ନୂଆଦିଲ୍ଲୀ,୧୨।୮: ଏୟାର ଇଣ୍ଡିଆର ଫ୍ଲାଇଟରେ ଟରବୁଲେନ୍ସ ପରେ ଇଣ୍ଡିଗୋର ଫ୍ଲାଇଟ ଇଞ୍ଜିନ ଫେଲ ହେବାର ମାମଲା ସାମ୍ନାକୁ ଆସିଛି। ଉଭୟ ମାମଲାରେ ଫ୍ଲାଇଟ ଦୁର୍ଘଟଣାର ଶିକାର ହେବାରୁ ବର୍ତ୍ତି ଯାଇଛି। କିନ୍ତୁ ଦିଲ୍ଲୀ ଏୟାରପୋର୍ଟ ପରି ଆଜି ଚେନ୍ନାଇ ଏୟାରପୋର୍ଟରେ ମଧ୍ୟ ହଇଚଇ ସୃଷ୍ଟି ହୋଇଯାଇଥିଲା। ଏୟାରପୋର୍ଟ ଅଧିକାରୀମାନଙ୍କ ମଧ୍ୟରେ ଉତ୍ତେଜନା ସ୍ଥିତି ସୃଷ୍ଟି ହୋଇଥିଲା ଏବଂ ତରବରିଆ ଭାବେ ରନୱେ ଖାଲି କରାଇ ଆମ୍ବୁଲାନ୍ସ ଓ ଫାୟାର ବ୍ରିଗେଡ ମୁତୟନ କରାଯାଇଥିଲା। ଫୁଲ ସିକ୍ୟୁରିଟି ମଧ୍ୟରେ ଏୟାରପୋର୍ଟରେ ଫ୍ଲାଇଟର ସୁରକ୍ଷିତ ଲ୍ୟାଣ୍ଡିଂ ହେବା ପରେ ଯାତ୍ରୀ ଏବଂ ଏୟାରପୋର୍ଟ ଷ୍ଟାଫ ମଧ୍ୟ ଆଶ୍ୱସ୍ତି ହୋଇଥିଲେ। ପ୍ରୋଟୋକଲ ଅନୁସାରେ ଯାତ୍ରୀ ଏବଂ କ୍ରୁ ମେମ୍ବରମାନଙ୍କୁ ଉଦ୍ଧାର କରି ମେଡିକାଲ ଚେକ ଅପ ପାଇଁ ନିଆଯାଇଥିଲା।
ଏୟାରପୋର୍ଟସ ଅଥରିଟି ଅଫ ଇଣ୍ଡିଆ (AAI) ଅନୁଯାୟୀ, ଇଣ୍ଡିଗୋ ଫ୍ଲାଇଟ 6E-723 କୋଲକାତାରୁ ଚେନ୍ନାଇ ଆସୁଥିଲା। ବିମାନରେ ପ୍ରାୟ ୨୨୪ ଜଣ ଯାତ୍ରୀ ଓ କ୍ରୁ ସଦସ୍ୟ ଥିଲେ। ହେଲେ ରାତି ପ୍ରାୟ ସାଢ଼େ ୧୧ଟାରେ ଲ୍ୟାଣ୍ଡିଂ କରିବାର ଠିକ ପୂର୍ବରୁ ହଠାତ୍ ବିମାନଟି ଦୋହଲିବାକୁ ଲାଗିଥିଲା। ପାଇଲଟ ଯାଞ୍ଚ କରିବା ପରେ ବିମାନର ବାମ ଇଞ୍ଜିନରେ ତ୍ରୁଟି ଥିବା ଜଣାପଡ଼ିଥିଲା।
ପାଇଲଟ ଇଞ୍ଜିନ ଫେଲ ହୋଇଥିବା ନେଇ ATCକୁ ସୂଚନା ଦେବା ପରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା ଏବଂ ଇମର୍ଜେନ୍ସି ଲ୍ୟାଣ୍ଡିଂ ପାଇଁ ସମସ୍ତ ପ୍ରସ୍ତୁତି କରାଯାଇଥିଲା। ଏହାପରେ ଚେନ୍ନାଇ ବିମାନବନ୍ଦରରେ ଫ୍ଲାଇଟକୁ ସୁରକ୍ଷିତ ଜରୁରୀ ଅବତରଣ କରାଯାଇଥିଲା।
