ଜଣେ ଅପରାଧୀଙ୍କ ଜୀବନରେ ଆସିଥିବା ଅବିଶ୍ୱସନୀୟ ପରିବର୍ତ୍ତନ ଓ ତାଙ୍କ ନିଆରା ସେବା ସମାଜ ପାଇଁ ବାସ୍ତବ ପ୍ରେରଣାଦାୟକ। ଏହି ବ୍ୟକ୍ତି ଜଣକ ହେଉଛନ୍ତି ଉତ୍ତରପ୍ରଦେଶ ଗ୍ବାଲିୟରର ଦେବ ପ୍ରତାପ। ପିଲାବେଳେ ସେ ଘର ଛାଡ଼ି ଚାଲିଯାଇଥିଲେ ଓ ପରେ ଗ୍ବାଲିୟର ଷ୍ଟେଶନରେ ବର୍ଜ୍ୟ ଗୋଟାଇ ତାହାକୁ ବିକ୍ରି କରି ଦିନକୁ ଦୁଇବେଳା ଖାଦ୍ୟ ଯୋଗାଡ଼ କରୁଥିଲେ। ପରେ ନିଶାସକ୍ତ ହେବା ସହ ଆପରାଧିକ କାର୍ଯ୍ୟରେ ଲିପ୍ତ ହୋଇ ଜେଲ୍ ଯାଇଥିଲେ। କିନ୍ତୁ ଜଣେ ଅଜଣା ବ୍ୟକ୍ତି ତାଙ୍କୁ ଜାମିନରେ ଆଣିବା ପରେ ତାଙ୍କ ଜୀବନରେ ପରିବର୍ତ୍ତନ ଆସିଥିଲା। ପରେ ସେ ଏକ କମ୍ପାନୀର କାମ କରିଥିଲେ ଓ ସେଥିରେ ଏବେ ଷ୍ଟୋର ମ୍ୟାନେଜର କାର୍ଯ୍ୟ କରୁଛନ୍ତି। ୨୦୧୬ରେ ‘ଭଏସ୍ ଅଫ ସ୍ଲମ୍’ ଏନ୍ଜିଓ ଗଠନ କରି ଗ୍ବାଲିୟରର ବସ୍ତିଗୁଡ଼ିକରେ ପ୍ରତିଦିନ ୮୦୦ରୁ ଅଧିକ ପିଲାଙ୍କୁ ଖାଦ୍ୟ ଯୋଗାଉଛନ୍ତି। ଏହି ପିଲାମାନେ ନା ସ୍କୁଲକୁ ଯାଉଥଲେ ନା ପେଟ ପୂରା ଖାଇବାକୁ ପାଉଥିଲେ। ହେଲେ ପ୍ରତାପଙ୍କ ପ୍ରୟାସ ଯୋଗୁ ସେମାନଙ୍କ ପାଇଁ ଏ ସବୁ ସମ୍ଭବ ହୋଇପାରିଛି। ଦେବ ପ୍ରତାପ ପିଲାମାନଙ୍କ ପଢାଖର୍ଚ୍ଚ ବହନ କରୁଛନ୍ତି । ବେକଳ ଏତିକି ନୁହେଁ, ସେ ତାଙ୍କ ସହଯୋଗୀଙ୍କ ସହ ପ୍ରତିଦିନ ବିଭିନ୍ନ ବସ୍ତିର ୧ ହଜାରୁ ଊର୍ଦ୍ଧ୍ୱ ଅସହାୟଙ୍କୁ ମଧ୍ୟ ଖାଇବାକୁ ଦେଉଛନ୍ତି।
