ୱେଷ୍ଟଇଣ୍ଡିଜର ମହାନ ବ୍ୟାଟ୍ସମ୍ୟାନ ସାର୍ ଭିଭିଆନ ରିଚାର୍ଡସ ଆଜି ୭୦ ବର୍ଷରେ ପଦାର୍ପଣ କରିଛନ୍ତି। ରିଚାର୍ଡସ ହେଉଛନ୍ତି ଦୁନିଆର ଏକମାତ୍ର ଖେଳାଳି ଯିଏ କ୍ରିକେଟ ଏବଂ ଫୁଟବଲ ବିଶ୍ୱକପ ଖେଳିଛନ୍ତି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ରିଚାର୍ଡସଙ୍କୁ ତାଙ୍କର ଆଦର୍ଶ ବୋଲି ମାନନ୍ତି। ୮୦ ଦଶକରେ କିମ୍ବଦନ୍ତୀ ବ୍ୟାଟ୍ସମ୍ୟାନ ରିଚାର୍ଡସ ଯେତେବେଳେ ପାଟିରେ ଚୁଇଙ୍ଗମ୍ ଚୋବାଇ ବିନା ହେଲମେଟରେ କ୍ରିଜକୁ ଯାଉଥିଲେ ସେତେବେଳେ ବୋଲରମାନେ ମଧ୍ୟ ବୋଲିଂ କରିବାକୁ ଭୟ କରୁଥିେଏ।
ଭିଭିଆନ ରିଚାର୍ଡସ ୧୯୫୨ ମସିହାରେ ଆଣ୍ଟିଗୁଆର ସେଣ୍ଟ ଜନ ସହରରେ ଜନ୍ମଗ୍ରହଣ କରିଥିଲେ। ଏହି ଡାହାଣହାତୀ ବ୍ୟାଟ୍ସମ୍ୟାନ ୩୦୦ରୁ ଅଧିକ ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ରିଚାର୍ଡସ କେବଳ ଆଣ୍ଟିଗୁଆ ପାଇଁ ୧୯୭୪ ଫିଫା ବିଶ୍ୱକପ ଯୋଗ୍ୟତା ପର୍ଯ୍ୟାୟରେ ଖେଳିଥିଲେ। ୮୦ ରୁ ୯୦ ଦଶକରେ ବିଶ୍ୱ କ୍ରିକେଟରେ ବୋଲରମାନେ ପ୍ରାଧାନ୍ୟ ବିସ୍ତାର କରିଥିବାବେଳେ, ରିଚାର୍ଡସ ନିଜ ପାଇଁ ଏକ ଭିନ୍ନ ପରିଚୟ ସୃଷ୍ଟି କରିଥିଲେ। ୧୯୭୪ ରୁ ୧୯୯୧ ପର୍ଯ୍ୟନ୍ତ ତାଙ୍କର ଆକ୍ରମଣାତ୍ମକ ବ୍ୟାଟିଂ ସହିତ ସେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।
ନଭେମ୍ବର ୧୯୭୪ରେ ଭାରତ ବିପକ୍ଷରେ ବେଙ୍ଗାଲୁରୁରେ ଟେଷ୍ଟ କ୍ୟାରିୟର ଆରମ୍ଭ କରିଥିବା ରିଚାର୍ଡସ ୨୪୧ ଶତକ ଏବଂ ୪୫ ଅର୍ଦ୍ଧଶତକ ସହାୟତାରେ ୧୨୧ ଟେଷ୍ଟ ମ୍ୟାଚରେ ୮୫୪୦ ରନ ସଂଗ୍ରହ କରିଥିଲେ। ସେହିପରି ୧୮୭ ଦିନିକିଆରେ ସେ ୬୭୨୧ ରନ କରିଛନ୍ତ। ଏଥିରେ ୧୧ ଶତକ ଏବଂ ୪୫ ଅର୍ଦ୍ଧଶତକ ରହିଛି।
