ବଲିଉଡ ଅଭିନେତା ଅଲି ଫଜଲ ତାଙ୍କ ୱେବ ସିରିଜ ‘ରାଖ’ ଚର୍ଚ୍ଚାରେ ଅଛନ୍ତି। ଏଥିରେ ତାଙ୍କ ଅଭିନୟକୁ ବହୁତ ପ୍ରଶଂସା କରାଯାଉଛି। ଖୁବ୍ଶୀଘ୍ର ସେ ‘ମିର୍ଜାପୁର: ଦି ମୁଭି’ରେ ନଜର ଆସିବାକୁ ଯାଉଛନ୍ତି। ଏହା ମଧ୍ୟରେ ଅଲି ଫଜଲ ଅଭିନୀତ ଏକ ନୂଆ ଚଳଚ୍ଚିତ୍ର ଘୋଷଣା କରାଯାଇଛି। ଏହା ଅଭିନେତାଙ୍କ ପାଇଁ ବିଶେଷ ଗୁରୁତ୍ୱ ରଖେ। କାରଣ ପ୍ରଥମ ଥର ପାଇଁ ସେ ତାଙ୍କ ସ୍ତ୍ରୀ ରିଚା ଚଢାଙ୍କ ସହ ବଡ଼ ପରଦାରେ ରୋମାନ୍ସ କରୁଥିବାର ଦେଖାଯିବେ। ଯଦିଓ ଏହି ଯୋଡ଼ି ପୂର୍ବରୁ ‘ଫୁକ୍ରେ’ରେ ଏକାଠି କାମ କରିଥିଲେ। ରିଚା ସେହି ଚଳଚ୍ଚିତ୍ରରେ ନକାରାତ୍ମକ ଭୂମିକାରେ ଅଭିନୟ କରିଥିଲେ। କିନ୍ତୁ ଆଗାମୀ ଚଳଚ୍ଚିତ୍ରରେ ପ୍ରଥମ ଥର ପାଇଁ ଦର୍ଶକ ସେମାନଙ୍କୁ ଏକ ଅନ-ସ୍କ୍ରିନ ରୋମାଣ୍ଟିକ ଯୋଡ଼ି ଭାବରେ ଦେଖିବେ।
ଶଶି ବର୍ମାଙ୍କ ନିର୍ଦ୍ଦେଶିତ ଅଲି ଫଜଲ ଏବଂ ରିଚା ଚଢା ଅଭିନୀତ ନୂତନ ଚଳଚ୍ଚିତ୍ର ଘୋଷଣା କରାଯାଇଛି। ଏହି ଚଳଚ୍ଚିତ୍ରଟି ଏକ କମେଡି ହେବ। ପ୍ରଥମ ଥର ପାଇଁ ଉଭୟ ମୁଖ୍ୟ ଭୂମିକାରେ ସ୍କ୍ରିନ ଶେୟାର କରିବେ।
୨୦୨୬ ଶେଷ ଭାଗରେ ଏହି ଚଳଚ୍ଚିତ୍ରର ଶୁଟିଂ ଆରମ୍ଭ ହେବାର ଆଶା କରାଯାଉଛି। ଏପ୍ରିଲ ୨୦୨୭ରେ ଥିଏଟର ରିଲିଜ ହେବାର ଯୋଜନା ରହିଛି। ସିନୱାର୍କ ପ୍ରଡକ୍ସନ୍ସ ଏବଂ ଗିରିରାଜ ପ୍ରଡକ୍ସନ୍ସ ବ୍ୟାନରରେ ନିର୍ମିିତ ଏହି ଚଳଚ୍ଚିତ୍ରଟି ଶଶି ବର୍ମାଙ୍କ ଦ୍ୱାରା ନିର୍ଦ୍ଦେଶିତ।
ଅଲି ଫଜଲ ଖୁବଶୀଘ୍ର ‘ମିର୍ଜାପୁର: ଦି ମୁଭି’ରେ ଦେଖାଯିବେ। ଏହାହା ସେପ୍ଟେମ୍ବର ୪, ୨୦୨୬ରେ ଥିଏଟର ରିଲିଜ ହେବାକୁ ଯାଉଛି। ଏହା ସହିତ ସେ ‘ବଣ୍ଟୱାରା ୧୯୪୭’ରେ ଦେଖାଯିବେ, ଯାହା ଅଗଷ୍ଟ ୧୩, ୨୦୨୬ ରେ ସିନେମା ଘରେ ରିଲିଜ ହେବାକୁ ଯାଉଛି। ଏହି ଦୁଇଟି ଚଳଚ୍ଚିତ୍ର ବ୍ୟତୀତ ଅଲି ଫଜଲଙ୍କ ନାମ ‘ଲଷ୍ଟ ଷ୍ଟୋରିଜ ୩’ ସହିତ ମଧ୍ୟ ଯୋଡା ଯାଉଛି।
