ବେଙ୍ଗାଲୁରୁ,୧୩।୮: ଗୁଟଖା-ତମାଖୁକୁ ନେଇ ବଡ଼ ନିଷ୍ପତ୍ତି ନେଇନ୍ତି କର୍ନାଟକ ସରକାର । ରାଜ୍ୟ ସରକାର ଗୁଟ୍ଖା, ପାନ ମସଲା ଏବଂ ତମାଖୁ-ନିକୋଟିନ୍ଯୁକ୍ତ ଉତ୍ପାଦଗୁଡ଼ିକ ଉପରେ ଏକ ବର୍ଷ ପାଇଁ କଟକଣା ଜାରି କରିଛନ୍ତି । ଏହି ପ୍ରତିବନ୍ଧକ କେବଳ ବିକ୍ରି ଉପରେ ନୁହେଁ, ବରଂ ଏହାର ଉତ୍ପାଦନ, ସଂରକ୍ଷଣ (ଷ୍ଟୋରେଜ୍), ପରିବହନ ଏବଂ ବଣ୍ଟନ ଉପରେ ମଧ୍ୟ କଡାକଡି ଭାବେ ଲାଗୁ କରାଯାଇଛି । ଏହାପରେ ସମଗ୍ର ରାଜ୍ୟରେ ଯାଞ୍ଚ ଅଭିଯାନକୁ ତୀବ୍ର କରାଯାଇଛି ।
କର୍ନାଟକରେ ଗୁଟ୍ଖା-ତମାଖୁ ଉପରେ ବଡ଼ ନିଷ୍ପତ୍ତି ଏହି ମାମଲା କର୍ନାଟକର ଅଟେ । ରାଜ୍ୟର ଖାଦ୍ୟ ସୁରକ୍ଷା ଏବଂ ଔଷଧ ପ୍ରଶାସନ ବିଭାଗ ଗୁଟ୍ଖା, ପାନ ମସଲା ଏବଂ ଅନ୍ୟାନ୍ୟ ତମାଖୁ ବା ନିକୋଟିନ୍ଯୁକ୍ତ ସମ୍ବନ୍ଧୀୟ ଉତ୍ପାଦଗୁଡ଼ିକ ବିରୋଧରେ ଏକ ବଡ଼ ପଦକ୍ଷେପ ନେଇଛି। ଜନସ୍ୱାସ୍ଥ୍ୟକୁ ଦୃଷ୍ଟିରେ ରଖି ସରକାର ଏହିସବୁ ଉତ୍ପାଦର ନିର୍ମାଣ, ଗୋଦାମରେ ସଂରକ୍ଷଣ, ଏଣେତେଣେ ପରିବହନ, ବଜାରରେ ବଣ୍ଟନ ଏବଂ ବିକ୍ରି ଉପରେ ଏକ ବର୍ଷ ପାଇଁ କଟକଣା ଲଗାଇଛନ୍ତି। ଗଣମାଧ୍ୟମ ପ୍ରକାଶିତ ରିପୋର୍ଟ ଅନୁଯାୟୀ, ବିଭାଗ ପକ୍ଷରୁ ଏନେଇ ବିଜ୍ଞପ୍ତି ପ୍ରକାଶ ପାଇଛି ଏବଂ ଏହା ବିଜ୍ଞପ୍ତି ପ୍ରକାଶ ପାଇଥିବା ଦିନଠାରୁ ଆଗାମୀ ଗୋଟିଏ ବର୍ଷ ପାଇଁ କାର୍ଯ୍ୟକାରୀ ହେବ । ତେଣୁ କର୍ନାଟକରେ ଏହି ପ୍ରତିବନ୍ଧିତ ଉତ୍ପାଦର ବ୍ୟବସାୟ ସହ ଜଡିତ ବ୍ୟକ୍ତିମାନଙ୍କ ପାଇଁ ଅସୁବିଧା ବଢ଼ିପାରେ ।
ସାଧାରଣତଃ ଗୁଟ୍ଖା କିମ୍ବା ପାନ ମସଲା ଉପରେ କଟକଣା କଥା ଶୁଣିଲେ ଲୋକଙ୍କ ନଜର କେବଳ ଦୋକାନ ଏବଂ ବିକ୍ରି ଉପରେ ପଡ଼ିଥାଏ। କିନ୍ତୁ କର୍ନାଟକର ଏହି ନିର୍ଦ୍ଦେଶନାମାରେ କେବଳ ବିକ୍ରେତାମାନଙ୍କୁ ଟାର୍ଗେଟ୍ କରାଯାଇ ନାହିଁ । ତମାଖୁ ବା ନିକୋଟିନ୍ଯୁକ୍ତ ଉତ୍ପାଦ ପ୍ରସ୍ତୁତ କରୁଥିବା ଉତ୍ପାଦକମାନଙ୍କ ଉପରେ ମଧ୍ୟ ରୋକ୍ ଲଗାଯାଇଛି।ଏଗୁଡ଼ିକୁ ଗୋଦାମ କିମ୍ବା ଅନ୍ୟ କୌଣସି ସ୍ଥାନରେ ଲୁଚାଇ ରଖିଥିବା ବ୍ୟକ୍ତିଙ୍କୁ ମଧ୍ୟ ଯାଞ୍ଚ କରାଯିବ। ଏହା ବ୍ୟତୀତ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସାମଗ୍ରୀ ପହଞ୍ଚାଉଥିବା ଏବଂ ବଜାରରେ ବଣ୍ଟନ କରୁଥିବା ବ୍ୟକ୍ତିମାନଙ୍କୁ ମଧ୍ୟ ଏହି ପ୍ରତିବନ୍ଧକ ପରିସରଭୁକ୍ତ କରାଯାଇଛି।
