ନୂଆଦିଲ୍ଲୀ,୨୬।୧୧(ପି.ଟି.): ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡରେ ଜଣେ ମହିଳାଙ୍କୁ ୪ ବର୍ଷ ପୂର୍ବେ ହତ୍ୟା କରିଥିବା ଭାରତୀୟ ବଂଶୋଦ୍ଭବ ଅଷ୍ଟ୍ରେଲୀୟ ନାଗରିକ ରାଜଓ୍ବିନ୍ଦର ସିଂଙ୍କୁ ଦିଲ୍ଲୀ ପୋଲିସ ଶୁକ୍ରବାର ଗିରଫ କରିଛି। ତାଙ୍କୁ ଗିରଫ କଲେ ୧ ନିୟୁତ ଅଷ୍ଟ୍ରେଲୀୟ ଡଲାର ପୁରସ୍କାର ଦିଆଯିବ ବୋଲି ଅଷ୍ଟ୍ରେଲୀୟ ହାଇକମିଶନର ଘୋଷଣା କରିଥିଲେ। ୩୮ ବର୍ଷୀୟ ସିଂଙ୍କ ବିରୋଧରେ ଇଣ୍ଟରପୋଲ୍ ପକ୍ଷରୁ ରେଡ୍କର୍ନର ନୋଟିସ ଜାରି ପରେ ପ୍ରତ୍ୟର୍ପଣ ଆଇନରେ ପଟିଆଲା ହାଉସ୍ କୋର୍ଟ ଗତ ୨୧ ତାରିଖରେ ଜାମିନବିହୀନ ଗିରଫ ପରଓ୍ବାନା ଜାରି କରିଥିଲେ। ଭାରତରେ ଇଣ୍ଟରପୋଲ୍ର ନୋଡାଲ ସଂସ୍ଥା ସିବିଆଇ ଏବଂ ଅଷ୍ଟ୍ରେଲିଆର ତଦନ୍ତକାରୀ ସଂସ୍ଥାର ସୂଚନା ଆଧାରରେ ସିଂଙ୍କୁ ଶୁକ୍ରବାର ସକାଳ ୬ଟାରେ ଜି.ଟି. କର୍ନଲ ରୋଡ୍ ନିକଟରୁ ଗିରଫ କରାଯାଇଥିବା ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି। ୨୦୧୮ ଅକ୍ଟୋବରରେ ଟୋୟା କୋର୍ଡିଙ୍ଗଲେ(୨୪) କୁଇନ୍ସଲ୍ୟାଣ୍ଡର ଓ୍ବାଙ୍ଗେଟ୍ଟି ବିଚ୍ରେ ତାଙ୍କ କୁକୁରକୁ ବୁଲାଉଥିବାବେଳେ ତାଙ୍କୁ ସିଂ ହତ୍ୟା କରିଥିଲେ। ସିଂ ଇନ୍ନିସ୍ଫେଲ୍ରେ ଜଣେ ନର୍ସ ଭାବେ କାର୍ଯ୍ୟ କରୁଥିଲେ।
