ନ୍ୟୁଜିଲ୍ୟାଣ୍ଡର ପୂର୍ବତନ ଓପନର୍ ନାଥାନ ଆଷ୍ଟଲେ ୪୯ ବର୍ଷରେ ପଦାର୍ପଣ କରିଛନ୍ତି। ୧୯୭୧, ସେପ୍ଟେମ୍ବର ୧୫ରେ ଖ୍ରୀଷ୍ଟଚର୍ଚ୍ଚରେ ଜନ୍ମଗ୍ରହଣ କରିଥିବା ନାଥାନ ନ୍ୟୁଜିଲାଣ୍ଡକୁ ଅନେକ ମ୍ୟାଚ ଜିତାଇଥିଲେ। କିନ୍ତୁ ଆଜି ସେ କ୍ରିକେଟ ଛାଡି ପରିବାର ପୋଷିବା ପାଇଁ ଏକ ଭିନ୍ନ ଖେଳ ବାଛିଛନ୍ତି। ସାଧାରଣତଃ କ୍ରିକେଟରୁ ଅବସର ନେବା ପରେ କ୍ରିକେଟରମାନେ ସେମାନଙ୍କ ଏକାଡେମୀ ଖୋଲନ୍ତି କିମ୍ବା କୋଚିଂ, ଅମ୍ପାୟାର୍ ଏବଂ କମେଣ୍ଟ୍ରି କରୁଥିବା ନଜର ଆସନ୍ତି। କିନ୍ତୁ ନାଥନ ଆଷ୍ଟଲେ ଅବସର ପରେ ଏକ କାର୍ ରେସର୍ ହୋଇଥିଲେ। ଏହା ଏବେ ଆଷ୍ଟଲେ ରୋଜଗାରର ମାଧ୍ୟମ। କାର୍ ରେସିଂ ସମୟରେ ସେ ଅନେକଥର ଦୁର୍ଘଟଣାର ସମ୍ମୁଖୀନ ହୋଇଛନ୍ତି। କିନ୍ତୁ ଜୀବନକୁ ବାଜି ଲଗାଇ ସେ କାର୍ ରେସିଂ କରୁଛନ୍ତି।
ଡାହାଣହାତୀ ବ୍ୟାଟ୍ସମ୍ୟାନ୍ ଆଷ୍ଟଲେ ନିଜ କ୍ୟାରିୟରରେ ୩୭ଟି ଟେଷ୍ଟ ମ୍ୟାଚ ଖେଳି ୪୭୦୨ ରନ ସ୍କୋର କରିଥିଲେ। ଏଥିରେ ୧୧ଟି ଶତକ ସାମିଲ ଥିଲା। ସେହିପରି ୨୨୩ଟି ଏକଦିବସୀୟ ମ୍ୟାଚ୍ରେ ୭୦୯୦ ରନ ସ୍କୋର କରିଥିଲେ। ଏକଦିବସୀୟରେ ସେ ୧୬ଟି ଶତକ ହାସଲ କରିଥିଲେ। ଆଷ୍ଟଲେ ମଧ୍ୟ ଜଣେ ଭଲ ବୋଲର ଥିଲେ ଏବଂ ସେ ଟେଷ୍ଟରେ ୫୧ଟି ଉଇକେଟ୍ ଏବଂ ଏକଦିବସୀୟରେ ୯୯ଟି ଉଇକେଟ ନେଇଥିଲେ।
