ଭୁବନେଶ୍ୱର, ୧ା୨(କ୍ରୀଡ଼ା ପ୍ରତିନିଧି)-ବାହାରିନର ମାନାମାଠାରେ ୧୭ତମ ପୁରୁଷ ଜୁନିୟର ହ୍ୟାଣ୍ଡବଲ ଚାମ୍ପିୟନଶିପ୍ ମାର୍ଚ୍ଚ ୨୦ରୁ ୨୯ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିପାଇଁ ଭାରତୀୟ ଦଳର କ୍ୟାମ୍ପ ଏବଂ ଚୟନ ଟ୍ରାଏଲ ଚଳିତ ମାସ ୩ ଓ ୪ ତାରିଖରେ ଜୟପୁରଠାରେ ହେବାକୁ ନିଷ୍ପତ୍ତି ହୋଇଛି। ଏହି କ୍ୟାମ୍ପରେ ଓଡ଼ିଶାର ଦୁଇଜଣ ଖେଳାଳି ସାମିଲ ହୋଇଛନ୍ତି। ସେମାନେ ହେଲେ ହେମନ୍ତ ଧାରୁଆ ଓ କାମଦେବ କାଜରକା। ସେମାନଙ୍କ ସହ କୋଚ୍ ସନ୍ତୋଷ କୁମାର ବେହେରା ଜୟପୁର ଯାତ୍ରା କରିଛନ୍ତି। ଖେଳାଳିମାନଙ୍କୁ କିସ୍ର ପ୍ରତିଷ୍ଠାତା ଏମ୍ପି ଅଚ୍ୟୁତ ସାମନ୍ତ, ଓଡ଼ିଶା ହ୍ୟାଣ୍ଡବଲ ସଂଘର ସମ୍ପାଦକ ବୀରେନ୍ଦ୍ର ବେହେରା ଓ ଭୁବନେଶ୍ୱର ଜିଲା ହ୍ୟାଣ୍ଡବଲ ଆସୋସିଏଶନ ସମ୍ପାଦକ ଯଶୋବନ୍ତ ପରମଗୁରୁ ଅଭିନନ୍ଦନ ଜଣାଇଛନ୍ତି।
