରେ ରହୁଥିବା ଲୋକେ ଏହାର ଅଧିକ ଶିକାର ହେଉଛନ୍ତି। ସର୍ପାଘାତ ରୋଗୀଙ୍କ ସଫଳ ଚିକିତ୍ସା ଡାକ୍ତରଖାନାରେ ଯେ ସମ୍ଭବ, ଏ ନେଇ ସେମାନେ ସଚେତନ ନୁହନ୍ତି। ସରକାରଙ୍କ ପକ୍ଷରୁ ମଧ୍ୟ ଏ ଦିଗରେ ସେତେଟା ଦୃଷ୍ଟି ଦିଆଯାଉ ନାହିଁ। ଗ୍ରାମାଞ୍ଚଳରେ ସଚେତନା ସୃଷ୍ଟି କରିବାକୁ ବ୍ୟାପକ ପ୍ରଚାର ପ୍ରସାର କରାଯାଉ ନାହିଁ। କେଉଁ ଅବସ୍ଥାରେ ଲୋକେ ସାପ କାମୁଡ଼ାର ଶିକାର ହୋଇଥାନ୍ତି ଓ କେମିତି ସେମାନେ ଏଥିରୁ ବର୍ତ୍ତିପାରିବେ ସେ ସମ୍ପର୍କରେ ଅଧିକାଂଶ ଲୋକ ଅବଗତ ନାହାନ୍ତି। ଜିଲା ମୁଖ୍ୟ ଚିକିତ୍ସାଳୟ ପକ୍ଷରୁ ମିଳିଥିବା ସୂଚନା ମୁତାବକ, ୨୦୧୭-୧୮ ବର୍ଷରେ ୧୮୮ ଜଣ ସାପ କାମୁଡ଼ା ରୋଗୀ ମେଡିକାଲରେ ଭର୍ତ୍ତି ହୋଇଥିଲେ। ସେହିପରି ୨୦୧୮-୧୯ ବର୍ଷରେ ୧୩୫ ଜଣ, ୨୦୧୯-୨୦ରେ ୯୩, ୨୦୨୦-୨୧ରେ ୬୪ ଓ ଚଳିତ ୨୦୨୧-୨୨ ବର୍ଷରେ ଏଯାଏ ୨୦ରୁ ଊର୍ଦ୍ଧ୍ୱ ସାପ କାମୁଡ଼ା ରୋଗୀ ମେଡିକାଲକୁ ଆସିଛନ୍ତି। ତେବେ ଅଧିକାଂଶ ସଂକଟାପନ୍ନ ଅବସ୍ଥାରେ ଆସିଥିବାରୁ ସେମାନଙ୍କୁ ଅଧିକ ଚିକିତ୍ସା ପାଇଁ କଟକ ବଡ଼ ମେଡିକାଲକୁ ପଠାଯାଇଛି। ସେମାନଙ୍କ ମଧ୍ୟରୁ କେତେଜଣଙ୍କ ମୃତ୍ୟୁ ହୋଇଛି ସେ ନେଇ ମୁଖ୍ୟ ଚିକିତ୍ସାଳୟରେ ତଥ୍ୟ ନାହିଁ। ହେଲେ ଝଡ଼ାଫୁଙ୍କା ଉପରୁ ଏବେ ବି ବହୁ ଲୋକ ବିଶ୍ୱାସ ହଟାଇପାରି ନ ଥିବାରୁ ସାପ କାମୁଡ଼ା ରୋଗୀ ମୃତ୍ୟୁମୁଖରେ ପଡ଼ୁଛନ୍ତି। ଏପରି ଲୋକଙ୍କ ସଂଖ୍ୟା ୫୦ରୁ ଊର୍ଦ୍ଧ୍ୱ ହେବ ବୋଲି ବେସରକାରୀ ଭାବେ କୁହାଯାଉଛି। ଅନ୍ୟପକ୍ଷରେ ଜିଲାର ବିଭିନ୍ନ ମେଡିକାଲରେ ସାପ ବିଷନାଶକ ଇଞ୍ଜେକଶନ ପର୍ଯ୍ୟାପ୍ତ ପରିମାଣରେ ରହିଛି। ମୋଟ୍‌ ୫୪୫୦ ଭାଏଲ ବିଭିନ୍ନ ମେଡିକାଲକୁ ପ୍ରଦାନ କରାଯାଇଛି। ସେଥିରୁ ଜୁନ୍‌ ଶେଷ ସୁଦ୍ଧା ୬ଶହ ଭାଏଲ ଶେଷ ହୋଇଛି।

ସାପ କାମୁଡ଼ିଲେ ତୁରନ୍ତ ମେଡିକାଲ ଆସନ୍ତୁ
ସାପ ବିଷ ମଣିଷ ରକ୍ତରେ ଏତେ ଶୀଘ୍ର ମିଶି ପାରି ନ ଥାଏ। ଡାକ୍ତରଖାନାରେ ରକ୍ତ ପରୀକ୍ଷା କରାଯିବା ସହ ତୁରନ୍ତ ଆବଶ୍ୟକ ବିଷନାଶକ ଇଞ୍ଜେକସନ ରୋଗୀଙ୍କୁ ଦିଆଯାଇଥାଏ। ଫଳରେ କିଛି ଘଣ୍ଟା ମଧ୍ୟରେ ରୋଗୀଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ଆସିଥାଏ। ଝଡ଼ାଫୁଙ୍କାର ଆଶ୍ରୟ ନେଇ ଶେଷ ମୁହୂର୍ତ୍ତରେ ମେଡିକାଲ ଆସିଲେ ବିଷକୁ କାବୁ କରିବାର ସମୟ ଶେଷ ହୋଇଯାଇଥାଏ।
-ଡାକ୍ତର ତ୍ରିଲୋଚନ ପ୍ରଧାନ, ଜିଲା ମୁଖ୍ୟ ଚିକିତ୍ସା ଅଧିକାରୀ, ଅନୁଗୋଳ

ଘର ଓ ପରିବେଶ ସଫା ରଖନ୍ତୁ
ବର୍ଷା ଦିନେ ଗାତରେ ପାଣି ପଶିଯିବାରୁ ସାପ ଉଷୁମ ସ୍ଥାନ ଖୋଜିଥାନ୍ତି। ଏହା ସେମାନଙ୍କ ଅଣ୍ଡାଦାନ ସମୟ। ତେଣୁ ମୂଷା ଓ ବେଙ୍ଗଙ୍କ ଗନ୍ଧ ପାଇ ସାପ ଘର ମଧ୍ୟକୁ ଚାଲିଆସିଥାନ୍ତି। ଏହି ସମୟରେ ଘର ଓ ପରିବେଶ ସଫା ରଖିଲେ ସାପ ଘରକୁ ଆସିବେ ନାହିଁ। ସାପ ଦେଖିଲେ ତାହାକୁ ନ ମାରି ସର୍ପ ମିତ୍ରଙ୍କ ସହାୟତାରେ ତାହାକୁ ଅନ୍ୟତ୍ର ଛାଡ଼ିଦିଅନ୍ତୁ।
-ନିହାରିକା ମହାପାତ୍ର, ସର୍ପମିତ୍ର, ଅନୁଗୋଳ

ବ୍ଲିଚିଂ ଓ ଫିନାଇଲ ପକାନ୍ତୁ
ସାପ ମଣିଷକୁ ଅଧିକ ଭୟ କରେ। କିନ୍ତୁ ବର୍ଷା ଦିନେ ସେମାନଙ୍କ ବସା ନଷ୍ଟ ହୋଇଯାଉଥିବାରୁ ଘର କୋଣରେ ପଡ଼ୁଥିବା ଅଳିଆ ଆବର୍ଜନା ମଧ୍ୟକୁ ସେମାନେ ଚାଲିଆସିଥାନ୍ତି। ତେଣୁ ଘର ନିକଟକୁ ଏହି ବିଷଧର ସରିସୃପ ଯେପରି ନ ଆସିବେ ସେଥିପାଇଁ ଘର ଚାରିପାଖ ପରିଷ୍କାର ରଖିବା ସହ ନିୟମିତ ବ୍ଲିଚିଂ ପାଉଡର ଓ ଫିନାଇଲ ପକାଇବା ଉଚିତ।
-ଶିବାନୀ ଶଙ୍କର ଦେହୁରୀ, ସର୍ପମିତ୍ର, ଅନୁଗୋଳ

ଅନ୍ଧ ବିଶ୍ୱାସରୁ ଲୋକେ ବାହାରିପାରୁ ନାହାନ୍ତି
ସାପ କାମୁଡ଼ିବା ମାତ୍ରେ ଲୋକେ ଗୁଣିଆ ଖୋଜନ୍ତି। ଜଣଙ୍କ ନିକଟରୁ ଅନ୍ୟ ଜଣଙ୍କ ନିକଟକୁ ଧାଆନ୍ତି। ଏପରି କରି ସେମାନେ ଗୁରୁତ୍ୱପୂର୍ଣ୍ଣ ସମୟ ନଷ୍ଟ କରିବା ସହ ରୋଗୀଙ୍କ ଜୀବନ ପ୍ରତି ଅଧିକ ବିପଦ ଡାକିଆଣନ୍ତି। ଏପରି କି ଡାକ୍ତରଙ୍କ ଦ୍ୱାରା ମୃତ ଘୋଷିତ ରୋଗୀଙ୍କୁ ମଧ୍ୟ ମେଡିକାଲରେ ଝଡ଼ାଫୁଙ୍କା କରାଯାଉଥିବା ଦେଖାଯାଇଛି। ଅନ୍ଧ ବିଶ୍ୱାସ ହିଁ ଏଥିପାଇଁ ଦାୟୀ।
-ଆଦିତ୍ୟ ବେହେରା, ସର୍ପମିତ୍ର, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?