ଲିଭର ବା ଯକୃତ ଆମ ଶରୀରର ପରିଚାଳନା ବିଭାଗକୁ ସମ୍ଭାଳିଥାଏ। ଶରୀର ନାମକ ମେଶିନକୁ ସଠିକ୍ ଭାବରେ ଚାଲୁ ରଖିବା ପାଇଁ ଲିଭରକୁ ସୁସ୍ଥ ରଖିବା ଗୁରୁତ୍ୱପୂର୍ଣ୍ଣ। ଲିଭରରେ ସମସ୍ୟା ସମଗ୍ର ଶରୀରକୁ ପ୍ରଭାବିତ କରିଥାଏ। ଜୀବନଶୈଳୀ ପରିବର୍ତ୍ତନ ହେଉଥିବା ଏବଂ ଖାଦ୍ୟର ଗୁଣବତ୍ତା ହ୍ରାସ ପାଇବା ସହିତ ଲିଭରରେ ଫ୍ୟାଟ୍ ବା ଚର୍ବି ଜମା ହେବାର ସମସ୍ୟା ବୃଦ୍ଧି ପାଇବାରେ ଲାଗିଛି। ତେବେ ଜାଣନ୍ତୁ କେମିତି ଆଉ କେବେ ଲିଭରରେ ଜମା ହୁଏ ଚର୍ବି …
ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଲିଭରରେ ଫ୍ୟାଟ୍ ବା ଚର୍ବି ଜମା ହେବା ଆରମ୍ଭ ହେବା ମାତ୍ରେ ସତର୍କ ରହିବା ଉଚିତ୍। ବିଶେଷକରି ଯଦି ନିୟମିତ ଭାବରେ ମଦ୍ୟପାନ କରନ୍ତି ଏବଂ ଅଧିକ ଚର୍ବି ଜାତୀୟ ଆମିଷ ଖାଦ୍ୟ ଖାଆନ୍ତି, ତେବେ ଲିଭରରେ ଫ୍ୟାଟ୍ ଜମା ହେବାର ଆଶଙ୍କା ଥାଏ। ଏପରି ପରିସ୍ଥିତିରେ ଆପଣଙ୍କୁ ନିୟମିତ ଭାବରେ ଆପଣଙ୍କ ଲିଭର ଯାଞ୍ଚ କରାଇବା ଉଚିତ। ଯଦି ଲିଭରରେ ଚର୍ବି ଜମା ହେବା ବିଷୟରେ ସୂଚନା ଥାଏ, ତେବେ ଏହାକୁ ତୁରନ୍ତ ନିୟନ୍ତ୍ରଣ କରିବା ଉଚିତ ଏବଂ ଡାକ୍ତରଙ୍କ ସହିତ ପରାମର୍ଶ କରିବା ପରେ ଚିକିତ୍ସା ଆରମ୍ଭ କରିବା ଉଚିତ।
କିପରି ଆରମ୍ଭ ହୁଏ ଫ୍ୟାଟି ଲିଭର:
ଲିଭରରେ ପୂର୍ବରୁ ଅଳ୍ପ ପରିମାଣରେ ଫ୍ୟାଟ୍ ଅଂଶ ଚର୍ବି ଥାଏ, କିନ୍ତୁ ଯେତେବେଳେ ଏହା ୫ରୁ ୧୦ ପ୍ରତିଶତ ବୃଦ୍ଧି ପାଏ, ଏହାକୁ ଫ୍ୟାଟି ଲିଭର କୁହାଯାଏ। ଏହା ଅନେକ କାରଣ ଯୋଗୁ ବୃଦ୍ଧି ପାଏ ଯେପରିକି- ତେଲିଆ ଖାଦ୍ୟ, ମିଠା ଏବଂ ଫାଷ୍ଟଫୁଡ୍ ଖାଇବା, ଅତ୍ୟଧିକ ମଦ୍ୟପାନ ଲିଭରକୁ କ୍ଷତି ପହଞ୍ଚାଏ।
ଏହା ବ୍ୟତୀତ ମେଦବହୁଳତା ଏବଂ ଡାଇବେଟିସ୍ ବୃଦ୍ଧି ହେତୁ, ଶରୀରରେ ଚର୍ବି ଜମା ହେବାକୁ ଲାଗେ, ଯାହା ଫ୍ୟାଟି ଲିଭରର କାରଣ ହୁଏ। ସବୁଠାରୁ ବଡ଼ କାରଣ ହେଉଛି ବ୍ୟାୟାମ ନ କରି ବସିବାର ଅଭ୍ୟାସ। ଯଦି ଶରୀର ସକ୍ରିୟ ନ ଥାଏ, ତେବେ ଏହା ଲିଭରକୁ ମଧ୍ୟ ପ୍ରଭାବିତ କରେ, କାରଣ ବସିବା ଦ୍ୱାରା ଚର୍ବି କମ୍ ହୁଏ ନାହିଁ ବରଂ ଜମା ହୋଇ ରହିଥାଏ। ଯାହା ଫ୍ୟାଟି ଲିଭରର ମୁଖ୍ୟ କାରଣ ହୁଏ।
ପ୍ରାରମ୍ଭରେ ଲିଭରରେ ଚର୍ବି ଜମା ହେଉଥିବାର ଜଣାପଡ଼େ ନାହିଁ, କିନ୍ତୁ ପରେ ଏହା ଗମ୍ଭୀର ରୂପ ନେଇପାରେ। ଏହା ଯୋଗୁ ଅନେକ ପ୍ରକାରର ରୋଗ ମଧ୍ୟ ହୋଇପାରେ। ଲିଭର ସିରୋସିସ୍, ଲିଭରରେ ଫୁଲା ଏବଂ ଚିହ୍ନ ଦେଖାଯାଏ, ଯାହା ଯୋଗୁ ଲିଭର ଟିସୁ ଧିରେ ଧିରେ ନଷ୍ଟ ହେବାକୁ ଲାଗେ। ଏହା ଲିଭର ଫେଲ୍ୟୁଅର ହେବାର ଆଶଙ୍କା ମଧ୍ୟ ବଢ଼ାଇଥାଏ। ଏହା ବ୍ୟତୀତ, ଫ୍ୟାଟି ଲିଭର କ୍ୟାନସର ରୋଗ ମଧ୍ୟ ସୃଷ୍ଟି କରିପାରେ। ଫ୍ୟାଟି ଲିଭର ଯୋଗୁ ହାର୍ଟରୋଗ ମଧ୍ୟ ହୋଇପାରେ।
ଲିଭରକୁ ସୁସ୍ଥ ରଖିବା ପାଇଁ ତେଲ ଏବଂ ମିଠା ଜିନିଷଠାରୁ ଦୂରେଇ ରୁହନ୍ତୁ କିମ୍ବା ପରିମାଣ ସୀମିତ କରନ୍ତୁ। ସବୁଜ ପନିପରିବା ଖାଆନ୍ତୁ। ଖାଦ୍ୟରେ ଫାଇବର ସାମିଲ କରନ୍ତୁ। ଫାଇବର ଖାଦ୍ୟ ଶୀଘ୍ର ହଜମ କରେ ଏବଂ ପାଚନ ଭଲ ହୁଏ। ଏହା ସହିତ ବ୍ୟାୟାମ କରନ୍ତୁ। ଯୋଗ ମଧ୍ୟ ଲାଭଦାୟକ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଲିଭରକୁ ସୁସ୍ଥ ରଖିବା ପାଇଁ ମଦ୍ୟପାନରୁ ଦୂରେଇ ରୁହନ୍ତୁ। ନିୟମିତ ଭାବରେ ଆପଣଙ୍କ ଲିଭର ଯାଞ୍ଚ କରାନ୍ତୁ।
