ନୂଆଦିଲ୍ଲୀ,୧୨ ।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋସିଆଲ ମିଡିଆରେ ଖୁବ୍ ଆକ୍ଟିଭ । ସମୟ ସମୟରେ ସେ ସାମାଜିକ ସମସ୍ୟାକୁ ନେଇ ନିଜ ମତ ରଖିଥିବା ଦେଖାଯାଏ । ଏବେ ମୋଦିଙ୍କ ଆକାଉଣ୍ଟ ଉପରେ ନଜର ପଡିଛି ହ୍ୟାକର୍ସଙ୍କର । ଶନିବାର ବିଳମ୍ବିତ ରାତିରେ ହ୍ୟାକର୍ସ ମୋଦିଙ୍କ ଆକାଉଣ୍ଟଙ୍କୁ ହ୍ୟାକ କରିଥିବା ସୂଚନା ମିଳିଛି । ହ୍ୟାକର୍ସ ମୋଦଙ୍କ ଆକାଉଣ୍ଟକୁ ଟାର୍ଗେଟ କରି ଏହାକୁ ହ୍ୟାକ କରିବା ସହ କିଛି ଟୁଇଟ୍ ମଧ୍ୟ କରିଛନ୍ତି । ଯେଉଁଥିରେ ଦେଶରେ ବିଟ୍ କଏନକୁ ମାନ୍ୟତା ଦିଆଯାଇଥିବା କଥା ଉଲ୍ଲେଖ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଟୁଇଟର ଆକାଉଣ୍ଟ ଶନିବାର ଭୋର ପ୍ରାୟ ୨ଟା ବେଳେ ହ୍ୟାକ କରାଯାଇଥିବା ସୂଚନା ମିଳିଛି ।
ହ୍ୟାକ ହେବା ପରେ ପ୍ରଥମ ଟୁଇଟ୍ ମାତ୍ର କେଇ ମିନିଟ୍ ମଧ୍ୟରେ ଡିଲିଟ୍ କରାଯାଇଥିଲା ଓ ପୁଣିଥରେ ତାକୁ ଟୁଇଟ୍ କରାଯାଇଥିଲା । ଏହାପରେ ପୁଣିଥରେ ସେହି ଟୁଇଟ୍କୁ ହଟାଇ ଦିଆଯାଇଥିଲା । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏହି ସୂଚନା ଦିଆଯାଇଥିଲା କି ମୋଦିଙ୍କ ଟୁଇଟର ଆକାଉଣ୍ଟ ହ୍ୟାକ ହୋଇଛି । ଏଥିରେ ଉଲ୍ଲେଖ କରାଯାଇଥିଲା କି ମୋଦିଙ୍କ ଆକାଉଣ୍ଟ ହ୍ୟାକ ହେବା ସହ ଏଥିରେ ଭିନ୍ନ ଭିନ୍ନ ପୋଷ୍ଟ କରାଯାଇଛି । ଏହି ଖବର ଟୁଇଟରକୁ ଜଣାଇ ଦିଆଯାଇଛି । ଏହାପରେ ଆକାଉଣ୍ଟକୁ ତୁରନ୍ତ ସୁରକ୍ଷିତ କରାଯାଇଛି । ଏହାସହ କୁହାଯାଇଛି କି ଏବେ ଟୁଇଟର ଆକାଉଣ୍ଟରେ କରାଯାଉଥିବା ଟୁଇଟକୁ ଅଣଦେଖା କରିବାକୁ ।
