ଅଭିଭାବକମାନେ ପିଲାଙ୍କ ପାଇଁ ଜୋତା କିଣି କିଛିଦିନ ପରେ ଛୋଟ ହେଲେ ତାହାକୁ ଫିଙ୍ଗିଦିଅନ୍ତି। କାରଣ ପିଲାଙ୍କ ବୟସ ଅନୁସାରେ ପାଦ ବଢିବା ଯୋଗୁ ତାହା ସେମାନଙ୍କ ପାଦକୁ ଫିଟ୍ ହୋଇ ନ ଥାଏ। ତେବେ ପିଲାଙ୍କ ପାଇଁ କମ୍ ସମୟ ମଧ୍ୟରେ ବାରମ୍ବାର ଜୋତା କିଣିବା ସମସ୍ୟାର ସମାଧାନ କରିବାରେ ସଫଳ ହୋଇଛନ୍ତି ପୁଣେର ସତ୍ୟଜିତ୍ ମିତ୍ତଲ। ସେ ଏଭଳି ଜୋତା ତିଆରି କରୁଛନ୍ତି, ଯାହା ପିଲାଙ୍କ ବୟସ ଅନୁଯାୟୀ ଆଡ୍ଜଷ୍ଟ କରାଯାଇପାରୁଛି। ସତ୍ୟଜିତ୍ ୨୦୨୨ରେ ଆରେଟୋ ଷ୍ଟାର୍ଟଅପ୍ ପ୍ରତିଷ୍ଠା କରି ତା’ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ସତ୍ୟଜିତ୍ଙ୍କ ବୟସ ୩୦। ସେ ପୋଡିଆଟ୍ରିଷ୍ଟ(ପାଦ ଚିକିତ୍ସକ)ଙ୍କ ସହଯୋଗରେ ଦୁଇବର୍ଷ ଗବେଷଣା କରିବା ପରେ ଏଭଳି ଜୋତା ତିଆରି କରିବାରେ ସଫଳ ହୋଇଛନ୍ତି। ଏହି କାର୍ଯ୍ୟରେ ସତ୍ୟଜିତ୍ଙ୍କ ସହ ରହିଛନ୍ତି ତାଙ୍କ ବାଲ୍ୟବନ୍ଧୁ କୃତ୍ତିକା ଲାଲ। ସେ ତିଆରି କରିଥିବା ଜୋତା ପୂରା ନରମ ଓ ୩ଟି ପାଦ ସାଇଜ ଯାଏ ଏହାକୁ ଷ୍ଟ୍ରେଚ୍ କରାଯାଇପାରୁଛି। ଏହି ଜୋତାର ମୂଲ୍ୟ ୧,୮୦୦ ଟଙ୍କାରୁ ୨,୬୦୦ ଟଙ୍କା ମଧ୍ୟରେ ରହିଛି । ଷ୍ଟାର୍ଟଅପ୍ ଆରମ୍ଭ କରିବାର ୯ ମାସ ମଧ୍ୟରେ ସତ୍ୟଜିତ୍ ୬ ହଜାର ହଳ ଜୋତା ବିକ୍ରି କରିସାରିଲେଣି। କେବଳ ଗତମାସରେ ସେ ଏଥିରୁ ୨୧ ଲକ୍ଷ ଟଙ୍କା ରୋଜଗାର କରିଛନ୍ତି । ଏହାର ଅଧିକାଂଶ ଗ୍ରାହକ ହେଉଛନ୍ତି ଦିଲ୍ଲୀ, ପୁଣେ, ମୁମ୍ବାଇ ଏବଂ ବେଙ୍ଗାଲୁରୁ ସହ ଆମେରିକା ଓ ଇଂଲଣ୍ଡର ।
