ମୁମ୍ବାଇ: ବଲିଉଡ୍ ବିୟୁଟି କୁଇନ୍ କ୍ୟାଟ୍ରିନା କୈଫ ଲକ୍ଷେ ଦିଲ୍ କି ଧଡକନ୍। କୁହାଯାଏ ତାଙ୍କ ପାଇଁ ପାଗଳ ଅନେକ ଯୁବକ। ତାଙ୍କର ଅଭିନୟ ସାଙ୍ଗକୁ ଶାନ୍ତ ସରଳ ଚେହେରା ଅନେକ ଲୋକଙ୍କ ମନ କିଣିଥାଏ। କିନ୍ତୁ ଏହି ନାୟିକା କୁଆଡେ ରିୟଲ ଲାଇଫ୍ରେ ଜଣେ ବିଫଳ ପ୍ରେମିକା ବୋଲି କୁହାଯାଏ। ତାଙ୍କ ପାଇଁ କେତେଜଣ ନାୟକ ପାଗଳ ଥିବା ବେଳେ ସେ କିନ୍ତୁ ମନେମନେ ଆଉ କାହାକୁ ପ୍ରେମ କରନ୍ତି। ହେଲେ ସବୁ ସ୍ଥାନରେ ସେ ଫେଲ୍ ବି ମାରିଛନ୍ତି। ସଲମାନଙ୍କ ସହ କ୍ୟାଟ୍ରିନାଙ୍କ ପ୍ରେମ କାହାଣୀ ବେଶ୍ ଚର୍ଚ୍ଚାକୁ ଆସିଥିବା ବେଳେ ଶେଷରେ କିନ୍ତୁ ଏହା ଭାଙ୍ଗି ଯାଇଥିବା ସମସ୍ତଙ୍କୁ ଜଣା। କୁହାଯାଏ ସଲମାନଙ୍କ ଅପେକ୍ଷା କ୍ୟାଟ୍ରିନା କୁଆଡେ ଭାଇଜାନଙ୍କ ପ୍ରେମରେ ପଡି ଶେଷରେ ଫେଲ୍ ମାରିଛନ୍ତି।
ବଲିଉଡ୍ର ଖିଲାଡି ବୟ ଅକ୍ଷୟଙ୍କ ସହ କୁଆଡେ କ୍ୟାଟ୍ରିନାଙ୍କର ପ୍ରେମ ସମ୍ପର୍କ ଥିଲା ବୋଲି ଆଲୋଚନା ହୁଏ। ହେଲେ ଅକ୍ଷୟ ପୂର୍ବରୁ ବିବାହିତ ଥିବାରୁ ଏହା ବେଶୀଦିନ ପର୍ଯ୍ୟନ୍ତ ଚାଲି ପାରି ନ ଥିଲା।
ସମୟ ଥିଲା ଯେତେବେଳେ ରଣବୀର-କ୍ୟାଟ୍ରିନାଙ୍କ ପ୍ରେମ କାହାଣୀକୁ ନେଇ ଖୁବ୍ ଚର୍ଚ୍ଚା ହେଉଥିଲା। ହେଲେ ଏହା କେବଳ ଆଲୋଚନାରେ ରହିଯାଇଥିଲା। କ୍ୟାଟ୍ରିନା ରଣବୀରଙ୍କୁ ପ୍ରେମ କରି ବସିଥିଲେ ବି ଏଥିରେ କୁଆଡେ ସଫଳ ହୋଇ ନ ଥିଲେ।
ରଣବୀରଙ୍କ ସହ ସମ୍ପର୍କ ଛିନ୍ନ ହେବା ପରେ କ୍ୟାଟ୍ ପଡିଗଲେ ଅଭିନେତା ସିଦ୍ଧାର୍ଥ ମାଲହୋତ୍ରାଙ୍କ ପ୍ରେମରେ। ଫିଲ୍ମ ‘ବାର ବାର ଦେଖୋ’ରେ ଉଭୟ ନଜର ଆସିଥିବା ବେଳେ ଏମାନଙ୍କ ଆଫେୟାର୍ସକୁ ନେଇ ଚର୍ଚ୍ଚା ହୋଇଥିଲା। ହେଲେ କ୍ୟାଟ୍ରିନା ଏହାକୁ ଅସ୍ବୀକାର କରିଥିଲେ। ଏସବୁ ପରେ କ୍ୟାଟ୍ରିନା ଜଣେ ବିଫଳ ପ୍ରେମିକା ବୋଲି କୁହାଯାଏ।
