ଏଇ ଭାରତରେ
11:06 amMay 7, 2023May 7, 2023 / 21

ବୟସ ୬୦। କିନ୍ତୁ ବେଙ୍ଗାଲୁରୁରେ ଏକ ଶୁଷ୍କ ହ୍ରଦକୁ ପୁନରୁଦ୍ଧାର କରି ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛନ୍ତି ରେବତୀ କମାଥ। ସେ ଜଳ ସମସ୍ୟା ସୁଧାରିବା ଲାଗି ସଂଗ୍ରାମ ଜାରି ରଖିବା ସହ ବିଭିନ୍ନ ସ୍ଥାନରେ ବୃକ୍ଷରୋପଣ କରୁଛନ୍ତି। ବେଙ୍ଗାଲୁରୁର ୨୫ ଏକର ପରିମିତ ସୋମାନହାଲ୍ଲିି ହ୍ରଦ ଶୁଖିଯିବା ଫଳରେ ତା’କଡ଼ରେ ଥିବା ରାଜା କେନାଲ ବନ୍ଦ ହୋଇଯାଇଥିଲା। ଏବେ ଏହି ହ୍ରଦର ପୁନରୁଦ୍ଧାର ହେବା ଫଳରେ କେନାଲରେ ପାଣିଯାଉଛି ଓ କୃଷକମାନେ ଉପକୃତ ହେଉଛନ୍ତି। ୪୫ ବର୍ଷ ପରେ ସ୍ଥାନୀୟ ଲୋକେ ହ୍ରଦରୁ ପାନୀୟ ଜଳ ପାଇପାରୁଛନ୍ତି। ଆର୍ଥମୁଭର ଦ୍ୱାରା ଏହି କାର୍ଯ୍ୟ କରିବାକୁ ରେବତୀଙ୍କୁ ୬ ମାସ ଲାଗିଥିଲା। ସେ ମଧ୍ୟ ନଦୀ ସଂରକ୍ଷଣ ପାଇଁ ଏକ ପ୍ରୋଜେକ୍ଟ ଚଳାଉଛନ୍ତି। ଏହି ପ୍ରୋଜେକ୍ଟକୁ ସ୍ବୀକୃତି ମିଳିବା ପରେ ସେ ଏଯାବତ ୪,୦୦୦ ଗଛ ଲଗାଇ ସାରିଲେଣି। ଆଗକୁ ପିଲାମାନଙ୍କୁ ପରିସଂସ୍ଥା ସୁରକ୍ଷା ଲାଗି ସଚେତନ କରିବା ସହ ପ୍ରଶିକ୍ଷିତ କରିବା ସକାଶେ ଯୋଜନା ପ୍ରସ୍ତୁତ କରୁଥିବା କହନ୍ତି ରେବତୀ।