ଭାରତର ରାସ୍ତାକଡ଼ରେ ରହୁଥିବା ପିଲାଙ୍କ ଭବିଷ୍ୟତ କଥା ଚିନ୍ତା କରୁଥିବା ଅନେକଙ୍କ ମଧ୍ୟରେ ଗୋରଖପୁରର ରନେତ୍ଶ ତିଓ୍ବାରୀ ଅନ୍ୟତମ। ସେ ଏକ କମ୍ପାନୀ ଚଳାଇବା ସହ ରାସ୍ତାକଡ଼ରେ ରହୁଥିବା ଗରିବ ପିଲାଙ୍କ ଶିକ୍ଷା ପାଇଁ କାମ କରୁଛନ୍ତି ଓ ଏଯାବତ ୩୦୦ରୁ ଅଧିକ ପିଲାଙ୍କୁ ସ୍କୁଲରେ ପହଞ୍ଚାଇବାରେ ସକ୍ଷମ ହୋଇଛନ୍ତି। ୨୦୧୬ରେ ୟଙ୍ଗ ଇଣ୍ଡିଆ ସଂସ୍ଥା ଗଢି ତା’ମାଧ୍ୟମରେ ଗତ ୭ ବର୍ଷ ହେଲା ସେ ଏହି କାମ କରୁଛନ୍ତି। ରନେତ୍ଶ ପେସାରେ ଜଣେ ଇଞ୍ଜିନିୟର। ପ୍ରଥମେ ସେ ହାଇଦ୍ରାବାଦରେ କାମ କରୁଥିଲେ ଓ ସେଠାରେ ରାସ୍ତାକଡ଼ରେ ଥିବା ପିଲାମାନଙ୍କୁ ପଢ଼ାଇବା ଆରମ୍ଭ କରିଥିଲେ। ପରେ ଗୋରଖପୁର ଫେରି ନିଜେ କମ୍ପାନୀ ଖୋଲିବା ସହ ରାସ୍ତାକଡ଼ ପିଲାଙ୍କୁ ପଢ଼ାଇବା ପାଇଁ ଅକ୍ଷର ପାଠଶାଳା ଖୋଲି ୪-୫ ଜଣ ପିଲାଙ୍କୁ ପଢାଇବା ଆରମ୍ଭ କରିଥିଲେ। ଏହି ପିଲାମାନେ ପଢା ଶେଷ କରି ସହରର ଅନ୍ୟ ସ୍ଥାନରେ ଗରିବ ପିଲାଙ୍କୁ ପଢାଇବା ସହ ସ୍କୁଲରେ ପହଞ୍ଚାଉଛନ୍ତି। କେବଳ ଏତିକି ନୁହେଁ ପିଲାମାନଙ୍କ ପରିବାରର ମହିଳାମାନଙ୍କୁ ସଶକ୍ତ କରିବା ଲାଗି ଯୋଜନା କରୁଛନ୍ତି ରନେତ୍ଶ। ଏବେ ରନେତ୍ଶଙ୍କ୍ ଟିମ୍ରେ ଡାକ୍ତର, ଇଞ୍ଜିନିୟର ଓ ଏମ୍ବିଏ ଡିଗ୍ରୀଧାରୀ ସାମିଲ ହୋଇଛନ୍ତି।
