କୋରାପୁଟ/ଲକ୍ଷ୍ମୀପୁର,୭।୮(ସ୍ବ.ପ୍ର./ଡି.ଏନ୍.ଏ.): ଜଣେ ବୃଦ୍ଧଙ୍କୁ ଗାଁ ଦାଣ୍ଡରେ ବିଦ୍ୟୁତ୍ ଖୁଣ୍ଟରେ ବାନ୍ଧି ପିଟିପିଟି ହତ୍ୟା କରାଯାଇଛି। ପୁଅ ଏବଂ ବୋହୂ ଏବଂ ସାନଭାଇ ମିଶି ଏହି କାଣ୍ଡ ଘଟାଇଛନ୍ତି। ଘଟଣା ପରେ ମୃତଦେହ ନେଇ ସତ୍କାର କରି ଦେଇଛନ୍ତି। ଗାଁ ଲୋକେ ଏହା ଦେଖି ମଧ୍ୟ ପ୍ରତିବାଦ କରିପାରି ନାହାନ୍ତିଁ। କୋରାପୁଟ ଜିଲା ଲକ୍ଷ୍ମୀପୁର ଥାନା ଅଧୀନ ଉପରକୁଟିଙ୍ଗା ଗ୍ରାମରେ ଶନିବାର ଏଭଳି ଅଭାବନୀୟ ଘଟଣା ଘଟିଛି। ମୃତକ ହେଲେ ଗାଁର କୃଷ୍ଣ ମ୍ୟାଣିଆକା। ଏହି ଘଟଣାରେ ଲକ୍ଷ୍ମୀପୁର ଥାନା ପୋଲିସ ପୁଅ, ବୋହୂ, ସାନଭାଇଙ୍କ ସମେତ ୫ଜଣଙ୍କୁ ଅଟକ ରଖି ପଚରାଉଚରା କରୁଛି। ସୂଚନାଯୋଗ୍ୟ, ଶନିବାର ବୃଦ୍ଧଙ୍କୁ ପିଟିପିଟି ହତ୍ୟା କରିଥିବା ସମୟର ଏକ ଭିଡିଓ ଭାଇରାଲ ହୋଇଥିଲା। ଏହା ଜଣାପଡ଼ିବା ପରେ ପୋଲିସ ନଜି ପକ୍ଷରୁ ଏକ ମାମଲା ରୁଜୁକରି ଘଟଣାର ତଦନ୍ତ ଚଳାଇଛି। ହତ୍ୟାକାଣ୍ଡ ଶୁକ୍ରବାର ଘଟିଥିବା ବେଳେ କାରଣ ସ୍ପଷ୍ଟ ହୋଇ ନ ଥିବା ଆଇଆଇସି ଶ୍ୱେତପଦ୍ମ ସେଠ୍ କହିଛନ୍ତି।
