ବର୍ମିଂହମ, ୧୦।୬: ଟେଷ୍ଟ କ୍ରିକେଟରେ ସର୍ବାଧିକ ଉଇକେଟ ହାସଲକାରୀ ବୋଲରଙ୍କ ତାଲିକାରେ ୬୧୯ ଉଇକେଟ ସହ ତୃତୀୟ ସ୍ଥାନରେ ରହିଛନ୍ତି ପୂର୍ବତନ ଭାରତୀୟ ଅଧିନାୟକ ଅନିଲ କୁମ୍ବଲେ। ତାଙ୍କୁ ପଛରେ ପକାଇବା ପାଇଁ ଇଂଲଣ୍ଡର କିମ୍ବଦନ୍ତୀ ପେସର ଜେମ୍ସ ଆଣ୍ଡରସନଙ୍କୁ ମାତ୍ର ୪ ଉଇକେଟ ଦରକାର। ୧୬୧ ଟେଷ୍ଟ ଖେଳିଥିବା ଆଣ୍ଡରସନଙ୍କ ନାମରେ ରହିଛି ୬୧୬ ଉଇକେଟ। ବର୍ତ୍ତମାନ ବର୍ମିଂହମଠାରେ ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ଦ୍ୱିତୀୟ ଟେଷ୍ଟରେ ୩୮ ବର୍ଷୀୟ ଆଣ୍ଡରସନ ଏହି ରେକର୍ଡ ଭାଙ୍ଗି ପାରନ୍ତି।
ଉଲ୍ଲେଖଯୋଗ୍ୟ, ପେସରଙ୍କ ମଧ୍ୟରେ ଆଣ୍ଡରସନଙ୍କ ନାମରେ ରହିଛି ସର୍ବାଧିକ ଉଇକେଟ ନେବାର ରେକର୍ଡ। ତେବେ ଟେଷ୍ଟ କ୍ରିକେଟ ଇତିହାସରେ ଶ୍ରୀଲଙ୍କାର ମୁଥିଆ ମୁରଲିଧରଣ ସର୍ବାଧିକ ୮୦୦ ଉଇକେଟ ନେଇଛନ୍ତି। ତାଙ୍କ ପଛକୁ ୭୦୮ ଉଇକେଟ ସହ ଦ୍ୱିତୀୟ ସ୍ଥାନରେ ରହିଛନ୍ତି ଅଷ୍ଟ୍ରେଲିଆର ଶେନ ଓ୍ବର୍ନ।
