ବିବାହିତଙ୍କ ହାତ ଧରିଛନ୍ତି ଅନେକ ବଲିଉଡ୍ ଅଭିନେତ୍ରୀ। ଡ୍ରିମଗର୍ଲ ହେମାମାଳିନୀଙ୍କଠାରୁ ଆରମ୍ଭ କରି ଜୟାପ୍ରଦା,କିରଣ ଖେର,ମଧୁବାଲା ଆଦି ଅଭିନେତ୍ରୀ ପୂର୍ବରୁ ବିବାହିତ ଥିବା ବ୍ୟକ୍ତିଙ୍କ ହାତ ଧରିଥିଲେ। ହେଲେ ସେମାନଙ୍କ ମଧ୍ୟରୁ ଅନେକ ଆଜିବି ନିସନ୍ତାନ ଅଛନ୍ତି। ଆସନ୍ତୁ ସେମାନଙ୍କ ବିଷୟରେ ଜାଣିବା:
ଅଭିନେତ୍ରୀରୁ ରାଜନେତା ପାଲଟିଥିବା ଜୟା ପ୍ରଦା ପ୍ରଯୋଜକ ଶ୍ରୀକାନ୍ତ ନହାଟାଙ୍କୁ ବିବାହ କରିଥିଲେ। ଶ୍ରୀକାନ୍ତ ପୂର୍ବରୁ ବିବାହିତ ଥିଲେ। ପ୍ରଥମ ସ୍ତ୍ରୀଙ୍କଠାରୁ ତାଙ୍କର ୩ ସନ୍ତାନ ଥିଲା। ସ୍ତ୍ରୀଙ୍କୁ ଛାଡ଼ପତ୍ର ନ ଦେଇ ସେ ଜୟାପ୍ରଦାଙ୍କୁ ବିବାହ କରିନେଇଥିଲେ। ଏହି ବିବାହରୁ ଜୟା ପ୍ରଦାଙ୍କ କୌଣସି ସନ୍ତାନ ହୋଇ ନ ଥିଲା। କିଛି ବର୍ଷ ପରେ ଉଭୟଙ୍କ ସମ୍ପର୍କ ମଧ୍ୟ ତୁଟିଯାଇଥିଲା।
କିରଣ ଖେର ପୂର୍ବରୁ ବିବାହିତ ଅନୁପମ ଖେରଙ୍କୁ ବିବାହ କରିଥିଲେ। ଏହି ବିବାହରୁ କିରଣଙ୍କର କୌଣସି ସନ୍ତାନ ନାହିଁ। ହେଲେ ପୂର୍ବ ବିବାହରୁ କିରଣଙ୍କର ଏକ ପୁଅ ଥିଲା। ଅନୁପମଙ୍କୁ ବିବାହ କରିବା ପରେ ସେ ଦ୍ୱିତୀୟ ସନ୍ତାନ ଚାହିଁ ନ ଥିଲେ।
ମଧୁବାଲା ଗୋଟିଏ ସନ୍ତାନର ବାପା କିଶୋର କୁମାରଙ୍କୁ ବିବାହ କରିଥିଲେ। ହେଲେ ହୃଦରୋଗ କାରଣରୁ ସେ କେବେ ବି ମା’ ହୋଇପାରି ନ ଥିଲେ।
ସଙ୍ଗୀତା ବିଜଲାନୀ ଦୁଇ ସନ୍ତାନର ପିତା କ୍ରିକେଟର ମହମ୍ମଦ ଆଜାରୁଦ୍ଦିନଙ୍କୁ ବିବାହ କରିଥିଲେ। ଉଭୟ ୧୦ ବର୍ଷ ଧରି ଏକାଠି ରହିବା ପରେ ଛାଡ଼ପତ୍ର ନଦେଇ ଅଲଗା ହୋଇଯାଇଥିଲେ। ଏହି ବିବାହରୁ ସଙ୍ଗୀତାଙ୍କର କୌଣସି ସନ୍ତାନ ନାହିଁ।
ଶବାନା ଆଜମୀ ଛାଡ଼ପତ୍ର ପାଇଥିବା ଜାଭେଦ ଅଖତରଙ୍କ ହାତ ଧରିଥିଲେ। ଜାଭେଦଙ୍କ ପ୍ରଥମ ସ୍ତ୍ରୀଙ୍କଠାରୁ ୨ ସନ୍ତାନ ରହିଥିଲେ। ଶବାନା ଜାଭେଦଙ୍କ ସହ ବିବାହରେ ସନ୍ତାନ ଜନ୍ମ କରି ନ ଥିଲେ।
