ହିତାଧିକାରୀଙ୍କ ଆବାସ ଘର ଚୋରି

ନୟାଗଡ଼ ଅଫିସ,୨୦।୧୦: ନୟାଗଡ଼ ଜିଲା ଖଣ୍ଡପଡ଼ା ବ୍ଲକ କୁମ୍ଭାରପଡ଼ା ପଞ୍ଚାୟତ କୁମ୍ଭାରପଡ଼ା ମଙ୍ଗଳାମନ୍ଦିର ନିକଟସ୍ଥ ଦଳିତସାହିରେ ଆବାସ ଯୋଜନା ଘର ଚୋରି ହୋଇଥିବା ଅଭିଯୋଗ ହୋଇଛି । ଲାଞ୍ଚ ନ ଦେବାରୁ ଜଣେ ହିତାଧିକାରୀଙ୍କୁ ଏହି ଯୋଜନାରେ ମିଳିଥିବା କାର୍ଯ୍ୟାଦେଶ ଅନ୍ୟ ଜଣଙ୍କୁ ପ୍ରଦାନ କରାଯାଇଥିବା ଅଭିଯୋଗ ଉଠିଛି । ତେବେ ପ୍ରଶାସନ ପକ୍ଷରୁ ସମ୍ପୃକ୍ତ ହିତାଧିକାରୀଙ୍କୁ ଆବାସ ଯୋଜନାର ନାମ ଫଳକ ମିଳିବା ପରେ ଏହି ଦୁର୍ନୀତି ସାମ୍‌ନାକୁ ଆସିଛି । ଫଳକ ମିଳିବା ପରେ ହିତାଧିକାରୀ ଜିଲାପାଳ, ବିଡିଓଙ୍କୁ ଏ ସଂକ୍ରାନ୍ତରେ ଜଣାଇ ଥିଲେ ମଧ୍ୟ ସୁଫଳ ମିଳୁନି । ପ୍ରଶ୍ନ ଉଠୁଛି କାର୍ଯ୍ୟାଦେଶ ନ ଦେଇ କାହିଁକି ଆବାସ ଯୋଜନା ଫଳକ ଦିଆଗଲା । ଏହି ଅନିୟମିତତାର ତଦନ୍ତ ହେଉ ନ ଥିବାରୁ ଯୋଜନାର ସ୍ବଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି କରିଛି । କୁମ୍ଭାରପଡ଼ା ଦଳିତ ସାହିର ରୀନାରାଣୀ ନାୟକଙ୍କ ଅଭିଯୋଗ ଅନୁଯାୟୀ, ଆବାସ ଯୋଜନାରେ ଘରଟିଏ ପାଇବା ପାଇଁ ଜନ ପ୍ରତିନିଧି, ବିଡିଓ, ଜିଲାପାଳଙ୍କୁ ସେ ଗୁହାରୀ କରି ଆସୁଥିଲେ । ହେଲ ଦାୟିତ୍ୱରେ ଥିବା କର୍ମଚାରୀଙ୍କୁ ଲାଞ୍ଚ ନ ଦେବାରୁ ତାଙ୍କୁ ଘର ମିଳି ପାରି ନ ଥିଲା । ତାଙ୍କ ଦୁଃଖ ମଧ୍ୟ କେହି ଶୁୁଣି ନ ଥିଲେ । ହେଲେ ୨୦୨୧ ଆର୍ଥିକ ବର୍ଷରେ ଖଣ୍ଡପଡ଼ା ବ୍ଲକ ପ୍ରଶାସନର କେତେଜଣ କର୍ମଚାରୀ ତାଙ୍କ ଘରକୁ ଆସି ଆବାସ ଯୋଜନାର ଏକ ଫଳକ ମାରିବା ପାଇଁ ରୀନାଙ୍କୁ କହିଥିଲେ । ରୀନା କହିଥିଲେ ଆମକୁ କାର୍ଯ୍ୟାଦେଶ ମିଳିନି, ଆମେ ଘର ପାଇନୁ । ଘର କରିଛୁ ବୋଲି କିପରି ଫଳକ ମାରିବୁ । ହେଲେ ନାମ ଫଳକ ଲଗାଇବାକୁ ଆସିଥିବା କର୍ମଚାରୀମାନେ ରୀନାଙ୍କ କଥା ବୁଝି ପାରି ନ ଥିଲେ । ସେମାନଙ୍କ ଯୁକ୍ତି ଥିଲା ରୀନାରାଣୀଙ୍କ ନାମରେ ଆବାସ ଯୋଜନା କାର୍ଯ୍ୟାଦେଶ ମଞ୍ଜୁର ହୋଇଛି । ରୀନାରାଣୀ ଘର କରିଛନ୍ତି ବୋଲି ରିପୋର୍ଟ କହୁଛି । ହେଲେ ଘର ନ ଥିବାରୁ ନାମ ଫଳକ କେଉଁଠି ଲଗାଇବି ବୋଲି ରୀନାରାଣି ସେମାନଙ୍କୁ ପ୍ରଶ୍ନ କରି ଥିଲେ । ଏହା ପରେ ସେମାନେ ଫଳକ ଦେଇ ଚାଲି ଯାଇଥିଲେ । ରୀନାରାଣୀ ସେଦିନଠାରୁ ଫଳକ ଧରି ଘରେ ବସିଛନ୍ତି ।

ରୀନାରାଣୀଙ୍କ ଅଭିଯୋଗକୁ ଅନୁଧ୍ୟାନ କଲେ ଏହା ପଛରେ ଏକ ର଼୍ୟାକେଟ କାମ କରୁଥିଲା ପରି ଲାଗୁଛି । କାର୍ଯ୍ୟାଦେଶ ନ ଦେଇ, ଘର ନ ଥାଇ କାହିଁକ ବ୍ଲକ ପ୍ରଶାସନ ଆବାସ ଯୋଜନାର ଫଳକ ଧରାଇଲା । ପୁଣି ଫଳକରେ ନାମ, ଠିକଣା, କେଉଁ ବର୍ଷର କାର୍ଯ୍ୟାଦେଶ ତାଙ୍କୁ ମିଳିଛି ତାହା ଉଲ୍ଲେଖ ନାହିଁ । ତେବେ ଇନ୍ଦିରା ଆବାସ ଯୋଜନା/ବିଜୁ ପକ୍କାଘର ଯୋଜନା ଓ ଓଡିଶା ସରକାରଙ୍କ ଲୋଗୋ ରହିଛି । ତଥ୍ୟ ଥିଲେ ଏହି ଦୁର୍ନୀତିର ତଦନ୍ତ କରିବା ସୁବିଧା ହୋଇଥାନ୍ତା । ଅନ୍ୟପକ୍ଷେ ରୀନାରାଣୀଙ୍କ ଅଭିଯୋଗକୁ ପ୍ରଶାସନ ଅବହେଳା କରି ଚାଲିଥିବାରୁ ଏହାର ସ୍ବଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏନେଇ ଜିଲାପାଳ ରବୀନ୍ଦ୍ର ସାହୁ କୁହନ୍ତି, ମୁଁ ବୁଧବାର କାର୍ଯ୍ୟରେ ଯୋଗ ଦେଇଛି । ତେବେ ଘଟଣାର ତଦନ୍ତ କରି ହିତାଧିକାରୀ ନ୍ୟାୟ ପାଇବାକୁ ଗୁରୁତ୍ୱ ଦେବି । ଜିଲା ପରିଷଦର ନିର୍ବାହୀ ଅଧିକାରୀ ସୁବାସ ଚନ୍ଦ୍ର ରାୟଙ୍କ ପ୍ରତିକ୍ରିୟା ନେବାକୁ ତାଙ୍କ ସହିତ ଫୋନରେ ଯୋଗାଯୋଗ କରାଯାଇଥିଲାା ହେଲେ ସେ ଫୋନ୍‌ ଉଠାଇ ନ ଥିଲେ। ଜିଲା ପରିଷଦ ଚେୟାରମ୍ୟାନ ଦେବାଶିଷ ପଟ୍ଟନାୟକ କହିଛନ୍ତି, ଆବାସ ଯୋଜନାରେ ଦୁର୍ନୀତି ହୋଇଛି କି ନାହିଁ ତଦନ୍ତ ପରେ ଜଣାପଡିବ । ମୁଁ ନିଜେ କୁମ୍ଭାରପଡ଼ା ଦଳିତସାହିକୁ ଯାଇ ଘଟଣାର ତଦନ୍ତ କରିବି । ତଦନ୍ତ ପରେ ଅଭିଯୋଗର ସତ୍ୟାସତ୍ୟ ଜଣାପଡିଲେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ ସୂଚନା ଦେଇଥିଲେ ।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?