ବିପର୍ଯ୍ୟୟକୁ ସାମ୍ନା କରି ପୁଣି ଅଣ୍ଟାସଳଖି ସ୍ବାବଲମ୍ବୀ ହେବାରେ ଆନ୍ଧ୍ରପ୍ରଦେଶର ପାଳଗୁଟାପଲ୍ଲି ଗାଁର ମହିଳାମାନେ ଉଦାହରଣ ସୃଷ୍ଟି କରିଛନ୍ତି। ସେମାନେ ପରିବେଶ ଉପଯୋଗୀ କପଡ଼ା ବ୍ୟାଗ୍ ତିଆରି କରି ତାହାକୁ ବିଦେଶରେ ପହଞ୍ଚାଉଛନ୍ତି। ଚିତ୍ତୋର ଜିଲାର ମରୁଡ଼ି ପ୍ରପୀଡ଼ିତ ଗଁା ପାଳଗୁଟାପଲ୍ଲିରେ ରହନ୍ତି ୬୦ଟି ପରିବାର। ୨୦୧୦ରୁ ୨୦୧୫ ଯାଏ ୫ ବର୍ଷ ମରୁଡ଼ି ଲାଗି ରହିବା ପରେ ଚାଷରେ କ୍ଷତି ହେଲା। ପୁରୁଷମାନେ କିଛି କାମ ପାଇଲେ ନାହିଁିଁ। ଅନେକ ଗାଈଗୋରୁ ବିକ୍ରିକରି ବାହାରକୁ ପଳାଇଗଲେ। କିନ୍ତୁ ସେହି ଗାଁର ସଫ୍ଟଓ୍ବେର ଇଞ୍ଜିନିୟର ଅପର୍ଣ୍ଣା କ୍ରିଷ୍ଣ ଏହାକୁ ନିରୀକ୍ଷଣ କରିବା ପରେ ଯେଉଁମାନେ ଗାଁରେ ରହିଥିଲେ, ସେମାନଙ୍କ ସହ ଆଲୋଚନା କରି କପଡ଼ା ବ୍ୟାଗ୍ ତିଆରି କରିବାକୁ ପ୍ରୋତ୍ସାହିତ କରିଥିଲେ। ନିଜେ ମଧ୍ୟ ସେମାନଙ୍କ ସହ ସାମିଲ ହୋଇଥିଲେ। ଅପର୍ଣ୍ଣା ପ୍ରଥମେ ୪ ଜଣ ମହିଳାଙ୍କୁ ନେଇ ବ୍ୟାଗ୍ ତିଆରି କରିଥିଲେ। ବର୍ତ୍ତମାନ ଏହି କାର୍ଯ୍ୟରେ ଅନେକ ମହିଳା ଯୋଗଦେଇ ରୋଜଗାର କରୁଛନ୍ତି। ସେମାନେ ୫୦ ପ୍ରକାର ବ୍ୟାଗ ତିଆରି କରି ଦେଶ ବିଦେଶରେ ୫୦,୦୦୦ ବ୍ୟାଗ୍ ବିକ୍ରି କରିସାରିଲେଣି। ସେମାନଙ୍କ ହାତ ତିଆରି ବ୍ୟାଗ୍ ଇଂଲଣ୍ଡ, ଆମେରିକା ଏବଂ କାନାଡ଼ାରେ ପହଞ୍ଚତ୍ପାରିଛି। ମହିଳାମାନେ ଏବେ ମାସକୁ ୫,୦୦୦ ଟଙ୍କା ରୋଜଗାର କରୁଛନ୍ତି।
