ମୁମ୍ବାଇ,୨୯।୧୧: ବିଶ୍ୱ ବଜାରରେ ସୁନାର ଦାମ୍ ୬ ମାସର ଉଚ୍ଚତ୍ତମ ସ୍ତରରେ ପହଞ୍ଚିଥିବା ବେଳେ ଭାରତରେ ମଧ୍ୟ ସୁନାର ମୂଲ୍ୟରେ ବୃଦ୍ଧି ପରିଲକ୍ଷିତ ହୋଇଛି। ଭାରତରେ ପ୍ରଥମ ଥର ପାଇଁ ସୁନାର ମୂଲ୍ୟ ୬୩ ହଜାର ଟଙ୍କା ପ୍ରତି ୧୦ ଗ୍ରାମ ପାର କରି ୬୩,୫୦୦ ଟଙ୍କାରେ ପହଞ୍ଚିଛି। ମଙ୍ଗଳବାର କାରବାର ଶେଷରେ ସୁନାର ମୂଲ୍ୟ ୬୨ ହଜାର ୭୫୦ ଟଙ୍କା ପ୍ରତି ୧୦ ଗ୍ରାମ ରହିଥିଲା।
ବିଶ୍ୱ ବଜାରରେ ସୁନାର ଦାମ୍ ବୃଦ୍ଧି କାରଣରୁ ଏହାର ପ୍ରଭାବ ଭାରତୀୟ ବଜାରରେ ମଧ୍ୟ ଦେଖିବାକୁ ମିଳୁଛି। କେବଳ ସୁନା ନୁହେଁ ରୂପା ମୂଲ୍ୟରେ ମଧ୍ୟ ତୀବ୍ର ବୃଦ୍ଧି ଘଟିଛି। ବଜାରରେ ରୂପା ମୂଲ୍ୟ ୮୦୦ ଟଙ୍କା ବୃଦ୍ଧି ପାଇଁ କିଲୋଗ୍ରାମ ୭୯,୦୦୦ ଟଙ୍କାକୁ ବୃଦ୍ଧି ପାଇଛି। ଆନ୍ତର୍ଜାତୀୟ ବଜାରରେ ରୂପା ମୂଲ୍ୟ ଅନ୍ସ ପିଛା ୨୪.୯୫ ଡଲାରରେ ପହଞ୍ଚିଛି। ଏହି କାରଣରୁ ସୁନା ମୂଲ୍ୟରେ ତୀବ୍ର ବୃଦ୍ଧି ଦେଖିବାକୁ ମିଳୁଛି।
ତେବେ ଦେଶରେ ବର୍ତ୍ତମାନ ବିବାହ ଋତୁ ଚାଲିଛି, ତେଣୁ ସୁନା ମୂଲ୍ୟରେ ରେକର୍ଡ ବୃଦ୍ଧି ହେତୁ ସୁନା ଅଳଙ୍କାର କିଣିବାକୁ ଚିନ୍ତା କରୁଥିବା ଲୋକଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡିବ। ଅକ୍ଟୋବର ୨୦୨୩ ର ପ୍ରଥମ ସପ୍ତାହରୁ ସୁନା ମୂଲ୍ୟ ପୁନର୍ବାର ଗତି କଲା ଯେତେବେଳେ ସୁନା ୧୦ ଗ୍ରାମ ପ୍ରତି ୫୬,୬୩୦ ଟଙ୍କା କାରବାର କରୁଥିଲା। ଅର୍ଥାତ୍ ଦୁଇମାସ ମଧ୍ୟରେ ୧୦ ଗ୍ରାମ ପ୍ରତି ସୁନାର ମୂଲ୍ୟ ପ୍ରାୟ ୭୦୦୦ ଟଙ୍କା ବୃଦ୍ଧି ପାଇଛି।
