ପୁଣେ,୨୯।୪: ଆଇପିଏଲ୍-୨୦୨୨ର ହାଇଭୋଲ୍ଟେଜ୍ ମ୍ୟାଚ୍ ଶୁକ୍ରବାର ଲକ୍ଷ୍ନୌ ସୁପର ଜିଆଣ୍ଟ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଉଛି। ଏଥିରେ କ୍ୱିଣ୍ଟନ ଡି’କକଙ୍କ ୪୬ ଓ ଦୀପକ ହୁଡ୍ଡାଙ୍କ ୩୪ ରନ ବଳରେ ଲକ୍ଷ୍ନୌ ର୍ନିଦ୍ଧାରିତ ୨୦ ଓଭରରେ ୮ ଉଇକେଟ ହରାଇ ୧୫୩ ରନ ସଂଗ୍ରହ କରିଛି। ଫଳରେ ଜିତିବା ପାଇଁ ପଞ୍ଜାବକୁ ୧୫୪ ରନ୍ର ଟାର୍ଗେଟ ମିଳିଛି। ମ୍ୟାଚ୍ରେ ପଞ୍ଜାବ ପକ୍ଷରୁ କାଗିସୋ ରାବାଡା ଜବରଦସ୍ତ ବୋଲିଂ କରି ୪ ଉଇକେଟ ନେଇଛନ୍ତି।
ପୁଣେର ମହାରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚ୍ରେ ପଞ୍ଜାବ ଅଧିନାୟକ ମୟଙ୍କ ଅଗ୍ରୱାଲ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ। ମ୍ୟାଚ୍ରେ ପଞ୍ଜାବ ଟିମ୍ରେ କୌଣସି ପରିବର୍ତ୍ତନ ହୋଇନାହିଁ। ଅପରପକ୍ଷେ ଲକ୍ଷ୍ନୌ ଟିମ୍ରେ ମନୀଷ ପାଣ୍ଡେଙ୍କ ସ୍ଥାନରେ ଆବେଶ ଖାନଙ୍କୁ ସୁଯୋଗ ମିଳିଛି।
