ଦେଶରେ କରୋନା ସଂକ୍ରମଣକୁ ନେଇ ଲକ୍ଡାଉନ୍ ସ୍ଥିତି ଜାରି ରହିଥିଲା। ଫଳରେ ଲୋକମାନେ ନିଜ ନିଜ ଘରେ ରହିବାକୁ ବାଧ୍ୟ ହୋଇଥିଲେ। ଏହି ସମୟରେ କିଛି ଲୋକଙ୍କର କ୍ରିଏଟିଭିଟି(ସୃଜନଶୀଳତା) ନଜରକୁ ଆସିଥିଲା। ଏହିଭଳି ଜଣେ ବାଳକ ଏବେ ଚର୍ଚ୍ଚାର ପରିସରକୁ ଆସିଛନ୍ତି। ଖବରକାଗଜର ଖଣ୍ଡରେ ସେ ଟ୍ରେନ୍ର ଏକ ମଡେଲ୍ ପ୍ରସ୍ତୁତ କରିଥିଲେ। ସୋସିଆଲ ମିଡିଆରେ ଏହାର ଫଟୋ ବେଶ୍ ଭାଇରାଲ ହୋଇଥିଲା। ଏବେ ରେଳ ମନ୍ତ୍ରାଳୟ ପକ୍ଷରୁ ଏ ନେଇ ସବିଶେଷ ସୂଚନା ଦିଆଯାଇଛି।
କେରଳର ତ୍ରିଶୁରର ୧୨ ବର୍ଷୀୟ ବାଳକ ଅଦ୍ୱୈଥ କ୍ରିଷ୍ଣା ଖବରକାଗଜ ପୃଷ୍ଠାକୁ ବ୍ୟବହାର କରି ଟ୍ରେନ୍ର ଏକ ମଡେଲ୍ ପ୍ରସ୍ତୁତ କରିଛନ୍ତି। ଏହା ଦେଖିବାକୁ ବେଶ୍ ସୁନ୍ଦର ହୋଇଛି। ରେଳ ମନ୍ତ୍ରଣାଳୟର ଆଧିକାରୀକ ଟୁଇଟର ହ୍ୟାଣ୍ଡେଲରେ ଏହାର ଫଟୋ ଏବଂ ଭିଡିଓ ପୋଷ୍ଟ କରାଯାଇଛି। ଭିଡିଓରେ ଅଦ୍ୱୈଥ ଏହାକୁ କିଭଳି ପ୍ରସ୍ତୁତ କରିଛନ୍ତି ଦେଖିବାକୁ ମିଳୁଛି। ସେ କେବଳ ୩ ଦିନରେ ଏହାକୁ ପ୍ରସ୍ତୁତ କରିଥିବା ମନ୍ତ୍ରାଳୟ ପକ୍ଷରୁ କୁହାଯାଇଛି। ଏବେ ଏହି ଟ୍ରେନ୍ର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଲୋକମାନେ ଅଦ୍ୱୈଥଙ୍କ ପ୍ରଶଂସା କରୁଛନ୍ତି।
