ବ୍ରିହନମୁମ୍ବାଇ ମ୍ୟୁନିସିପାଲ କର୍ପୋରେଶନ (ବିଏମ୍ସି) ଦ୍ୱାରା ପ୍ରସାଦରୁ ପାଓ୍ବାର ଉତ୍ପାଦନ କରାଯାଇଛି । ଲାଲବାଗ୍ଚା ବାଗ୍ରେ ବିଭିନ୍ନ ଗଣେଶ ପୂଜା ମଣ୍ଡପରେ ବର୍ଜ୍ୟ ଭାବେ ୩୦ ଟନ ଖାଦ୍ୟ ବର୍ଜ୍ୟରୁ ବାୟୋଗ୍ୟାସ ଓ ବିଦ୍ୟୁତ ଉତ୍ପାଦନ କରାଯାଇ ସ୍ବିରି ହସ୍ପିଟାଲକୁ ଯୋଗାଇ ଦିଆଯାଇଛି। ଗଣେଶ ପୂଜା ସମୟରେ ଲାଲବାଗଚା ବାଗ ପୂଜା ମଣ୍ଡପଗୁଡ଼ିକରେ ଅନେକ ଲକ୍ଷ ଲୋକ ପ୍ରସାଦ ଖାଇଥାନ୍ତି ଏବଂ ବଳକା ଖାଦ୍ୟକୁ ପ୍ରସାଦ କକ୍ଷ ଓ ଅନ୍ନଛତ୍ରରୁ ସଂଗ୍ରହ କରାଯାଇ ବାୟୋମିଥେନେଶନ ପ୍ରକ୍ରିୟାରେ ସେଥିରୁ ବାୟୋଗ୍ୟାସ ଓ ବିଦ୍ୟୁତ ଉତ୍ପନ୍ନ କରାଯାଇଛି। ବାୟୋମିଥେନେଶନ ଦ୍ୱାରା ୩,୬୪୫ କ୍ୟୁବିକ ମିଟର ବାୟୋଗ୍ୟାସ ଓ ୪,୩୮୨ କିଲୋଓ୍ବାଟ ବିଦ୍ୟୁତ ଉତ୍ପାଦନ କରାଯାଇଛି। ବାୟୋଗ୍ୟାସକୁ ହସ୍ପିଟାଲରେ ବ୍ୟବହାର କରାଯିବା ସହ ଉତ୍ପାଦିତ ବିଦ୍ୟୁତ ୯୦ ଶଯ୍ୟା ବିଶିଷ୍ଟ ୯ ନମ୍ବର ଓ୍ବାର୍ଡରେ ଉପଯୋଗ କରାଯାଇଛି। ସ୍ବିରି ଡାକ୍ତରଖାନାରେ ଦିନକୁ ମାତ୍ର ୨ଟନ ବଳକା ଖାଦ୍ୟର ପ୍ରକ୍ରିୟାକରଣ କରାଯିବାର ବ୍ୟବସ୍ଥା ଥିବାରୁ ଅଧିକ ଖାଦ୍ୟକୁ ନିକଟସ୍ଥ ସିଓନ, କସ୍ତୁରବା ଓ ନାୟାରା ହସ୍ପିଟାଲକୁ ପଠାଇ ଦିଆଯାଇଛି।ଫଳରେ ସେହିସବୁ ହସ୍ପିଟାଲ ବାୟୋଗ୍ୟସ ଓ ବିଦ୍ୟୁତ ପାଇପାରୁଛନ୍ତି। ବିଏମ୍ସି ମଧ୍ୟ ଆଖପାଖ ହୋଟେଲରୁ ବଳକା ଖାଦ୍ୟ ସଂଗ୍ରହ କରି ଇନ୍ଧନ ଓ ବିଦ୍ୟୁତ ଉତ୍ପାଦନ କରିବାର ବ୍ୟବସ୍ଥା କରିଛି। କେବଳ ଏତିକି ନୁହେଁ, ବିଏମ୍ସି ମୁମ୍ବାଇର ୧୮ଟି କୃୃତ୍ରିମ ବିସର୍ଜନ ସ୍ଥଳରୁ ଫୁଲ ସଂଗ୍ରହ କରି ତାହାକୁ ତ୍ୱରିତ ପ୍ରକ୍ରିୟାରେ ଜୈବିକ ଖତ କରି ସାର୍ବଜନୀନ ଉଦ୍ୟାନରେ ବ୍ୟବହାର କରିପାରିଛି।
