Posted inଜାତୀୟ

କଂଗ୍ରେସ ସ୍ଥାନରେ ପହଞ୍ଚିବାକୁ ଏଏପିକୁ ଲାଗିବ ୨୦ ବର୍ଷ, କହିଲେ ପ୍ରଶାନ୍ତ…

ନୂଆଦିଲ୍ଲୀ, ୩୦।୩ : ପଞ୍ଜାବ ବିଧାନସଭା ନିର୍ବାଚନରେ ଏକପାଖିଆ ବିଜୟ ପରେ ଆମ ଆଦମୀ ପାର୍ଟି(ଏଏପି) ଜାତୀୟ ସ୍ତରରେ ପାଦ ବିସ୍ତାର କରିବା ଆରମ୍ଭ କରିଛି। ଚଳିତ ବର୍ଷ ଗୁଜୁରାଟ ଏବଂ ହିମାଚଳ ପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନରେ ଏବେ ଦଳର ରଣନୀତିଜ୍ଞମାନେ ବ୍ୟସ୍ତ ଅଛନ୍ତି। ଦେଶରେ କଂଗ୍ରେସର ସ୍ଥାନ ହାସଲ କରିବା ପାଇଁ ଦଳର ପ୍ରୟାସ ଜାରି ରହିଛି। ଏପରିସ୍ଥଳେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର କହିଛନ୍ତି ଯେ, କଂଗ୍ରେସ ସ୍ଥାନ ନେବାକୁ ଏଏପିକୁ ୨୦ ବର୍ଷ ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିବ ।

ପରିସଂଖ୍ୟାନ ସହିତ ପ୍ରଶାନ୍ତ କିଶୋର ଏହାକୁ ବୁଝାଇଛନ୍ତି। ଏକ ସାକ୍ଷାତ୍‌କାରରେ ପ୍ରଶାନ୍ତ କିଶୋର କହିଛନ୍ତି ଯେ କେନ୍ଦ୍ରରେ ଶାସକ ଭାଜପା ସହିତ ପ୍ରତିଦ୍ୱନ୍ଦ୍ୱିତା କରିବା ପାଇଁ ଆମ ଆଦମୀ ପାର୍ଟିକୁ ବହୁ ସମୟ ଅପେକ୍ଷା କରିବାକୁ ପଡିବ। ସେ କହିଛନ୍ତି ଯେ ଭାଜପା ସମକ୍ଷକ ହେବାକୁ ଏଏପିକୁ ୧୫ ରୁ ୨୦ବର୍ଷ ପର୍ଯ୍ୟନ୍ତ ଅପେକ୍ଷା କରିବାକୁ ପଡିପାରେ। ସେ କହିଛନ୍ତି ଯେ ୨୦୧୯ ଲୋକସଭା ନିର୍ବାଚନରେ ଏଏପି ମୋଟ ୨୭ ଲକ୍ଷ ଭୋଟ ପାଇଛି। ଏଥିସହ ସେ କହିଛନ୍ତି ଯେ କେନ୍ଦ୍ରରେ ପ୍ରତିଦ୍ୱନ୍ଦିତା କରିବା ପାଇଁ କୌଣସି ଦଳ ପାଇଁ ୨୦ କୋଟିରୁ ଅଧିକ ଭୋଟ ଆବଶ୍ୟକ। ଏଭଳି ପରିସ୍ଥିତିରେ ଏଏପିକଚ ୨୭ ଲକ୍ଷରୁ ୨୦ କୋଟି ଭୋଟରେ ଯାତ୍ରା କରିବାକୁ ଆଉ ୧୫ରୁ୨୦ ବର୍ଷ ସମୟ ଲାଗିବ। ତେବେ ଏଏପି ଭାଜପାକୁ କ୍ଷମତାରୁ ହଟାଇବା ସ୍ଥିତିରେ ରହିବ।

ସେ କହିଛନ୍ତି ଯେ ନିର୍ବାଚନ ଏକ ଚମତ୍କାର ନୁହେଁ, ଯାହା ରାତାରାତି ଘଟିବ। ପ୍ରଶାନ୍ତ କହିଛନ୍ତି ଗୋଟିଏ କିମ୍ବା ଦୁଇଟି ରାଜ୍ୟରେ ଜିତିବା ଏକ ଭିନ୍ନ କଥା ହୋଇପାରେ କିନ୍ତୁ ଲୋକସଭା ନିର୍ବାଚନରେ ଜିତିବା ସମ୍ପୂର୍ଣ୍ଣ ଅଲଗା। ପ୍ରଶାନ୍ତ କହିଛନ୍ତି କେବଳ ଭାଜପା ଏବଂ କଂଗ୍ରେସ ହେଉଛି ଜାତୀୟ ଦଳ।

ସେ କହିଛନ୍ତି ଯେ ନିୟମ ଆଧାରରେ ଯେକୌଣସି ଦଳ ଜାତୀୟ ଦଳର ମାନ୍ୟତା ପାଇପାରିବେ, କିନ୍ତୁ ଲୋକସଭା ନିର୍ବାଚନରେ ଜିତିବା ଏବଂ କେନ୍ଦ୍ରର କ୍ଷମତା ଦଖଲ କରିବା ଏକ ଭିନ୍ନ ପ୍ରସଙ୍ଗ। ଭାରତୀୟ ଗଣତନ୍ତ୍ର ଇତିହାସରେ ଏପର୍ଯ୍ୟନ୍ତ କେବଳ କଂଗ୍ରେସ ଏବଂ ଭାଜପା ସମଗ୍ର ଦେଶର ଦଳ ହୋଇପାରିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଏହାର ଅର୍ଥ ନୁହେଁ ଯେ ଅନ୍ୟ କୌଣସି ଦଳ ଏପରି ସ୍ଥିତି ହାସଲ କରିପାରିବେ ନାହିଁ, କିନ୍ତୁ ଏହାକୁ ଅତି କମରେ ୧୫ରୁ ୨୦ବର୍ଷ ପର୍ଯ୍ୟନ୍ତ ଚେଷ୍ଟା କରିବାକୁ ପଡିବ।

ଏହି ପରିବର୍ତ୍ତନଗୁଡ଼ିକ ରାତାରାତି ଘଟି ନଥାଏ। ଆଜିର ସ୍ଥିତିକୁ ଆସିବାକୁ ଭାଜପାକୁ ୫୦ ବର୍ଷ ଲାଗିଛି। ୨୯୭୮ରେ ଭାଜପା ପ୍ରୟାସ ଆରମ୍ଭ କରିଥିଲା। ବହୁ ବର୍ଷ ପରେ ଦଳକୁ ଏକ ମେଣ୍ଟ ସରକାର ଗଠନ କରିବାରେ ସଫଳତା ମିଳିଥିଲା। ୨୦୧୯ ଲୋକସଭା ନିର୍ବାଚନରେ ଭାଜପା ବମ୍ପର ଭୋଟ ପାଇଥିଲା। ୨୦୧୪ ଲୋକସଭା ନିର୍ବାଚନ ତୁଳନାରେ ୨୦୧୯ ଲୋକସଭା ନିର୍ବାଚନରେ ଭାଜପା ଜନସାଧାରଣଙ୍କ ସମର୍ଥନ ହାସଲ କରିଛି। ନିର୍ବାଚନ ଆୟୋଗଙ୍କ ତଥ୍ୟ ଅନୁଯାୟୀ ୨୦୧୪ ସାଧାରଣ ନିର୍ବାଚନରେ ଭାଜପା ୧୭.୧୬ କୋଟି ଭୋଟ ପାଇଛି। ଏଥି ସହିତ, ୨୦୧୯ ସାଧାରଣ ନିର୍ବାଚନରେ ଏହା ୨୨.୯୦ କୋଟିକୁ ବୃଦ୍ଧି ପାଇଛି। ୨୦୧୯ ରେ ଉତ୍ତରପ୍ରଦେଶ ୪.୨୮ କୋଟି, ପଶ୍ଚିମବଙ୍ଗ ରେ ୨.୩୦ କୋଟି, ମଧ୍ୟପ୍ରଦେଶରେ ୨.୧୪ କୋଟି, ରାଜସ୍ଥାନରେ ୧.୯୦ କୋଟି, ଗୁଜୁରାଟରେ ୧.୮୦ କୋଟି ଏବଂ ମହାରାଷ୍ଟ୍ରରେ ୧.୪୯ କୋଟି ଭୋଟ ଭାଜପା ଖାତାକୁ ଯାଇଛି।

ଭୋଟ ଦୃଷ୍ଟିରୁ କଂଗ୍ରେସ ଦ୍ୱିତୀୟ ନମ୍ବର ଦଳ ରହିଛି। ୨୦୧୯ ସାଧାରଣ ନିର୍ବାଚନରେ କଂଗ୍ରେସ ପ୍ରାୟ୧୨ କୋଟି ଭୋଟ ପାଇଥିଲା। ୨୦୧୪ ଲୋକସଭା ନିର୍ବାଚନରେ ଏହା ୧୯.୩ ପ୍ରତିଶତଥିଲା। ୨୦୧୯ ନିର୍ବାଚନରେ କଂଗ୍ରେସର ଭୋଟ ପ୍ରତିଶତ ୧୯.୫ ପ୍ରତିଶତକୁ ବୃଦ୍ଧି ପାଇଛି। ଅର୍ଥାତ୍‌ ୨୦୧୯ ନିର୍ବାଚନରେ କଂଗ୍ରେସ ୨୦୧୪ ତୁଳନାରେ ଏକ କୋଟି ୨୫ ଲକ୍ଷରୁ ଅଧିକ ଭୋଟ ପାଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶତକ ଡେଇଁଲା ଟମାଟୋ

ନୂଆଦିଲ୍ଲୀ,୧୭।୧୦: ଦିନକୁ ଦିନ ଅନେକ ସାମଗ୍ରୀର ଦର ଆକାଶ ଛୁଆଁ ହେବାରେ ଲାଗିଛି। ପେଟ୍ରୋଲ,ଡିଜେଲ, ଇନ୍ଧନ ଗ୍ୟାସ ପରି ଏବେ ଟମାଟୋ ଓ ପିଆଜର ଦର...

ଦିଲ୍ଲୀର ଡିଜିଏଚ୍‌ଏସ୍‌ କୋଠାରେ ଭୟାବହ ଅଗ୍ନିକାଣ୍ଡ

ନୂଆଦିଲ୍ଲୀ,୫।୭: ଦିଲ୍ଲୀର କାରକାରଦୁମା ଅଞ୍ଚଳରେ ଡାଇରେକ୍ଟୋରେଟ ଜେନେରାଲ ଅଫ୍‌ ହେଲ୍‌ଥ ସର୍ଭିସ (ଡିଜିଏଚ୍‌ଏସ୍‌) କାର୍ଯ୍ୟାଳୟ ଥିବା ସୁଉଚ୍ଚ ଅଟାଳିକାରେ ଶୁକ୍ରବାର ଅପରାହ୍ନରେ ଅଗ୍ନିକାଣ୍ଡ ଘଟିଛି। ନିଆଁକୁ...

ତେଲର ବିଜ୍ଞାପନ ପାଇଁ ବଲିଉଡ୍‌ ଅଭିନେତାଙ୍କ ଉପରେ ୨୦ ହଜାର ଟଙ୍କା ଜରିମାନା

ମୁମ୍ବାଇ,୨୫।୧୧: ବଲିଉଡ୍‌ ଅଭିନେତା ଗୋବିନ୍ଦା ଓ ଜ୍ୟାକି ଶ୍ରଫ ଦରଜ ଭଲ ହେବା ତେଲର ଏକ ବିଜ୍ଞାପନରେ କାମ କରିଥିଲେ। ହେଲେ ଏବେ ଏହା ତାଙ୍କୁ...

ଗାନ୍ଦରବଲ୍‌ରେ ସୁରକ୍ଷାକର୍ମୀଙ୍କ ଏନ୍‌କାଉଣ୍ଟର: ୩ ଆତଙ୍କବାଦୀ ନିହତ

ଶ୍ରୀନଗର,୨୮।୯: ଜମ୍ମୁ-କଶ୍ମୀର ଗାନ୍ଦରବଲରେ ସୁରକ୍ଷାକର୍ମୀଙ୍କ ଏନ୍‌ କାଉଣ୍ଟରରେ ୩ ଆତଙ୍କବାଦୀ ନିହତ ହୋଇଛନ୍ତି। ସ୍ଥାନୀୟ ନାରାନାଦ ଜଙ୍ଗଲରେ କିଛି ଆତଙ୍କବାଦୀ ଲୁଚିଥିବା ଖବର ପାଇ ସୁରକ୍ଷାକର୍ମୀ...

୧.୩୪ କୋଟି ଅତିକ୍ରମ କଲାଣି କରୋନା ଟିକାକରଣ

ନୂଆଦିଲ୍ଲୀ,୨୬ ।୨: କରୋନା ମହାମାରୀକୁ ଏଡାଇବା ପାଇଁ ଦେଶରେ ଆରମ୍ଭ କରାଯାଇଥିବା ଟିକାକରଣ ସଫଳତାର ସହ ଆଗେଇ ଚାଲିଛି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର...

ଆହତ ଯାତ୍ରୀଙ୍କୁ ବଞ୍ଚାଇବା ପାଇଁ ଓଲଟା ଟ୍ରେନ୍‌ ଚଳାଇଲେ ଲୋକୋ ପାଇଲଟ

ମୁମ୍ବାଇ,୭।୨: ଜଣେ ଯାତ୍ରୀଙ୍କ ଜୀବନ ବଞ୍ଚାଇବାକୁ ଯାଇ ଲୋକୋ ପାଇଲଟ ଓଲଟା ଟ୍ରେନ୍‌ ଚଳାଇଥିବା ଦେଖିବାକୁ ମିଳିଛି। ପ୍ରାୟ ଅଧ କିଲୋମିଟର ପର୍ଯ୍ୟନ୍ତ ଲୋକୋ ପାଇଲଟ...

ମାଗଣାରେ ଜମି ନେଇଛ, ଚିକିତ୍ସା ପାଇଁ ଟଙ୍କା ମାଗୁଛ

ନୂଆଦିଲ୍ଲୀ,୨୮ା୫(ପି.ଟି.): ସରକାରଙ୍କଠାରୁ ମାଗଣାରେ ଜମି ନେଇ ପ୍ରତିଷ୍ଠା କରାଯାଇଥିବା ଘରୋଇ ହସ୍ପିଟାଲଗୁଡ଼ିକରେ କରୋନା ରୋଗୀଙ୍କୁ କାହିଁକି ମାଗଣାରେ ଚିକିତ୍ସା କରାଯିବ ନାହିଁ। ଦେଶରେ କୋଭିଡ୍‌-୧୯ ସଂକ୍ରମଣ...

ଦିନେ କମିଲେ ପୁଣି ବଢୁଛି…

ନୂଆଦିଲ୍ଲୀ,୯।୯: ଦେଶରେ କରୋନା ମହାମାରୀ ସଂକ୍ରମଣର ଦ୍ୱିତୀୟ ଲହର ପରେ ଏବେ ତୃତୀୟ ଲହର ଆରମ୍ଭ ହୋଇଥିବା କୁହାଯାଉଛି। ଫଳରେ ଲୋକେ ଆତଙ୍କିତ ହେବାରେ ଲାଗିଛନ୍ତି।...

Advertisement
Archives

Model This Week