ଦୁବାଇ, ୫।୮(ପି.ଟି.)- ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଓ ଉପ-ଅଧିନାୟକ ରୋହିତ ଶର୍ମା ବୁଧବାର ପ୍ରକାଶିତ ଆଇସିସି ଦିନିକିଆ କ୍ରିକେଟ ର଼୍ୟାଙ୍କିଙ୍ଗ୍ ବ୍ୟାଟ୍ସମ୍ୟାନ ତାଲିକାର ଶୀର୍ଷ ୨ ସ୍ଥାନରେ ଅପରିବର୍ତ୍ତିତ ରହିଛନ୍ତି। ବୋଲିଂ ବିଭାଗରେ ଯଶପ୍ରୀତ ବୁମ୍ରା ଦ୍ୱିତୀୟ ସ୍ଥାନ ଅଧିକାର କରିଛନ୍ତି। କୋହଲି ୮୭୧ ପଏଣ୍ଟ ସହିତ ପ୍ରଥମ ଓ ରୋହିତ ୮୫୫ ପଏଣ୍ଟ ପାଇ ଦ୍ୱିତୀୟ ସ୍ଥାନରେ ରହିଛନ୍ତି। ଅନ୍ୟମାନଙ୍କ ମଧ୍ୟରେ ପାକିସ୍ତାନର ବାବର ଆଜମ (୮୨୯), ନ୍ୟୁଜିଲାଣ୍ଡର ରସ୍ ଟେଲର(୮୧୮) ଓ ଦକ୍ଷିଣ ଆଫ୍ରିକାର ଫାଫ୍ ଡୁପ୍ଲେସି(୭୯୦) ପରବର୍ତ୍ତୀ ୩ ସ୍ଥାନରେ ରହିଛନ୍ତି। ବୋଲିଂ ର଼୍ୟାଙ୍କିଙ୍ଗ୍ରେ ବୁମ୍ରା ୭୧୯ ପଏଣ୍ଟ ସହିତ ଦ୍ୱିତୀୟରେ ରହିଥିବାବେଳେ ନ୍ୟୁଜିଲାଣ୍ଡର ଟ୍ରେଣ୍ଟ ବୋଲ୍ଟ ୭୨୨ ପଏଣ୍ଟ ସହିତ ଶୀର୍ଷସ୍ଥାନ ଅଧିକାର କରିଛନ୍ତି। ଅନ୍ୟମାନଙ୍କ ମଧ୍ୟରେ ଆଫଗାନିସ୍ତାନର ମୁଜିବୁର ରହମନ(୭୦୧), ଅଷ୍ଟ୍ରେଲିଆର ପ୍ୟାଟ୍ କୁମିନ୍ସ(୬୮୯) ଓ ଦକ୍ଷିଣ ଆଫ୍ରିକାର କାଗିଶୋ ରାବାଡ଼ା(୬୬୫) ୩ୟରୁ ୫ମ ସ୍ଥାନରେ ରହିଛନ୍ତି।
ଇଂଲଣ୍ଡ ବିପକ୍ଷ ତୃତୀୟ ଦିନିକିଆରେ ଶତକୀୟ ଇନିଂସ ଖେଳିଥିବା ଆୟର୍ଲାଣ୍ଡ ଅଧିନାୟକ ଆଣ୍ଡ୍ର୍ୟୁ ବାଲବିର୍ନି ୪ଟି ସ୍ଥାନ ଉପରକୁ ଉଠି ୪୨ରେ ପହଞ୍ଚତ୍ଥିବାବେଳେ ତାଙ୍କ ଡେପୁଟି ପଲ୍ ଷ୍ଟିର୍ଲିଂ ଗୋଟିଏ ସ୍ଥାନ ଉଠି ୨୬ତମ ସ୍ଥାନରେ ରହିଛନ୍ତି। ଶତକ ହାସଲକାରୀ ଇଂଲଣ୍ଡ ଅଧିନାୟକ ଇଅନ ମୋର୍ଗାନ ଗୋଟିଏ ସ୍ଥାନ ଉପରକୁ ଉଠି ୨୨ ଓ ସେହି ଦଳର ଜନି ବେୟାରଷ୍ଟୋ ୧୩ତମ ସ୍ଥାନରେ ରହିଛନ୍ତି।
