ଭଞ୍ଜନଗର,୯।୭(ବାବୁଲା ପ୍ରଧାନ):ଗଞ୍ଜାମ ଜିଲା ଭଞ୍ଜନଗର ଉପଖଣ୍ଡ ପ୍ରଶାସନ ପକ୍ଷରୁ ଏସ.ଆଇ.ଆର୍ ୨୦୨୬ ଉପରେ ଅଧିକରୁ ଅଧିକ ସଚେତନତା କାର୍ଯ୍ୟକ୍ରମ କରାଯାଉଛି। ଏହାଦ୍ୱାରା ଲୋକେ ଭୋଟର ତାଲିକା ଉପରେ ଜାଣିବେ। ଏଥିସହ ନିର୍ଭୁଲ ଭୋଟର ତାଲିକା ପ୍ରସ୍ତୁତ ହୋଇପାରିବ। ତେଣୁ ଉପଖଣ୍ଡ ପ୍ରଶାସନ ପକ୍ଷରୁ ନିର୍ବାଚନ ସାକ୍ଷରତା କ୍ଲବ ସମେତ ବିଭିନ୍ନ ଅନୁଷ୍ଠାନ ସହାୟତାରେ ସଚେତନତା କାର୍ଯ୍ୟକ୍ରମ କରାଯାଉଛି । ନବାଗତ ଭୋଟର ଏବଂ କଲେଜ ଛାତ୍ରୀଛାତ୍ରଙ୍କୁ ସୱତନ୍ତ୍ର ଦୃଷ୍ଟିରେ ରଖି ସଚେତନତା କରାଯାଉଛି ।
ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ, ସୋରଡ଼ା, ଆସିକା, କ୍ଷତ୍ରୀୟବରପୁର, ବେଲ ଗୁଣ୍ଠା, ବୁଗୁଡ଼ା, ଜଗନ୍ନାଥ ପ୍ରସାଦ, ଶେରଗଡ, ବାଲିପଦର୍, ବଡ଼ଗଡ଼, ଧରାକୋଟ, କେନ୍ଦୂପଦର, ଗାଲେରୀ ପ୍ରମୁଖ ଅଞ୍ଚଳରେ ଥିବା କଲେଜ ଗୁଡିକରେ ସଚେତନତା କରାଯାଉଛି।
ଏହିଭଳି ମଙ୍ଗଳବାର ନିକଟସ୍ଥ ବିଡ଼ିପୁର୍ ସ୍ଥିତ ତେନ୍ତୁଳିଆ ଶାସନ ଦେବସ୍ଥାନ ମହାବିଦ୍ୟାଳୟରେ ନିର୍ବାଚନ ସାକ୍ଷରତା କ୍ଲବ (ELC) ପକ୍ଷରୁ ଏସ.ଭି.ଇ.ଇ.ପି. ଜରିଆରେ ସ୍ବତନ୍ତ୍ର ସଘନ ସଂସୋଧନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ଆୟୋଜିତ ହୋଇଯାଇଛି। ଭଞ୍ଜନଗର ଉପଜିଲାପାଳ ତଥା ନିର୍ବାଚନ ପଞ୍ଜୀକରଣ ଅଧିକାରୀ (ଇ.ଆର୍.ଓ.) ଉମାଶଙ୍କର ବେହେରା ଏଥିରେ ଅଧ୍ୟକ୍ଷତା କରି ଏସ.ଆଇ.ଆର୍.-୨୦୨୬ର ଉଦ୍ଦେଶ୍ୟ, ଭୋଟର ତାଲିକାରେ ଯୋଗ୍ୟ ମତଦାତାଙ୍କ ନାମ ଯୋଡିବା, ତ୍ରୁଟି ସଂଶୋଧନ ଏବଂ ଗଣତାନ୍ତ୍ରିକ ପ୍ରକ୍ରିୟାରେ ଯୁବପିଢ଼ି ମତଦାନରେ ସକ୍ରିୟ ଅଂଶ ଗ୍ରହଣ ଉପରେ କହିଥିଲେ। ଛାତ୍ରୀଛାତ୍ରମାନେ ନିଜେ ସଚେତନ ହେବାସହ ଅନ୍ୟମାନଙ୍କୁ ସଚେତନତା ୍ଯଯଯ କରିବାକୁ ଉପଜିଲାପାଳ ଶ୍ରୀ ବେହେରା ଆହ୍ବାନ କରିଥିଲେ।
ଏହି ଅବସରରେ ଛାତ୍ରୀଛାତ୍ରଙ୍କ ମଧ୍ୟରେ କୁଇଜ ଏବଂ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା। ଏହାପରେ ସେମାନଙ୍କୁ ପୁରସ୍କୃତ କରାଯାଇଥିଲା। ସ୍ବତନ୍ତ୍ର ସଘନ ସଂଶୋଧନ(ଏସ.ଆଇ.ଆର୍.-
୨୦୨୬) ପ୍ରକ୍ରିୟା, ଚିଠା ଭୋଟର ତାଲିକାରେ ନିଜ ନାମ ଯାଞ୍ଚ, ଦାବି ଓ ଆପତ୍ତି ଦାଖଲ କେନ୍ଦ୍ର ସମ୍ପର୍କିତ ସୂଚନା ଏବଂ ଏସ.ଆଇ.ଆର୍.ର ଅନ୍ୟାନ୍ୟ ଦିଗ ବିଷୟରେ ଉପସ୍ଥିତ
ଛାତ୍ରୀଛାତ୍ରଙ୍କୁ ସଚେତନ କରାଯିବା ସହ ଗଣତାନ୍ତ୍ରିକ ପ୍ରକ୍ରିୟାରେ ସକ୍ରିୟ ଭାଗୀଦାର ହେବା ସହ ଯୋଗ୍ୟ ମତଦାତା ଭାବେ ନିଜର କର୍ତ୍ତବ୍ୟ ପାଳନ କରିବାକୁ ଅନ୍ୟ ଅତିଥି ମାନେ ଆହୱାନ କରିଥିଲେ। ସଚେତନତା କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଡେପୁଟୀ କଲେକ୍ଟର (ଇଲେକ୍ସନ) ଭଞ୍ଜନଗର ରଚିତା ମହାପାତ୍ର, ଜଗନ୍ନାଥପ୍ରସାଦ ତହସିଲଦାର ତଥା ସହକାରୀ ନିର୍ବାଚନ ପଞ୍ଜୀକରଣ ଅଧିକାରୀ (ଏ.ଇ.ଆର୍.ଓ.) ଅଶୋକ କୁମାର ମୁଦୁଲି, ମହାବିଦ୍ୟାଳୟର ଅଧ୍ୟାପକ-ଅଧ୍ୟାପିକା , କର୍ମଚାରୀ ଏବଂ ବହୁ ସଂଖ୍ୟକ ଛାତ୍ରଛାତ୍ରୀ ଉପସ୍ଥିତ ଥିଲେ।
Dharitri – Odisha’s No.1 Odia Daily
