ନୂଆଦିଲ୍ଲୀ,୨୬ ।୧୧: ଦେଶ ସ୍ୱାଧିନ ହେବା ପରେ ଗଣତନ୍ତ୍ରର ପଥକୁ ବାଛି ନେଇ ନିଜର ସମ୍ବିଧାନ ଗଠନ କଲା ଭାରତ । ୧୯୪୯ରେ ଦେଶର ସମ୍ବିଧାନ ପ୍ରସ୍ତୁତ କରାଯାଇଥିଲା । ସେହି ବର୍ଷ ହିଁ ଏହାକୁ ଗ୍ରହଣ କରାଯାଇଥିଲା । ଏବେ ଏହାକୁ ୭୩ ବର୍ଷ ହୋଇ ସାରିଛି । ୨୬ ନଭେମ୍ବର ୧୯୪୯ରେ ୧୬ଟି ଅନୁଚ୍ଛେଦ କାର୍ଯ୍ୟକାରୀ କରି ସମ୍ବିଧାନ ଅନୁକରଣ କରାଯାଇଥିଲା । ଅବଶ୍ୟ ପରେ ୨୬ ଜାନୁୟାରୀ, ୧୯୫୦ରେ ଭାରତକୁ ଏକ ଗଣତନ୍ତ୍ର ଦେଶ ଭାବରେ ଘୋଷଣା କରି ସମ୍ବିଧାନର ସମସ୍ତ ବ୍ୟବସ୍ଥା ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ ହେଲା । ବର୍ତ୍ତମାନ ଭାରତୀୟ ସମ୍ବିଧାନରେ ୧୨ଟି କାର୍ଯ୍ୟସୂଚୀ ଏବଂ ପ୍ରାୟ ୧୦୫ ସଂଶୋଧନ ପରେ ୪୫୦ରୁ ଅଧିକ ଅନୁଚ୍ଛେଦ ସାମିଲ ହୋଇଛି । ତେଣୁ ଭାରତୀୟ ସମ୍ବିଧାନକୁ ବିଶ୍ୱର ସର୍ବବୃହତ ଲିଖିତ ସମ୍ବିଧାନ କୁହାଯାଏ । ଏଠାରେ ପ୍ରତ୍ୟେକ କାର୍ଯ୍ୟ ସମ୍ବିଧାନରେ ଦିଆଯାଇଥିବା ନିର୍ଦ୍ଦେଶାବଳୀ ଓ ନିୟମାବଳୀ ଅନୁଯାୟୀ କରାଯାଇଥାଏ । ତଥାପି ଏହି ନିୟମ ଓ ନିୟମାବଳୀରେ ଏମିତି କିଛି ବ୍ୟବସ୍ଥା ରହିଛି ଯେଉଁଥିପାଇଁ ଦେଶର ରାଜନୈତିକ ବାତାବରଣ ପ୍ରାୟତଃ ପ୍ରଜ୍ୱଳିତ ହୋଇଥାଏ । ଏଥିମଧ୍ୟରୁ କେତେକ ଏମିତି ଯେ ସରକାର ସେମାନଙ୍କୁ ନିଜ ଅନୁଯାୟୀ, ପ୍ରସ୍ତୁତ କରିଛନ୍ତି ଏବଂ ରାଜନୈତିକ ସମିକରଣ ଅନୁଯାୟୀ ମଧ୍ୟ ସଂଶୋଧନ କରିଛନ୍ତି ।
